ព័ត៌មានជាតិ

មន្ត្រីជំនាញចុះបាញ់ថ្នាំសម្លាប់មេរោគ នៅតំបន់ឆ្លងជំងឺផ្តាសាយបក្សី ដែលបណ្តាលឱ្យបុរសម្នាក់ស្លាប់នៅស្រុកចំការលេី

បានផុស

១ សប្តាហ៍ មុន

នៅ

ថ្ងៃសៅរ៍ ១១ មករា ២០២៥

ដោយ

បន្ទាប់ពីទទួលដំណឹងភ្លាម ក្រុមការងារនៃការិយាល័យផលិតកម្ម និងបសុព្យាបាលខេត្តកំពង់ចាម រួមជាមួយអគ្គនាយកដ្ឋានសុខភាពសត្វ និងផលិតកម្មសត្វ, នាយកដ្ឋានប្រយុទ្ធនឹងជំងឺឆ្លង CDC នៃក្រសួងសុខាភិបាលបានចុះអន្តរាគមន៍ករណីនៃការឆ្លងជំងឺផ្តាសាយបក្សី ដែលបានបណ្តាលឱ្យបុរសម្នាក់ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាលខេត្តកំពង់ចាម បានឲ្យដឹងថា ក្រោយពីតេស្ត រកឃេីញមានករណីជំងឺឆ្លងផ្តាសាយបក្សី ដែលបានបណ្តាលឱ្យបុរសម្នាក់ស្លាប់នៅក្នុងនៅភូមិ២២ ឃុំចំការអណ្តូង ស្រុកចំការលេី ក្រុមការងារបានចុះយកសំណាកលេីសត្វដែលនៅរស់បន្តទៀត និងបានបាញ់ថ្នាំសម្លាប់មេរោគនៅកន្លែងផ្ទះផ្ទុះជំងឺ។

លោកប្រធានការិយាល័យបានបញ្ជាក់ទៀតថា ក្រុមការបានសម្លាប់សត្វដែលនៅសល់រួមមាន៖ ទា មាន់ ក្ងាន់ ដុតសម្លាប់នៅពេលយប់ភ្លាមៗ។

ជាមួយគ្នានោះដែរ ការិល័យាមន្ត្រីផលិតកម្ម និងបសុព្យាបាលខេត្តកំពង់ចាម ក៍បានផ្សព្វផ្សាយ និងអំពាវនាវឲ្យបងប្អូនប្រជាពលរដ្ឋដែលរស់នៅតំបន់នោះប្រុងប្រយ័ត្ន និងថែរទាំសុខភាពល្អតាមគ្រួសារឲ្យល្អ ប្រសិនបេីមានការសង្ស័យ សូមសហការរាយការណ៍មកមន្ត្រីពេទ្យភ្លាមៗ ដេីម្បីចាត់វិធានការការពារជំងឺមួយនេះកុំឆ្លងរីករាលដាល។

គូសបញ្ជាក់ថា បុរសម្នាក់ស្លាប់ដោយសារជមកងឺផ្តាសាយបក្សីនេះ កាលពីថ្ងៃទី១០ ខែមករា ឆ្នាំ២០២៥នេះ មានឈ្មោះ គីម មករា ភេទប្រុស អាយុ២៨ឆ្នាំ រស់នៅភូមិ២២ ឃុំចំការអណ្តូង ស្រុកចំការលេី ខេត្តកំពង់ចាម៕