ព័ត៌មានជាតិ

អាជ្ញាធរខណ្ឌពោធិ៍សែនជ័យ បន្តដាក់គ្រឿងចក្រឈូសកាយពង្រីកផ្លូវ នៅផ្សារត្រពាំងពោធិ៍

បានផុស

២ ខែ មុន

នៅ

ថ្ងៃព្រហស្បតិ៍ ២៣ មករា ២០២៥

ដោយ

កម្លាំងអាជ្ញាធរខណ្ឌពោធិ៍សែនជ័យ បានបន្តដាក់គ្រឿងចក្រឈូសឆាយ កាយពង្រីកផ្លូវឲ្យធំទូលាយ ងាយស្រួលក្នុងការធ្វើដំណើរដល់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីព្រឹកថ្ងៃទី ២៣ ខែមករា ឆ្នាំ ២០២៥ នេះ អាជ្ញាធរខណ្ឌពោធិ៍សែនជ័យ ដឹកនាំដោយលោក ប៉ាង លីដា អភិបាលរងខណ្ឌ បានដាក់គ្រឿងចក្រឈូសឆាយ កាយផ្លូវ នៅផ្សារត្រពាំងពោធិ៍ ដើម្បីបើកផ្លូវឲ្យធំទូលាយ និងមិនអនុញ្ញាតឲ្យអាជីវករដាក់លក់ដូរ បន្លែ ត្រី សាច់ នៅទីនោះទៀតទេ។

អាជ្ញាធរបានឲ្យដឹងថា ដោយឃើញថាផ្លូវខាងលើប្រជាពលរដ្ឋត្រូវការធ្វើដំណើរឆ្លងកាត់នៅទីនោះច្រើន បង្កការស្ទះចរាចរណ៍ស្ទើររៀងរាល់ថ្ងៃ ផ្លូវតូចចង្អៀត ទើបអាជ្ញាធរចុះពិនិត្យ និងធ្វើសេចក្ដីជូនដំណឹងដល់អ្នកដែលរស់នៅ ក៏ដូចជាលក់ដូរនៅទីនោះ ចូលរួមសហការដើម្បីបើកផ្លូវឲ្យធំទូលាយ។

លោក ប៉ាង លីដា បានឲ្យដឹងថា ផ្លូវខាងលើមានប្រវែងប្រមាណ ២ ០០០ ម៉ែត្រ និងទទឹង ១៨ ម៉ែត្រ ដែលឆ្លងកាត់ភូមិចំនួន ៣ គឺ ភូមិព្រៃព្រីងជាង ២ ភូមិជម្ពូវ័ន ២ និងភូមិត្រពាំងពោធិ៍ ស្ថិតក្នុងសង្កាត់ចោមចៅទី ៣ ខណ្ឌពោធិ៍សែនជ័យ ដោយចាប់ពីផ្លូវជាតិលេខ ៤ រហូតទៅដល់ព្រំប្រទល់ជាមួយសង្កាត់សំរោងក្រោម។