ព័ត៌មានជាតិ
រាជរដ្ឋាភិបាលជប៉ុន នឹងរៀបចំពិព័រណ៍ការងារអនឡាញ សម្រាប់ប្រព័ន្ធពលករជំនាញ នៅប្រទេសជប៉ុន
រាជរដ្ឋាភិបាលជប៉ុន គ្រោងនឹងរៀបចំពិព័រណ៍ការងារអនឡាញ សម្រាប់ប្រព័ន្ធពលករជំនាញនៅប្រទេសជប៉ុន តាមរយៈប្រព័ន្ធវីដេអូអនឡាញ Zoom Meeting ដែលនឹងប្រព្រឹត្តទៅ ចំនួន ៣ លើក គឺ នៅថ្ងៃទី ១៧, ១៨ និង ៣១ ខែមករា ឆ្នាំ ២០២៥។
យោងតាមសេចក្ដីជូនដំណឹងមួយដែលទើបទទួលបាននៅថ្ងៃទី ១៤ មករានេះ បានឱ្យដឹងថា «យោងតាមការជូនដំណឹងពីក្រសួងយុត្តិធម៌ នៃប្រទេសជប៉ុន ក្រសួងការងារ និងបណ្ដុះបណ្ដាលវិជ្ជាជីវៈ សូមជម្រាបជូនដំណឹងដល់ទីភ្នាក់ងារជ្រើសរើសឯកជនទាំងអស់ និងសាធារណជន ជាពិសេសអ្នកដែលមានបំណងស្វែងរកការងារធ្វើនៅប្រទេសជប៉ុន ឱ្យបានជ្រាបថា រដ្ឋាភិបាលជប៉ុន គ្រោងនឹងរៀបចំពិព័រណ៍ការងារអនឡាញ សម្រាប់ប្រព័ន្ធពលករជំនាញនៅប្រទេសជប៉ុន តាមរយៈប្រព័ន្ធវីដេអូអនឡាញ Zoom Meeting ដែលនឹងប្រព្រឹត្តទៅ ចំនួន ៣ លើក គឺ នៅថ្ងៃទី ១៧, ១៨ និង ៣១ ខែមករា ឆ្នាំ ២០២៥»។
បើតាមក្រសួងការងារ កម្មវិធីនេះ នឹងមានការពន្យល់លម្អិតពីប្រព័ន្ធពលករជំនាញនៅប្រទេសជប៉ុន និងការណែនាំពីក្រុមហ៊ុនទទួល និងសមាគមគាំទ្រនៅក្នុងប្រទេសជប៉ុន។
លោកអ្នកអាចចុះឈ្មោះចូលរួមពិព័រណ៍ការងារអនឡាញនេះដោយឥតគិតថ្លៃ ដោយស្កេន QR Code ខាងក្រោម ដើម្បីចុះឈ្មោះ និងឆ្លើយសំណួរចាំបាច់ អំពីឈ្មោះ សញ្ជាតិ ប្រទេសដែលកំពុងស្នាក់នៅ ប្រភេទការងារ ដែលចាប់អារម្មណ៍ អ៊ីមែល កម្រិតភាសាជប៉ុន និងស្ថានភាពការងារ។
ក្រសួងការងារ បានណែនាំទីភ្នាក់ងារជ្រើសរើសឯកជនទាំងអស់ សាធារណជន និង កម្មសិក្សាការីបច្ចេកទេសបញ្ចប់កម្មសិក្សានៅប្រទេសជប៉ុន ដែលមានបំណងចូលរួមពិព័រណ៍ការងារអនឡាញនេះ ជ្រាបជាព័ត៌មាន និងចូលរួមឱ្យបានច្រើនកុះករ។
គួរបញ្ជាក់ថា គិតត្រឹមឆ្នាំ ២០២៣ កម្ពុជា បានផ្តល់ឱកាសការងារនៅក្រៅប្រទេសជូនប្រជាពលរដ្ឋបានចំនួន ១ ៣៥៦ ៦១៦ នាក់ ស្រីចំនួន ៥៥២ ៨៥១ នាក់ ក្នុងនោះ ប្រទេសជប៉ុន មានចំនួន ២០ ០៥៦ នាក់ ស្រី ៩ ១៥៥ នាក់ ដោយទទួលបានប្រាក់ខែជាមធ្យម ១ ៤០០ ដុល្លារ ក្នុង ១ ខែ៕
អត្ថបទ ៖ សំអឿន
បណ្ឌិត លី ឆេង អរគុណយ៉ាងជ្រាលជ្រៅចំពោះ សម្តេច ហ៊ុន សែន ដែលគាំទ្រ និងផ្តល់ឱកាសយ៉ាងពេញលេញដល់វិស័យអប់រំផ្នែកឯកជន
ពលរដ្ឋ និងអ្នកឃ្លាំមើល សរសើរមន្ត្រីប្រចាំការនៅច្រកទ្វារព្រំដែនអន្តរជាតិយកចិត្តទុកដាក់ពលករវិលចូលស្រុក
ត្រឹមតែ ៣ខែ ប៉ុណ្ណោះក្រុមហ៊ុន អៃ-ឆា ហ៊្វូដខេអេច បានចុះកុងត្រាជាមួយម្ចាស់ហ្វ្រេនឆាយជាង ២០ ហាង
សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ
ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
ត្រាំ ដកស្មាតហ្វូន កុំព្យូព័រ គ្រឿងអេឡិចត្រូនិកផ្សេងទៀត ពីបញ្ជីពន្ធបដិការ
សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ
ពងទា១ពាន់គ្រាប់ ត្រូវបានដាក់ឱ្យអ្នកចូលរួមសង្រ្កាន្តស្រុកខ្សាច់កណ្ដាល បរិភោគឥតគិតថ្លៃ
ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ
-
សន្តិសុខសង្គម១ សប្តាហ៍ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៧ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៦ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៣ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
សន្តិសុខសង្គម៣ ថ្ងៃ agoផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
សន្តិសុខសង្គម១ សប្តាហ៍ agoអគ្គិភ័យបំផ្លាញផ្ទះមួយខ្នងទាំងព្រឹកនៅបាត់ដំបង