មន្ទីរពេទ្យមិត្តភាពខ្មែរ-សូវៀត នឹងផ្តល់ការពិនិត្យជំងឺមហារីកមាត់ស្បូនឥតគិតថ្លៃដល់ស្ត្រី ២៥០នាក់ រយៈពេល៣ថ្ងៃ

មន្ទីរពេទ្យមិត្តភាពខ្មែរ-សូវៀត បានចេញសេចក្តីប្រកាសនៅថ្ងៃទី១០ ខែមករា ឆ្នាំ២០២៥ ទៅកាន់សាធារណជនបានជ្រាបថា ផ្នែកសម្ភព និងរោគស្ត្រី នៃមន្ទីរពេទ្យមិត្តភាពខ្មែរ-សូវៀត នឹងផ្តល់ជូន ការពិនិត្យរកមេរោគបង្កជំងឺមហារីកមាត់ស្បូន ដោយឥតគិតថ្លៃ ដល់ស្ត្រីចំនួន ២៥០នាក់ រយៈពេល៣ថ្ងៃ ចាប់ពីថ្ងៃទី២៧ ដល់ថ្ងៃទី៣០ ខែមករា ឆ្នាំ២០២៥។

បើតាមសេចក្តីប្រកាស មន្ទីរពេទ្យមិត្តភាពខ្មែរ-សូវៀត សហការជាមួយក្រុមគ្រូពេទ្យ WORLDWIDE HEALING HAND មកពីសហរដ្ឋអាមេរិក។ ចំពោះ ស្ត្រីដែលមកទទួលការពិនិត្យ ត្រូវមានអាយុចន្លោះពី ២៥ឆ្នាំ ទៅ៦០ឆ្នាំ មិនធ្លាប់ទទួលការវះកាត់ពីមុនមក និងមិនធ្លាប់បានធ្វើតេស្តរកមេរោគបង្កជំងឺមហារីកមាត់ស្បូនក្នុងរយៈពេល៥ឆ្នាំ ចុងក្រោយ។

សម្រាប់ព័ត៌មានលម្អិត ប្រជាពលរដ្ឋអាចទំនាក់ទំនងសាកសួរព័ត៌មានបន្ថែម តាមរយៈលេខទូរសព្ទ៖ ០៧៧ ៦៥៨ ៤១៣៕