ព័ត៌មានជាតិ

រកឃើញអ្នកវិជ្ជមានកូវីដម្នាក់ នៅម្តុំផ្សារក្រមួនស្ទឹងមានជ័យ

បានផុស

៤ years មុន

នៅ

ថ្ងៃពុធ ១៧ មីនា ២០២១

ដោយ

Sorn Phanith

បុរសម្នាក់ ត្រូវបានក្រុមគ្រូពេទ្យចុះទៅយក នៅម្តុំផ្សារក្រមួនស្ទឹងមានជ័យ ខណៈបុរសរូបនោះ មានផ្ទុកជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានឲ្យដឹងថា នៅវេលាម៉ោង១១និង២០នាទីថ្ងៃទី១៧ ខែមីនានេះ ក្រុមគ្រូពេទ្យបង្អែករាជធានីភ្នំពេញ បានចុះទៅយកអ្នកជំងឺកូវីដ១៩ ម្នាក់ស្ថិតក្នុងផ្ទះលេខ៥៥១ ក្រុមទី១៣ ភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

លោកចៅរងទី១ បានឲ្យដឹងទៀតថា ក្រុមគ្រូពេទ្យបានមកយកបុរសម្នាក់ឈ្មោះ មាស ណេត ភេទប្រុស អាយុ៣៥ឆ្នាំ មុខរបរបម្រើការនៅហាងម៉ូតស្តរ នៅខណ្ឌទួលគោក ហើយស្នាក់នៅក្បែរផ្សារក្រមួនស្ទឹងមានជ័យនេះឯង។ ហើយក្នុងនោះ លោកចៅរងសង្កាត់សំណូមពរដល់បងប្អូនប្រជាពលរដ្ឋ ដែលរស់នៅក្បែរទីតាំងផ្ទះលោក មាស ណេត សុំកុំចេញពីផ្ទះបើពុំមានការចាំបាច់។ ពិសេសត្រូវអនុវត្តឲ្យបានខ្ជាប់ខ្ជួននូវវិធានការ៣កុំ និង៣ការពារ និងសុំឲ្យពាក់ម៉ាស លាងដៃដោយសាប៊ូ និងបាញ់អាល់កុលគ្រប់ៗគ្នាធ្វើយ៉ាងណាកុំឲ្យឆ្លងជំងឺកូវីដ១៩ដ៏សាហាវនេះដល់បុគ្គលម្នាក់ៗ៕