ព័ត៌មានជាតិ

ទឹកដោះម្តាយថ្លៃ ឆន សុវណ្ណារាជ តេស្ត ៣ លើក ទើបដឹងលទ្ធផល

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

តារាចម្រៀង ឆន សុវណ្ណារាជ ចេញលទ្ធផលអវិជ្ជមានកូវីដ ១៩ ក្រោយតេស្តជាលើកទី ៣។ តារាចម្រៀងប្រចាំផលិតកម្មហង្សមាសរូបនេះបានប្រកាសថា ទឹកដោះម្តាយថ្លៃ លោកបានឆ្លងផុតការឆ្លងជំងឺដ៏កាចសាហាវ កូវីដ-១៩ ក្រោយលទ្ធផលធ្វេីតេស្តសំណាកលេីកទី៣ ចេញមកអវិជ្ជមានកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើផេកហ្វេសប៊ុកផ្លូវការលោក ឆន សុវណ្ណារាជ ផ្ញើសារទៅកាន់អ្នកគាំទ្រថា៖ “ទឹកដោះម្តាយថ្លៃ។ អរគុណគុណបុណ្យ និងបារមីវត្ថុស័ក្តិសិទ្ធិតាមថែរក្សាកូនចៅ លទ្ធផលធ្វើតេស្តលើកទី៣ ចុងក្រោយរបស់ខ្ញុំនោះគឺ អវិជ្ជមាន «Negative» បញ្ជាក់ថា ខ្ញុំមិនមានមេរោគកូវិដ១៩នោះទេ ខ្ញុំឆ្លងផុតហើយ”។

តារាចម្រៀងប្រុសរូបនេះក៏មិនភ្លេចអរគុណការជូនពរពីបងប្អូនអ្នកគាំទ្រ ហើយក៏នៅតែបន្តធ្វើចត្តាឡីស័កឲ្យគ្រប់ចំនួន១៤ថ្ងៃដដែល។

តាមការបញ្ជាក់ឲ្យដឹងពីលោក ហេង ឡុង គិតមកត្រឹមរសៀលថ្ងៃទី១៤ ខែមីនា ឆ្នាំ២០២១ មានតារាសិល្បៈរបស់ខ្មែរផ្នែកចម្រៀង ពិធីការិនី ផលិតករ ដឹកនាំសម្តែងនិងកំប្លែងដែលឆ្លងជំងឺកូវីដ-១៩មានចំនួន ១១នាក់ហើយ។

ក្រៅតែអ្នកដែលឆ្លងទាំង១១រូបនេះ ក៏មានអ្នកដែលជាប់ពាក់ព័ន្ធមួយចំនួនទៀតកំពុងតែតាមដាននិងពិនិត្យសំណាកដើម្បីតេស្តរកជំងឺកូវីដ-១៩ ហើយធ្វើចត្តាឡីស័ករយៈ១៤ថ្ងៃផងដែរ៕

ចុចអាន៖ ឈ្មោះតារាសិល្បៈខ្មែរ១១រូបដែលឆ្លងកូវីដ-១៩។