ព័ត៌មានជាតិ

ស្ពានទី១ “សម្តេចមហាបវរធិបតី” គ្រោងបញ្ចប់ការសាងសង់ នៅមុនខែមេសា ឆ្នាំ២០២៥

បានផុស

២ ខែ មុន

នៅ

ថ្ងៃចន្ទ ២៧ មករា ២០២៥

ដោយ

ស្ពានទី១ នៃស្ពានអាកាសភ្លោះ “សម្តេចមហាបវរធិបតី” (មហាវិថីសម្តេច ហ៊ុន សែន ទៅព្រលានតេជោ) សាងសង់គ្រោងបញ្ចប់ការសាងសង់នៅមុនខែមេសា ឆ្នាំ២០២៥ នេះ ដែលជាការរួមចំណែកដល់ការសម្រួលចរាចរណ៍នៃការធ្វើដំណើរឱ្យកាន់តែមានភាពងាយស្រួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងសាធារណការ និងដឹកជញ្ជូន បានឱ្យដឹងថា គិតត្រឹមថ្ងៃទី២៥ ខែមករា ឆ្នាំ២០២៥ នេះ វឌ្ឍនភាពនៃដំណើរការសាងសង់ស្ពានអាកាសភ្លោះ “សម្តេចមហាបវរធិបតី” ការដ្ឋានទាំងមូល សម្រេចបានប្រមាណ ៤៥% ហើយ ដោយក្នុងនោះ ក្រុមការងារសាងសង់ក៏គ្រោងនឹងបញ្ចប់ស្ពានទី១ (មហាវិថីសម្តេច ហ៊ុន សែន ទៅព្រលានតេជោ) នៅមុនខែមេសា ឆ្នាំ២០២៥ នេះផងដែរ។

គម្រោងសាងសង់ស្ពានអាកាសភ្លោះនេះ ស្ពានជាប្រភេទបេតុងអាមេ ( ធ្នឹមរាងអក្សរ I ) ដែលមានបណ្ដោយស្ពានសរុប ៦២២ ម៉ែត្រ, បណ្ដោយតួស្ពាន ២៨១ ម៉ែត្រ, ផ្លូវតភ្ជាប់ក្បាលស្ពានទៅមក ខាងមហាវិថីសម្តេចតេជោ ហ៊ុន សែន ប្រវែង ១៨០ ម៉ែត្រ, ផ្លូវតភ្ជាប់ក្បាលស្ពានទៅមកខាងព្រលានយន្តហោះ អន្តរជាតិតេជោ ១៦១ម៉ែត្រ។

សូមបញ្ជាក់បន្ថែមដែរថា ស្ពានអាកាសភ្លោះ “សម្តេចមហាបវរធិបតី” ស្ថិតនៅតាមបណ្ដោយផ្លូវ ៦០ម៉ែត្រ ប្រសព្វនឹងផ្លូវជាតិលេខ២ ព្រំប្រទល់រវាងភ្នំពេញ និងខេត្តកណ្តាល ដែលបានបើកការដា្ឋនសាងសង់ កាលពីថ្ងៃទី១៧ ខែមិថុនា ឆ្នាំ២០២៤ កន្លងទៅ ដោយគ្រោងចំណាយថវិកាសាងសង់ជាង ១៦ លានដុល្លារអាមេរិក៕