ព័ត៌មានជាតិ
ថ្នាក់ដឹកនាំយោធាអាស៊ាន ជួបប្រជុំក្រោមប្រធានបទ “យើងយកចិត្តទុកដាក់ យើងត្រៀមលក្ខណៈ យើងរីកចម្រើន”
អគ្គមេបញ្ជាការកងទ័ពអាស៊ាន នៅថ្ងៃទី១៨ ខែមីនា បានបើកកិច្ចប្រជុំលើកទី១៨ (ACDFM-18) តាមប្រព័ន្ធវីដេអូ ដោយភាគីកងទ័ពកម្ពុជា ដឹកនាំដោយនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ដែលកិច្ចប្រជុំនោះ ធ្វើឡើងក្រោមប្រធានបទ “យើងយកចិត្តទុកដាក់ យើងត្រៀមលក្ខណៈ យើងរីកចម្រើន”។
លោកឧត្តមសេនីយ៍ទោ ដាតុសេរី ផាឡាវ៉ាន់ ហាជី ហាំហ្សា ប៊ីន ហាជី អគ្គមេបញ្ជាការកងទ័ពភូមិន្ទប្រ៊ុយណេបានបញ្ជាក់ថា ការលើកយកទិសស្លោកនៃកិច្ចប្រជុំ ACDFM-១៨ ឆ្នាំនេះ មានអត្ថន័យសំដៅទៅលើសមាហរណកម្មកិច្ចសហប្រតិបត្តិការយោធា ដោយគូសបង្ហាញទៅលើកិច្ចខិតខំប្រឹងប្រែងរួមរបស់កងទ័ពអាស៊ានទាំងអស់ ក្នុងការប្រយុទ្ធប្រឆាំងបញ្ហាប្រឈមផ្សេងៗ និងការគំរាមកំហែងរួមក្នុងតំបន់។
លោកថា កងទ័ពអាស៊ានត្រូវតែបន្តពង្រីកកិច្ចសហប្រតិបត្តិការថែមទៀត ក្នុងការដោះស្រាយបញ្ហាប្រឈមរួម ជាពិសេសលើបញ្ហាជំងឺកូវីដដែលយើងមិនធ្លាប់ជួបប្រទះពីមុនមក និងរួមបញ្ចូលបញ្ហាដទៃទៀតដូចជា សន្តិសុខលំហរសមុទ្រ ភេរវកម្ម ឧក្រិដ្ឋកម្មឆ្លងដែន និងការកសាងលំហរប្រព័ន្ធព័ត៌មានវិទ្យាដែលមានភាពអត់ធន់ និងមានសុវត្ថិភាព។
លោកនាយឧត្តមសេនីយ៍ វង្ស ពិសេន បានបញ្ជាក់ថា បច្ចុប្បន្នបើទោះបីការខិតខំប្រឹងប្រែងផលិតវ៉ាក់សាំងបង្ការជំងឺកូវីដ១៩ របស់ប្រទេសមួយចំនួនត្រូវបានចាត់ទុកថា ទទួលបានប្រសិទ្ធភាពខ្ពស់ក្តី តែពិភពលោកទាំងមូលមិនទាន់អាចទប់ទល់នឹងការរាតត្បាតជំងឺនេះបានជោគជ័យនៅឡើយទេ។
ក្នុងន័យនេះ នាយឧត្តមសេនីយ៍ អគ្គមេបញ្ជាការ បានលើកទឹកចិត្តឲ្យប្រទេសក្នុងអាស៊ានបន្តកិច្ចខិតខំប្រឹងប្រែងរួមគ្នា ដើម្បីដោះស្រាយបញ្ហាជំងឺរាតត្បាតនេះ ដោយលើកកម្ពស់ការចាក់វ៉ាក់សាំងដល់ប្រជាពលរដ្ឋ ផ្អែកលើកាតព្វកិច្ចមនុស្សធម៌ និងសន្តិសុខមនុស្សជាតិ ហើយការចែកចាយ និងប្រើវ៉ាក់សាំង ត្រូវធ្វើឡើងក្រោមស្មារតីសមធម៌ និងគ្មានការរើសអើង។
នាយឧត្តមសេនីយ៍ វង្ស ពិសេន បានបញ្ជាក់ទៀតថា កងយោធពលខេមរភូមិន្ទ បន្តប្តេជ្ញាយ៉ាងមុតមាំក្នុងការចូលរួមចំណែកលើគ្រប់កិច្ចសហប្រតិបត្តិការក្រោមក្របខ័ណ្ឌអាស៊ាន និងជាមួយដៃគូសន្ទនាអាស៊ាន ព្រមទាំងលើកកម្ពស់កិច្ចសហប្រតិបត្តិការក្នុងតំបន់ ការរៀបចំខ្លួន ដើម្បីដោះស្រាយបញ្ហាការគំរាមកំហែងសន្តិសុខ មនុស្សធម៌ និងសង្គ្រោះគ្រោះមហន្តរាយ ក៏ដូចជាការចូលរួមទប់ស្កាត់ និងបង្ក្រាបបទល្មើសឆ្លងដែន បទល្មើសព័ត៌មានវិទ្យា ឱ្យមានប្រសិទ្ធភាពខ្ពស់ផងដែរ។
នៅក្នុងកិច្ចប្រជុំនោះដែរ អង្គប្រជុំបានអនុម័តសេចក្តីថ្លែងការរួមមួយ ហើយបានប្រារព្ធពិធីប្រគល់ទង់ ACDFM ដល់កម្ពុជា ធ្វើជាប្រធានបន្ដវេនរបស់អគ្គមេបញ្ជាការកងទ័ពអាស៊ានលើកទី១៩ ឆ្នាំ២០២២៕
អត្ថបទ៖ កោះកែវ
តួលេខអ្នកស្លាប់ពីការរលំបាក់អគារនៅបាងកកកើនដល់៤៤នាក់ ខណៈ៥០នាក់បាត់ខ្លួន
នារីវៀតណាមម្នាក់ ត្រូវអាជ្ញាធរខេត្តហៅទៅអប់រំ ណែនាំ បន្ទាប់ពីរាំដោះអាវបញ្ចេញដើមទ្រូងក្នុងសង្ក្រាន្តស្វាយរៀង
មេដឹកនាំចិនបង្ហាញការប្តេជ្ញាចិត្តធ្វើការជាមួយវៀតណាម ក្នុងដំណើរទស្សនកិច្ចដែលហ៊ុំព័ទ្ធដោយសង្គ្រាមពាណិជ្ជកម្មដ៏ស្រួចស្រាល
ថ្ងៃទី ១ ពិធីបុណ្យចូលឆ្នាំ ទេសចរមកលេងខេត្តបាត់ដំបងកើនឡើង ទាំងទេសចរជាតិនិងអន្តរជាតិ
ថ្ងៃដំបូង «សង្ក្រាន្ដវត្តភ្នំ»មានពលរដ្ឋជិត៥០ម៉ឺននាក់ទៅលេងបាញ់ទឹក លាបម្សៅ នៅវត្តភ្នំ
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
នារីវៀតណាមម្នាក់ ត្រូវអាជ្ញាធរខេត្តហៅទៅអប់រំ ណែនាំ បន្ទាប់ពីរាំដោះអាវបញ្ចេញដើមទ្រូងក្នុងសង្ក្រាន្តស្វាយរៀង
អាមេរិករៀបចំផែនការដកខ្លួនពីអង្គការអន្តរជាតិស្ទើរទាំងអស់នៅឆ្នាំក្រោយ និងកាត់បន្ថយការចំណាយដ៏សម្បើមពីក្រសួងការបរទេស
សង្ក្រាន្ត ២ ធ្នូ លើទឹកដីប្រវត្តិសាស្ត្រស្រុកស្នួល ទទួលការគាំទ្រយ៉ាងច្រើនកុះករពីយុវជនយុវនារី
តំបន់ទេសចរណ៍ទឹកជួរកាំពី ថ្ងៃទីមួយចូលឆ្នាំថ្មី ទទួលទេសចរទៅកម្សាន្តប្រមាណ ៣,៣៥៣ នាក់
-
សន្តិសុខសង្គម១ សប្តាហ៍ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៥ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានជាតិ២ ថ្ងៃ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានអន្ដរជាតិ៦ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
សន្តិសុខសង្គម៥ ថ្ងៃ agoផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
ព័ត៌មានអន្ដរជាតិ៤ ថ្ងៃ agoឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
សន្តិសុខសង្គម១ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានជាតិ១ សប្តាហ៍ agoទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?