ព័ត៌មានជាតិ
នគរបាលជំនាញ ជំរុញមន្ត្រី ផ្ដល់អត្តសញ្ញាណប័ណ្ណដល់ពលរដ្ឋ ឲ្យលឿន រហ័ស និងតម្លាភាព
លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបន្តណែនាំ និងជំរុញមន្ត្រីនគរបាលជំនាញផែន ផ្ដល់អត្តសញ្ញាណប័ណ្ណ ដើម្បីបម្រើសេវាសាធារណៈដល់ប្រជាពលរដ្ឋឲ្យបានឆាប់រហ័សតាមតម្រូវការ។

សូមបញ្ជាក់ថា កាលពីវេលាម៉ោង ៩ និង ០០ នាទីព្រឹក ថ្ងៃទី ១៥ ខែមករា ឆ្នាំ ២០២៥ ម្សិលមិញនេះ ដោយអនុវត្តតាមបញ្ជាដ៏ខ្ពង់ខ្ពស់របស់ លោកឧត្ដមសេនីយ៍ឯក ជួន ណារិន្ទ បានចង្អុលបង្ហាញឲ្យនគរបាលទទួលផែនការងារអត្តសញ្ញាណកម្ម ,ក្រុមការងារផ្តល់អត្តសញ្ញាណប័ណ្ណសញ្ជាតិខ្មែរ នៃស្នងការដ្ឋាននគរបាលរាជធានីភ្នំពេញ ឲ្យបន្តយកចិត្តទុកដាក់មន្ត្រីសេវាសាធារណៈជូនប្រជាពលរដ្ឋឲ្យបានលឿនរហ័ស។

ក្នុងនោះដែរ ផែននគរបាលជំនាញ បានចុះពិនិត្យទីតាំងចុះបញ្ជី និងផ្តល់អត្តសញ្ញាណប័ណ្ណសញ្ជាតិខ្មែរនៅតាមស្នាក់ការប៉ុស្តិ៍នគរបាលរដ្ឋបាលរបស់អធិការដ្ឋាននគរបាលខណ្ឌទួលគោក និងទីតាំងផ្តល់សេវានៅច្រកចេញចូលតែមួយរបស់សង្កាត់ផ្សារដេប៉ូទី ១ ដោយក្រុមការងារចង់ដឹងពីចំណុចប្រឈម ទាំងនីតិវិធីចុះបញ្ជី ក៏ដូចជាផ្នែកបច្ចេកទេស ពិសេសផ្តោតលើម៉ាស៊ីនថតផ្តល់ជំហាន ៥។ បន្ថែមនោះ ក្រុមការងារ ក៏បានណែនាំទៅលើនីតិវិធីចុះបញ្ជី-ថត ផ្តល់ និងក្រមសីលធម៌។

ពេលចុះត្រួតពិនិត្យនេះដែរ នគរបាលជំនាញ បានជួបសំណេះសំណាលជាមួយប្រជាពលរដ្ឋដែលមកទទួលសេវា ដោយផ្តោតសំខាន់ទៅលើក្រមសីលធម៌របស់មន្ត្រីផ្តល់សេវា។ ទន្ទឹមនោះ ប្រជាពលរដ្ឋមានការសប្បាយចិត្តចំពោះមន្ត្រីបម្រើសេវាជូនពួកគាត់ មានភាពរួសរាយរាក់ទាក់ និងសម្រួលការងារបានឆាប់រហ័ស ពិសេសលើការថតរូបលើអត្តសញ្ញាណប័ណ្ណដែលមុនអស់សុពលភាពរយៈពេល ១៨០ ថ្ងៃ៕
អត្ថបទ ៖ សុភា






-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ