ព័ត៌មានជាតិ

អាជ្ញាធរក្រុងសំរោង ចុះពិនិត្យទីតាំងបូជាសព សម្រាប់អ្នកស្លាប់ដោយជំងឺកូវីដ១៩

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

អាជ្ញាធរក្រុងសំរោង បានដឹកនាំមន្ទីរពាក់ព័ន្ធចុះពិនិត្យទីតាំងបូជាសពរបស់អ្នកស្លាប់ដោយជំងឺកូវីដ-១៩ ក្រោយប្រទេសកម្ពុជាមានមនុស្សស្លាប់ដោយជំងឺកូវីដលើបុរសជនជាតិខ្មែរម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីប្រទេសកម្ពុជា ទទួលរងផលប៉ះពាល់ នៃការឆ្លងរីករាលដាលមេរោគកូវីដ១៩ រាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខរាជរដ្ឋាភិបាល មានការព្រួយបារម្ភចំពោះអាយុជីវិតរបស់ កងកម្លាំង មន្ត្រីរាជការ មន្ត្រីជួរមុខ និងបងប្អូនប្រជាពលរដ្ឋ បានប្រជុំឯកភាពពីថ្នាក់ដឹកនាំកំពូល រដ្ឋសភា ព្រឹទ្ធសភា និងស្ថាប័នច្បាប់ រួមទាំងសុខាភិបាល សម្រេចបង្កើតច្បាប់ថ្មី ដើម្បីការពារទប់ស្កាត់ការឆ្លងរីករាលដាល មេរោគកូវីដ១៩ និងបានប្រកាសឲ្យប្រើប្រាស់ជាបន្ទាន់ទាំង៣៥មាត្រា ដែលមានការពិន័យ ទោសទណ្ឌតាមកម្រិតបទល្មើសនានា ដូចជាតម្រូវឲ្យពាក់ម៉ាស់ រក្សាគម្លាតសុវត្ថិភាព ហាមចម្លងមេរោគទៅអ្នកដ៏ទៃ ធ្វើចត្តាឡីស័ក ១៤ ថ្ងៃ ក្នុងករណីមានការសង្ស័យពាក់ព័ន្ធកូវីដ១៩ជាដើម។

ក្នុងនោះសម្តេចបានឲ្យអាជ្ញាធរ រាជធានី ខេត្ត ត្រៀមលក្ខណៈឲ្យរួចជាស្រេច ដើម្បីរៀបចំឲ្យមានទីតាំង សម្រាប់បូជាសព សម្រាប់អ្នកដែលបាន ស្លាប់ដោយសារមេរោគកូវីដ១៩ ឲ្យមានសុវត្ថិភាព និងហាមដាច់ ខាតមិនឲ្យសាច់ញាតិ បងប្អូនសព នាំយកសពទៅធ្វើបុណ្យនៅតាមផ្ទះនោះឡើយ ព្រោះជាមេរោគដ៏កាចសាហាវ អាចចម្លងដល់អ្នកដទៃបាន បើមានការធ្វេសប្រហែស។

ជាក់ស្តែង លោក គឹម គាវិន ប្រធានមន្ទីរដែនដីនគរូបបនីយកម្ម និងសំណង់ បានដឹកនាំក្រុមការងារ ដោយមានការចូលរួម លោកអនុប្រធានមន្ទីរកសិកម្មរុក្ខាប្រមាញ់ និងនេសាទ អភិបាលរងក្រុងសំរោង លោកនាយកផ្នែករដ្ឋបាលព្រៃឈើក្រុងសំរោង មន្ត្រីការិយាល័យគាំពារបរិស្ថាន មន្ត្រីភូមិបាលក្រុង សមាជិកក្រុមប្រឹក្សាសង្កាត់កូនក្រៀល បានចូលរួមចុះពិនិត្យទីតាំងដីគ្រោងសម្រាប់រៀបចំកន្លែងបញ្ចុះ និងបូជាសព អ្នកមរណភាពដោយសារជំងឺកូវីដ-១៩ ថ្ងៃ១៦ ខែមីនា ឆ្នាំ២០២១៕

អត្ថបទ៖ ចាន់ ធី

សូមចុចអាន៖ សមត្ថកិច្ចឡើងភ្នំកម្ទេចកញ្ឆាលួចដាំ៨ ទីតាំង

Related Topics:កូវីដ-១៩