ព័ត៌មានជាតិ

មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុងពិធីស្បថឡើងកាន់តំណែងរបស់លោក ត្រាំ

បានផុស

២ ខែ មុន

នៅ

ថ្ងៃអង្គារ ២១ មករា ២០២៥

ដោយ

Lauren Sanchez បានធ្វើឲ្យមានការរិះគន់នៅលើប្រព័ន្ធផ្សព្វផ្សាយសង្គម បន្ទាប់ពីនាងស្លៀកសំលៀកបំពាក់មួយ នៅឯពិធីសម្ពោធប្រធានាធិបតីជាប់ឆ្នោតលោក ដូណាល់ ត្រាំ កាលពីថ្ងៃទី២០ ខែមករា ឆ្នាំ២០២៥ ។ គូដណ្តឹងលោក Jeff Bezos ស្លៀកឈុតពណ៌សដោយយីហោ Alexander McQueen ដែលរួមបញ្ចូលអាវទ្រនាប់មានការតុបតែងបែបសាទីន និងកវែងជ្រៅ គូជាមួយខោជើងធំទូលាយ។

ទោះបីជាឈុតពណ៌សមានតម្លៃដល់ទៅ១,៨០០ដុល្លារ និងទទួលការចាប់អារម្មណ៍ជាមួយនឹងស្ទីលតុបតែងខ្លួនដែលមានលក្ខណៈពិសេសក៏ពិតមែន ប៉ុន្តែសម្លៀកបំពាក់នេះបានធ្វើឲ្យប្រព័ន្ធផ្សព្វផ្សាយសង្គមផ្ទុះការជជែកវែកញែក ជាមួយនឹងស៊េរីនៃមតិចម្រុះនៅលើបណ្ដាញសង្គម X។

អ្នកប្រើម្នាក់បានបញ្ចេញមតិថា អតីតពិធីកររូបនេះ បានមើលស្រាលថ្ងៃពិសេសរបស់លោកដូណាល់ត្រាំហើយជ្រើសសំលៀកបំពាក់បែបនេះមកពិធីរបស់ប្រធានាធិបតី។ស្របពេលដែឡអ្នកផ្សេងទៀតថាពួកគេកោតសរសើរសម្រស់និងការតុបតែងខ្លួនរបស់ជំទាវទីមួយ Melania Trump វិញ។

មិនតែប៉ុណ្ណោះ សារព័ត៌មាន Dailymail បានដាក់ Lauren Sanchez ចូលក្នុងបញ្ជីអ្នកស្លៀកពាក់អាក្រក់បំផុតក្នុងពិធីសម្ពោធប្រធានាធិបតីអាមេរិក។ អ្វីដែលកាន់តែចាប់អារម្មណ៍សូម្បីតែលោក Mark Zuckerberg នាយកប្រតិបត្តិ Facebook និង Meta ដែលអង្គុយក្បែរនាងនៅក្នុងព្រឹត្តិការណ៍នោះក៏លួចមើលដើមទ្រូងនាងរហូតផ្ទុះការវែកដូចគ្នា។

កាលពីខែធ្នូ ឆ្នាំ ២០២៤ Sanchez បានពាក់ឈុតដ៏តឹងនេះទៅព្រឹត្តិការណ៍ The New York Times DealBook ។ នៅពេលនោះ នាងក៏បានចែករំលែករូប Selfie ស៊ិចស៊ីជាមួយនឹងអ្នកតាមដានជិត ៩០ម៉ឺននាក់នៅលើ Instagram។ ស្រ្តីកើតក្នុងឆ្នាំ ១៩៦៩ មានដើមកំណើតម៉ិកស៊ិក និងជាពិធីករនៅ Good Day LA, KTTV Fox-11 ក្នុងឆ្នាំ ២០១០ នាងត្រូវបានគេបោះឆ្នោតឱ្យជាប់ជាស្ត្រីដ៏ស្រស់ស្អាតបំផុត ៥០ នៅលើពិភពលោកដោយទស្សនាវដ្តី People ។ ក្រៅពីធ្វើជាពិធីករ Sanchez ក៏ផលិតភាពយន្ត និងមានតួនាទីសម្ដែងមួយចំនួន៕