ចៅសង្កាត់ផ្សារថ្មី១ថ្លែងអំណរគុណអនុសាខាកាកបាទក្រហមខណ្ឌដូនពេញសម្រាប់អំណោយជូនដល់គ្រួសារកំពុងធ្វើចត្តាឡីស័ក

ជំនួសមុខអោយគ្រួសារដែលធ្វើចត្តាឡីស័កនៅភូមិ៦ សង្កាត់ផ្សារថ្មីទី១ ខណ្ឌដូនពេញ លោកស្រី ស៊ីតូន ចៅសង្កាត់ផ្សារថ្មី១នៃខណ្ឌដូនពេញ នៅព្រឹកថ្ងៃទី១៧ ខែមីនា ឆ្នាំ២០១២១នេះ បានថ្លែងអំណរគុណដល់  លោក សុខ ពេញវុធ អភិបាលនៃគណៈអភិបាលខណ្ឌដូនពេញ ដែលបានចាត់កម្លាំងមកឧបត្ថម្ភ អង្ករ មី និងទឹកក្រូចរបស់កាកបាទក្រហមជូនដល់គ្រួសារពួកគាត់ ដែលកំពុងធ្វើចត្តាឡីស័កក្នុងផ្ទះ សូមប្រសិទ្ឋិពរជ័យជូន លោកអភិបាលឱ្យជួបតែសេចក្ដីសុខគ្រប់ប្រការ។

ជាមួយគ្នានោះដែរ លោកស្រីចៅសង្កាត់ផ្សារថ្មី១ សូមឲ្យបងប្អូនប្រជាពលរដ្ឋក្នុងមូលដ្ឋានក៏ដូចជាប្រជាពលរដ្ឋទាំងអស់ចូលរួមទប់ស្កាត់តាមសេចក្ដីណែនាំរបស់ក្រសួងសុខាភិបាលពាក់ម៉ាស់ឲ្យបានត្រឹមត្រូវ និងលាងសំអាតដៃដោយទឹកសាប៊ូ ឬអាល់កុលដើម្បីជៀសវាងការរីករាលដាលឆ្លងជំងឺកូវីដ១៩៕

អត្ថបទ៖ រស្មី