ព័ត៌មានជាតិ

រូបភាពថ្មីៗនៅការដ្ឋានសាងសង់ស្ពានឆ្លងទន្លេខេត្តក្រចេះ ខណៈកម្មករសម្រុកឲ្យរួចតាមផែនការ

បានផុស

២ ខែ មុន

នៅ

ថ្ងៃអង្គារ ១៤ មករា ២០២៥

ដោយ

ខណៈស្ពានឆ្លងទន្លេមេគង្គខេត្តក្រចេះគ្រោងដាក់ឲ្យប្រើប្រាស់នៅចុងឆ្នាំនេះ ដោយឡែកបើក្រឡេកមើលសកម្មភាពដំណើរការសាងសង់ក៏កាន់តែមមាញឹកដើម្បីសម្រេចទៅតាមផែនការ។

កាលពីចុងសប្ដាហ៍មុននេះ ក្រុមការងារកម្ពុជាថ្មីបានចុះទៅដល់ទីតាំងការដ្ឋានសាងសង់ស្ពានឆ្លងទន្លេនៅខេត្តក្រចេះនៅផ្នែកខាងលិចស្ថិតនៅភូមិថ្មរាប ស្រុកព្រែកប្រសព្វខេត្តក្រចេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីកម្មករមួយរូបបានផ្តល់បទសម្ភាសដល់កម្ពុជាថ្មីដោយសុំមិនបញ្ចេញឈ្មោះថា ខណៈគម្រោងស្ពាននឹងដាក់ឲ្យប្រើប្រាស់ឆាប់ៗនេះ ក្រុមកម្មករនៅការដ្ឋានក៏កំពុងសម្រុកហើយតាមផែនការ ក្នុងរយៈពេល ៣ ខែទៀតនឹងសម្រេចឲ្យបានការតភ្ជាប់ពីគល់ស្ពានទៅប្រឡោះកណ្តាលស្ពានឲ្យបានរួចរាល់។

បើតាមមន្រ្តីក្រសួងសាធារណការនិងដឹកជញ្ជូនបានបញ្ជាក់កាលពីពេលថ្មីៗនេះថា ស្ពានកាត់ទន្លេមេគង្គខេត្តក្រចេះដែលមានតម្លៃសាងសង់ជាង ១០០ លានដុល្លារនេះ នឹងដាក់ឲ្យប្រើប្រាស់បណ្ដោះអាសន្ននៅអំឡុងខែកញ្ញាឆ្នាំ ២០២៥ ខណៈការដ្ឋានសាងសង់គិតមកដល់ពេលនេះសម្រេចបានជាង ៨០%៕