ព័ត៌មានជាតិ
រដ្ឋមន្ត្រីអប់រំ ជំរុញយុវជន បន្តខិតខំរៀនសូត្រ ក្លាយជាធនធានប្រកបដោយសក្ដានុពល រួមចំណែកអភិវឌ្ឍន៍សង្គមជាតិ
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានជំរុញដល់យុវជនទាំងអស់ សូមបន្តខិតខំប្រឹងប្រែងរៀនសូត្រ ក្រេបជញ្ជក់ចំណេះដឹង រៀនសូត្រពីប្រវត្តិសាស្ត្រ ដើម្បីបន្តពង្រឹងសមត្ថភាពខ្លួនឯងឱ្យប្រែក្លាយជាធនធានប្រកបដោយសក្ដានុពល រួមចំណែកក្នុងការអភិវឌ្ឍសង្គមជាតិ។
នៅក្នុងពិធីសប្បុរសធម៌លើកទី ១៤ គម្រប់ខួបលើកទី ៦៥ និងការជួបជុំអតីតនិស្សិត នៃសាកលវិទ្យាល័យភូមិន្ទភ្នំពេញ កាលពីថ្ងៃទី ១១ និង ១២ មករា លោកឧបនាយករដ្ឋមន្ត្រី បានមានប្រសាសន៍ថា «ត្បិតមានតែការសិក្សារៀនសូត្រប៉ុណ្ណោះដែលអាចជួយប្អូនៗ ឱ្យផ្លាស់ប្ដូរជោគវាសនាខ្លួនឯង និងប្រទេសជាតិ ឆ្ពោះទៅសម្រេចចក្ខុវិស័យកម្ពុជា ២០៥០»។
លោកឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅដល់គណៈគ្រប់គ្រងសាកលវិទ្យាល័យ យុវជនកាកបាទក្រហមកម្ពុជា អតីតនិស្សិត វិស័យឯកជន និងគ្រប់ភាគីពាក់ព័ន្ធទាំងអស់ ជាពិសេសសប្បុរសជនដែលបរិច្ចាគទាំងថវិកា និងពេលវេលាចូលរួមគាំទ្រជំរុញឱ្យព្រឹត្តិការណ៍ដ៏មានអត្ថន័យនេះដំណើរការទៅបានដោយរលូន និងជោគជ័យ។
លោកឧបនាយករដ្ឋមន្ត្រី បានចាត់ទុកព្រឹត្តិការណ៍នេះជាការសបញ្ជាក់នូវស្មារតីចែករំលែកធនធានដ៏មានតម្លៃ ក្នុងការបំផុសចលនារួបរួមសាមគ្គី ការចែករំលែកសេចក្តីស្រឡាញ់ ការលើកកម្ពស់ការងារស្ម័គ្រចិត្តរបស់យុវជនក្នុងការងារសង្គម និងមនុស្សធម៌ដែលជាឧត្តមប្រយោជន៍សម្រាប់បម្រើសហគមន៍ក្រីក្រ និងជនងាយរងគ្រោះ។
លោកសាស្ត្រាចារ្យ ជេត ជាលី សកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទភ្នំពេញ បានឱ្យដឹងថា សាកលវិទ្យាល័យភូមិន្ទភ្នំពេញ បានទទួលការអនុញ្ញាតដ៏ខ្ពង់ខ្ពស់បំផុតពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឱ្យរៀបចំពិធីសប្បុរសធម៌លើកទី ១៤ នេះឡើង ក្នុងគោលបំណងកៀរគរថវិកាពីសប្បុរសជននានា ដើម្បីជួយដល់សាស្ត្រាចារ្យ បុគ្គលិក និស្សិត នៃសាកលវិទ្យាល័យភូមិន្ទភ្នំពេញ ដែលមានជីវភាពខ្វះខាត មណ្ឌលកុមារកំព្រា កុមារងាយរងគ្រោះ ជាពិសេសជួយដល់អ្នកជំងឺដែលពុំមានលទ្ធភាពសម្រាកព្យាបាលនៅមន្ទីរពេទ្យមួយចំនួន។ លោកឧបនាយករដ្ឋមន្ត្រី បានបន្ថែមថា ស្មារតីជួយគ្នាទៅវិញទៅមកនេះ គឺជាការនាំមកនូវសុខសន្តិភាព។
គួរបញ្ជាក់ថា កម្មវិធីសប្បុរសធម៌លើកទី ១៤ និងខួបគម្រប់ ៦៥ ឆ្នាំ នៃសាកលវិទ្យាល័យភូមិន្ទភ្នំពេញ នេះ រៀបចំឡើងក្រោមកិច្ចសហការរវាងនិស្សិត នៃសាកលវិទ្យាល័យភូមិន្ទភ្នំពេញ និងក្លឹបយុវជនកាកបាទក្រហមកម្ពុជា ដើម្បីលើកកម្ពស់សកម្មភាពសប្បុរសធម៌ និងចែករំលែកក្ដីស្រលាញ់ តាមរយៈមានការប្រគំតន្ត្រី និងស្តង់លក់ទំនិញជាច្រើនប្រភេទ ដែលប្រព្រឹត្តទៅរយៈពេល ២ ថ្ងៃ គឺចាប់ពីថ្ងៃសៅរ៍ ទី ១១ ដល់ថ្ងៃអាទិត្យ ទី ១២ ខែមករា ឆ្នាំ ២០២៥ ក្នុងបរិវេណសាកលវិទ្យាល័យភូមិន្ទភ្នំពេញ៕
អត្ថបទ ៖ សំអឿន
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
សេចក្ដីព្រាងច្បាប់ប្រឆាំងការមិនទទួលស្គាល់ឧក្រិដ្ឋកម្មខ្មែរក្រហមត្រូវបានគណៈរដ្ឋមន្ត្រីអនុម័ត
ពលរដ្ឋខ្មែរជាប់សែស្រឡាយចិន នាំគ្នាទៅកាត់ឆុងរំដោះគ្រោះចង្រៃ បួងសួងសុំសេចក្ដីសុខ នៅវត្តភ្នំ
សំណុំរឿងឃាតកម្មកូនដើមសម្លាប់ឪពុកចុងនៅស្រុកភ្នំព្រឹក បានបន្តទៅតុលាការកំពូល បន្ទាប់ពីម្ដាយជនជាប់ចោទប្ដឹងសារទុក្ខ
លោក លៀក លីដា បញ្ជាក់ថា ក្រុមការងារខ្លួន មានបច្ចេកទេសក្នុងការតាមចាប់អ្នកលួចថតចម្លងរឿង
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ
-
ចរាចរណ៍៤ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៧ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២២ ម៉ោង agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២៣ ម៉ោង agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានជាតិ១ សប្តាហ៍ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៥ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់