ពីថ្ងៃនេះដល់ថ្ងៃទី១៨ ខែមករា អាកាសធាតុនៅខេត្តរតនគីរី ចុះត្រជាក់ដល់១៨អង្សា

ព្រឹត្តិបត្រព័ត៌មានស្តីពីស្ថានភាពធាតុអាកាសខេត្តរតនគិរី បានប​ង្ហាញដឹងថា ចាប់ពីថ្ងៃទី១៦ ខែមករា ឆ្នាំ២០២៥ ដល់ថ្ងៃទី១៨ ខែ មករា ឆ្នាំ២០២៥ ស្ថានភាពធាតុអាកាសខេត្តរតនគិរី ទទួលឥទ្ធិពលពីខ្យល់មូសុងឦសាន ដែលស្ថានភាពបែបនេះនឹងធ្វើឱ្យ សីតុណ្ហភាពពី១៨°C ទៅ ៣២°C ហើយខ្យល់បក់មកពីទិសឦសាន និងមានល្បឿន ២ ទៅ ៥ ម៉ែត្រ/វិនាទី។

ចំណែក នៅពេលព្រឹក និងនៅពេលយប់ ចាប់ពីម៉ោង១ព្រឹកដល់ម៉ោង៦ព្រឹក និងចាប់ម៉ោង៦យប់ទៅ មានធ្លាក់ទឹកសន្សើម និងអ័ព្ទខ្លាំងដែលជាហេតុបង្កឱ្យអាកាសធាតុចុះត្រជាក់ និងរងា។ ធាតុអាកាសបែបនេះ អូសបន្លាយរយៈពេល៣ថ្ងៃជាប់គ្នា ដោយសារភូមិសាស្ត្រខេត្តរតនគិរី ទទួលរងឥទ្ធិពលពីខ្យល់មូសុងឦសានធ្វើឱ្យមេឃមានពពកខ្មៅ និងលាយឡំតំណក់ទឹកភ្លៀងរលឹមនៅយប់ថ្ងៃទី១៥ ខែមករា ឆ្នាំ២០២៥។ នេះបើយោងតាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម នៅថ្ងៃទី១៥ ខែមករា ឆ្នាំ២០២៥៕

ដោយ៖ ខៀវ ចាប