ព័ត៌មានជាតិ

ចុះបង្ក្រាបទីតាំងចែកចាយផលិតផលNNPក្លែងម៉ាក នៅផ្សារលើធំថ្មី ឃាត់ខ្លួនស្ត្រីម្នាក់

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

កម្លាំងនគរបាលប្រឆាំងបទល្មើសសេដ្ឋកិច្ចខេត្តសៀមរាប ក្រោមការសម្របសម្រួលរបស់តំណាងអយ្យការសាលាដំបូងខេត្ត បានចុះបង្ក្រាបទីតាំងចែកចាយផលិតផលក្លែងម៉ាកNNP ដោយឈានដល់ឃាត់ខ្លួនស្ត្រីម្ចាស់ទីតាំងម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបង្ក្រាបនេះធ្ វើឡើងនៅព្រឹកថ្ងៃទី១៨ ខែមីនា ឆ្នាំ២០២១ នៅចំណុចក្នុងផ្សារលើធំថ្មី ស្ថិតក្នុងភូមិដកពោធិ សង្កាត់ស្លក្រាម ក្រុងសៀមរាប ដែលដឹកនាំដោយ លោកឧត្តមសេនីយ៍ត្រីម៉ក់ ធារ៉ា ស្នងការងទទួលបន្ទុកបង្ក្រាបបទល្មើស នៃស្នងការដ្ឋានខេត្តសៀមរាបនិងមានការចូល រួមពីមន្ត្រីនគរបាលប៉ុស្តិ៍មូលដ្ឋានក្រោមការសម្របសម្រួលពីសំណាក់លោក ថេង សំ ណាង តំណាងអយ្យកាអមសាលាដំបូងខេត្តសៀមរាប។

ក្នុងប្រតិបត្តិការនេះ សមត្ថកិច្ចបាននាំខ្លួនម្ចាស់ទីតាំងដែលមានឈ្មោះបូ រ៉ាណា ភេទស្រី យកទៅធ្វើការសាកសួរ និងបានរឹបអូសផលតផលក្លែងម៉ាក NNP ប្រមាណជាច្រើនមុខទៀតក្នុងក្រុងសៀមរាប។ សមត្ថកិច្ចក្នុងហេតុការណ៍បញ្ជាក់ថា មុនពេលឈានដល់ការបង្ក្រាបនេះ ក្រុមហ៊ុន ដាណា ទ្រី បានណែនាំដល់ម្ចាស់ទីតាំងខាងលើឲ្យបញ្ឍប់សកម្មភាពក្លែងម៉ាកផលិតផលNNPយកទៅចែកចាយ។ប៉ុន្តែ ម្ចាស់ទីតាំងមិនអនុវត្តតាម ហើយនៅតែបន្តចែកចាយ ទើបក្រុមហ៊ុនដាណាទ្រី ប្តឹងទាមទារសំណង១០ម៉ឺនដុល្លារ និងឈានដល់បង្ក្រាបបែបនេះ។

ជាមួយនឹងការឃាត់ខ្លួនស្ត្រីម្ចាស់ទីតាំងខាងលើនេះ សមត្ថកិច្ចបាន ដកហូតផលិតផលក្លែងម៉ាករួមមាន៖ សេរ៉ូមបន្តក់លាបមុខចំនួន០៤ដប ឡេលាបខ្លួនចំនួន ២៥កំប៉ុង ម្សៅបំបាត់មុនការពារកំដៅថ្ងៃចំនួន ២៤៣ ក្រឡតូច សាប៊ូដុសខ្លួនចំនួន០៦ដប សាប៊ូលាងមុខ ០៥ដប និងឡេលាយគ្មានម៉ាកចំនួន១០៣កំប៉ុង។ ចំពោះម្ចាស់ទីតាំងចែកចាយ ដែលឃាត់ខ្លួននោះ សមត្ថកិច្ចនៅមិនទាន់បញ្ជាក់ថា នឹងអប់រំណែនាំធ្វើកិច្ចសន្យា ឬត្រូវបញ្ជូនទៅតុលាការយ៉ាងណានោះទេ ព្រោះកំពុងសាកសួរនៅស្នងការដ្ឋាននគរបាលខេត្តសៀមរាប។ ជាមួយគ្នានោះមេធាវីរបស់ក្រុមហ៊ុនNNP បានឲ្យដឹងដែរថា ក្នុងនាមលោកតំណាងឲ្យកូនក្តី លោកស្នើឲ្យសមត្ថកិច្ចជំនាញនៃខេត្តសៀមរាបអនុវត្តការងារនេះឲ្យមានប្រសិទ្ធភាពខ្ពស់និងចាត់ការទៅលើជនក្លែងបន្លំនេះតាមផ្លូវច្បាប់៕

អត្ថបទ៖ កុសល

សូមចុចអាន៖ បុរសម្នាក់ទៀត ត្រូវសមត្ថកិច្ចខេត្តព្រះសីហនុ ពិន័យប្រាក់ ខណៈបម្រុងបើកគេចវេះប៉ុស្តិ៍ត្រួតពិនិត្យ