ព័ត៌មានជាតិ
២០២៤ គ្រោះធម្មជាតិកើតឡើងជាង ១ ពាន់លើក មានមនុស្សស្លាប់-របួស ជាង ២ រយនាក់ និងប៉ះពាល់ផ្ទះជាង ៦ ពាន់ខ្នង
នៅក្នុងឆ្នាំ ២០២៤ កន្លងទៅ ថ្មីៗ នេះ គ្រោះមហន្តរាយធម្មជាតិ បានកើតឡើងជាង ១ ២០០ លើក បណ្ដាលឱ្យមនុស្សស្លាប់ និងរបួស ជាង ២០០ នាក់ ព្រមទាំងប៉ះពាល់ផ្ទះសម្បែងជាង ៦ ០០០ ខ្នង។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ១០ មករា នេះថា ឆ្នាំ ២០២៤ គ្រោះមហន្តរាយធម្មជាតិរួមមាន ៖ ខ្យល់កន្ត្រាក់ រន្ទះបាញ់ និងគ្រោះអគ្គិភ័យ បានកើតឡើងចំនួន ១ ២៤៣ លើក បណ្តាលឱ្យមនុស្សស្លាប់ចំនួន ៩៥ នាក់ រងរបួស ១៥៣ នាក់ និងបំផ្លាញផ្ទះសម្បែង ៦ ០៥៣ ខ្នង ព្រមទាំងតូបផ្សារ ឃ្លាំងទំនិញ សាលារៀន និងអគាររដ្ឋបាលមួយចំនួនទៀត។
លោកបានបន្តថា ក្នុងនោះ គ្រោះអគ្គិភ័យបានកើតឡើងចំនួន ៨២៣ បណ្ដាលឱ្យមនុស្សស្លាប់ចំនួន ២០ នាក់ និងរងរបួសចំនួន ៥៩ នាក់ ឆេះផ្ទះ ៨៣៧ ខ្នង តូបផ្សារ ២៧៤ តូប ឃ្លាំងទំនិញ ២៤ កន្លែង រោងចក្រសិប្បកម្ម ២៥ កន្លែង និងអគាររដ្ឋបាល ២៧ កន្លែង ស្លាប់មនុស្ស ២០ នាក់ និងរបួស ៥៩ នាក់។ ក្នុងចំណោម ៨២៣ លើក ក្នុងនោះ នៅរាជធានីភ្នំពេញកើតឡើងច្រើនជាងគេ មានចំនួន ១៥០ លើក បណ្តាលឱ្យឆេះផ្ទះ ១៦៧ ខ្នង តូបផ្សារ ២៣ តូប ឃ្លាំងទំនិញ ១៣ កន្លែង រោងចក្រសិប្បកម្ម ៩ កន្លែង អគាររដ្ឋបាល ៤ កន្លែង ស្លាប់មនុស្ស ៥ នាក់ និងរបួស ១១ នាក់។
ចំណែកគ្រោះរន្ទះបាញ់បានកើតឡើងចំនួន ១២៥ លើក នៅខេត្តចំនួន ២២ លើកលែងរាជធានីភ្នំពេញ ខេត្តកែប និងខេត្តព្រះវិហារ បណ្ដាលឱ្យខូចខាតផ្ទះសម្បែងចំនួន ៣១ ខ្នង ស្លាប់មនុស្ស ៦៨ នាក់ របួស ៥៥ នាក់ និងងាប់គោក្របី ៤៥ ក្បាល។ ក្នុងចំណោម ១២៥ លើក ក្នុងនោះ ខេត្តសៀមរាបកើតឡើង ២១ លើក ស្លាប់មនុស្ស ១២ នាក់ របួស ៩ នាក់ ងាប់គោ ៧ ក្បាល និងផ្ទះ ៤ ខ្នង។ រីឯខ្យល់កន្ត្រាក់វិញបានកើតឡើងចំនួន ២៩៥ លើក បណ្ដាលឱ្យរលំផ្ទះចំនួន ៥៤៨ ខ្នង របើកដំបូលផ្ទះ ៤ ៦៣៧ ខ្នង របើកដំបូលសាលារៀន ៥១ ខ្នង តូបផ្សារ ៤០ តូប អគាររដ្ឋបាល ២៣ កន្លែង ស្លាប់មនុស្ស ៧ នាក់ និងរបួស ៣៩ នាក់។
លោក សុទ្ធ គឹមកុលមុនី លើកឡើងបន្តទៀតថា តួលេខនេះ បើធៀបទៅនឹងឆ្នាំ ២០២៣ កន្លងទៅ ឃើញថា កើនឡើង តែផលប៉ះពាល់ និងជនរងគ្រោះ មានចំនួនតិចជាង។ ក្នុងនោះ ឆ្នាំ ២០២៣ គ្រោះមហន្តរាយធម្មជាតិរួមមាន ៖ ខ្យល់កន្ត្រាក់ រន្ទះបាញ់ និងអគ្គិភ័យ បានកើតឡើងចំនួន ១ ០១៨ លើក បណ្តាលឱ្យមនុស្សស្លាប់ចំនួន ១២៣ នាក់ រងរបួស ២៧៨ នាក់ និងបំផ្លាញផ្ទះសម្បែងជិត ១៨ ០០០ ខ្នង ព្រមទាំងតូបផ្សារ ឃ្លាំងទំនិញ សាលារៀន និងអគាររដ្ឋបាលមួយចំនួនទៀត។
ក្នុងនោះ រន្ទះបាញ់កើតឡើងចំនួន ១៤៣ លើក បណ្តាលឱ្យខូចខាតផ្ទះ ១៦ ខ្នង ស្លាប់ ៨៤ នាក់ របួស ៥៩ នាក់ និងងាប់គោក្របី ១០៧ ក្បាល។ ចំណែកខ្យល់កន្ត្រាក់កើតឡើងចំនួន ៣០៤ លើក បណ្តាលឱ្យរលំផ្ទះ ២ ០៣៤ ខ្នង របើកដំបូលផ្ទះ ១៥ ៤៤៩ ខ្នង សាលារៀន ៩៥ ខ្នង តូបផ្សារ ៨០ តូប អគាររដ្ឋបាល ៤០ អគារ ស្លាប់មនុស្ស ៩ នាក់ និងរបួស ១៧៥ នាក់។ រីឯអគ្គិភ័យកើតឡើងចំនួន ៥៧១ លើក បណ្តាលឱ្យឆេះផ្ទះ ៦៣៦ ខ្នង តូបផ្សារ ៤៩៩ តូបឃ្លាំងទំនិញ ១៤ សាលារៀន ១ ខ្នង រោងចក្រសិប្បកម្ម ១១ កន្លែង អគាររដ្ឋបាល ១៤ កន្លែង ស្លាប់មនុស្ស ៣០ នាក់ និងរបួស ៤៤ នាក់៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ