ព័ត៌មានជាតិ
នគរបាលជាតិ បំភ្លឺពាក់ព័ន្ធករណីព្រះចៅអធិការវត្ត រាជបូណ៌ ក្នុងខេត្តសៀមរាប
ក្រោយមានការរិះគន់ជាច្រើននៅលើបណ្ដាញសង្គមtik tok និងបណ្ដាញសង្គមហ្វេសប៊ុក បាក់ព័ន្ធករណីព្រះគ្រូចៅអធិការវត្ត រាជបូណ៌ ដែលប្រើហិង្សាលើភិក្ខុ និងសាមណេរនោះមក ក្រុមការងារប្រតិកម្មរហ័សនៃអគ្គស្នងការដ្ឋាននគរបាលជាតិ បានចេញសេក្ដីបំភ្លឺមួយដើម្បីជូនដល់សារធាណៈជនបានជ្រាប។
ក្នុងសេក្ដីបំភ្លឺនេះបានតាមរយៈគេហទំព័រអគ្គស្នងការនគរបាលជាតិឲ្យដឹងថា កាលពីថ្ងៃទី១៣ ខែមីនា ឆ្នាំ២០២១ នៅលើបណ្ដាញសង្គម tik tok និងបណ្ដាញសង្គមហ្វេសប៊ុក បានធ្វើការផ្សព្វផ្សាយចែករំលែកបន្តនូវព័ត៌មានពាក់ព័ន្ធអំពើហិង្សាដែលកើតឡើងលើព្រះសង្ឃ ។
ឯកឧត្តម ជីវ ផល្លី ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន បានបញ្ជាក់ឲ្យដឹងថា បន្ទាប់ពីទទួលបានព័ត៌មាននេះ ជំនាញនៃនាយកដ្ឋាន បានសហការជាមួយស្នងការដ្ឋាននគរបាលខេត្តសៀមរាប ចុះធ្វើការស្រាវជ្រាវ និងបានរកឃើញថា ករណីប្រព្រឹត្តអំពើហិង្សាខាងលើ គឺបានកើតឡើងនៅក្នុងវត្តរាជបូណ៌ ស្ថិតនៅភូមិវត្តបូណ៌ សង្កាត់សាលាកំរើក ក្រុង-ខេត្តសៀមរាប ដែលបង្កឡើងដោយព្រះគ្រូព្រះនាម ពិន សែម ព្រះចៅអធិការវត្តរាជបូណ៌ ហើយករណីនេះកើតចេញអំពីការអនុវត្តវិន័យលើភិក្ខុ និងសាមណេរមួយចំនួនដែលល្មើសវិន័យ ។
ផ្អែកតាមការបំភ្លឺរបស់ភិក្ខុ និងសាមណេរចំនួន៨អង្គ បានឲ្យដឹងថា ព្រះអង្គបានទទួលនូវការដាក់វិន័យពីសំណាក់ព្រះគ្រូចៅអធិការវត្តពិតប្រាកដមែន ព្រោះព្រះអង្គបានល្មើសនឹងវិន័យផ្ទៃក្នុងរបស់វត្ត ដូចជាការគេចវេះចូលរៀន ខ្ជិលច្រអូសធ្វើការងារក្នុងវត្ត មិនចូលរួមធ្វើអនាម័យ ចេញក្រៅវត្តរហេតរហូតគ្មានវិន័យ។ ភិក្ខុ និងសាមណេរទាំងនោះទទួលការដាក់វិន័យ ខ្លះទទួលពិន័យ ពីរ ទៅបីដង ដោយត្រូវរំពាត់ផ្ដៅចាប់ពី១រំពាត់ ដល់១០០រំពាត់ ។ ពេលដែលអនុវត្តវិន័យ ព្រះគ្រូចៅអធិការពុំបានអនុវត្តផ្ទាល់ទេ គឺបានបញ្ជាឲ្យព្រះសង្ឃព្រះនាម ហន សុខហេង ជាអ្នកវាយ រីឯព្រះគ្រូចៅអធិការគង់មើលរហូតដល់ការដាក់វិន័យត្រូវបានចប់សព្វគ្រប់។
ដោយឡែក ព្រះគ្រូចៅអធិការ ព្រះនាម ពិន សែម បានសារភាពថា ព្រះអង្គពិតជាបានដាក់ពិន័យដោយការស្តីបន្ទោស និងប្រើរំពាត់ផ្តៅវាយទៅលើភិក្ខុ និងសាមណេរ នៅក្នុងវត្តរាជបូព៌ ដែលប្រព្រឹត្តខុសវិន័យម្ដងហើយម្ដងទៀត រីឯរូបភាពដាក់វិន័យ គឺព្រះអង្គបញ្ជាឲ្យសាមណេរណាដែលបានកែប្រែខ្លួនរួចហើយ ជាអ្នកវាយទៅលើសាមណេរណាដែលមានកំហុសថ្មីៗមិនព្រមរាងចាល។
ព្រះគ្រូចៅអធិការបានបញ្ជាក់បន្ថែមថា ក្នុងការដាក់វិន័យនេះព្រះអង្គមានបំណងឲ្យព្រះសង្ឃគ្រប់អង្គគង់ក្នុងវត្តរាជបូព៌ ទទួលបានកិត្តិយស សេចក្តីថ្លៃថ្នូរ និងចៀសផុតពីការផ្ដន្ទាទោសដោយច្បាប់រដ្ឋ។
ឯកឧត្តម ឧត្តមសេនីយ៍ឯក ជីវ ផល្លី បានបញ្ជាក់បន្ថែមថា ដោយមានការអនុញ្ញាតពី ឯកឧត្តម ព្រះរាជអាជ្ញា នៃអយ្យការអមសាលាដំបូងខេត្តសៀមរាប ករណីនេះជំនាញនៃស្នងការដ្ឋាននគរបាលខេត្តសៀមរាប បានអនុវត្តត្រឹមកម្រិតធ្វើកិច្ចសន្យាអប់រំ ណែនាំ ព្រះគ្រូព្រះនាម ពិន សែម ចៅអធិការវត្តរាជបូព៌ ឲ្យបញ្ឈប់ប្រព្រឹត្តអំពើហិង្សាលើភិក្ខុ និងសាមណេរចាប់ពីថ្ងៃនេះតទៅ ៕
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ