ព័ត៌មានជាតិ

ពលរដ្ឋខ្មែរជាប់សែស្រឡាយចិន នាំគ្នាទៅកាត់ឆុងរំដោះគ្រោះចង្រៃ បួងសួងសុំសេចក្ដីសុខ នៅវត្តភ្នំ

បានផុស

២ ខែ មុន

នៅ

ថ្ងៃសុក្រ ២៤ មករា ២០២៥

ដោយ

ជារៀងរាល់ឆ្នាំ ឲ្យតែកៀកចូលដល់រដូវបុណ្យចូលឆ្នាំប្រពៃណីចិន-វៀតណាម គេតែងសង្កេតឃើញមានប្រជាពលរដ្ឋខ្មែរកាត់ចិនជាច្រើន តែងនាំគ្នាយកគ្រឿងដង្វាយផ្សេងៗ ទៅសែនព្រេន ដើម្បីកាត់គ្រោះ នៅទីសក្ការ លើតំបន់រមណីយដ្ឋានប្រវត្តិសាស្ត្រវត្តភ្នំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋសែស្រឡាយចិន លើកឡើងថា នេះជាការសែនព្រេនតាមទំនៀមទម្លាប់ប្រពៃណីរបស់ដូនតា តាមបែបសាសនាប្រពៃណីចិន ដែលជាការសែនព្រេនកាត់ផ្ដាច់នូវគ្រោះចង្រៃចោល និងតបសងមកវិញនូវរឿងល្អៗ ចូលមកក្នុងជីវិត ទាំងការរស់នៅ ការប្រកបកិច្ចការងារ រួមទាំងការរកស៊ីទទួលទានជាដើម។

ប្រជាពលរដ្ឋដដែល បន្តលើកឡើងថា ការមកអុចធូប សំពះ និងកាត់ឆុង នេះ ដើម្បីសុំសេចក្ដីសុខ ហេងហេង ឆ្នាំថ្មី ព្រមទាំងរកស៊ីទទួលទានមានបាន។

គួរជម្រាបថា បុណ្យចូលឆ្នាំប្រពៃណីចិន-វៀតណាម នឹងប្រព្រឹត្តិទៅរយៈពេល ០៤ ថ្ងៃ គិតពីថ្ងៃទី ២៨ ដល់ថ្ងៃទី ៣១ ខែមករា ឆ្នាំ ២០២៥។ បុណ្យនេះ គឺជាពេលវេលាដែលប្រជាពលរដ្ឋកម្ពុជា មានឈាមជ័រជាប់សែស្រឡាយកាត់ចិន ក៏នឹងចូលរួមរៀបចំពិធីសែនជូនដូនតា ដើម្បីសុំសេចក្តីសុខសប្បាយ និងសុំពរជ័យឲ្យរកស៊ីទទួលទានកាន់តែរីកចម្រើន តាមបែបលក្ខណៈគ្រួសាររៀងៗ ខ្លួន៕

អត្ថបទ ៖ សុភា