ព័ត៌មានជាតិ
សម្ភារប្រើប្រាស់កែច្នៃពីអ្នកស្រុកខេត្តសៀមរាប ដឹកតាមរម៉កលក់ ទទួលការគាំទ្រពីពលរដ្ឋខ្មែរគ្រប់ទិសទី
សម្ភារប្រើប្រាស់គ្រប់ប្រភេទ ដែលជាស្នាដៃកែច្នៃពីពលរដ្ឋក្នុងមូលដ្ឋានខេត្តសៀមរាប កំពុងទទួលបានការគាំទ្រពីពលរដ្ឋ និងភ្ញៀវបរទេស ជាពិសេសនៅតាម រមណីយដ្ឋាន ហាងកាហ្វេ ភោជនីយដ្ឋាន ផ្ទះសំណាក់ និងកន្លែងកម្សាន្តនានា។ នេះបើតាមការឲ្យដឹងពីលោក ចេង ចាវ ដែលប្រកបមុខរបរដឹកលក់សម្ភារធ្វើដោយពលរដ្ឋក្នុងមូលដ្ឋានខេត្តសៀមរាប បន្តពីខេត្តមួយទៅខេត្តមួយទូទាំងប្រទេស។
ជាមួយរម៉កដឹកសម្ភារយ៉ាងសំពីងសំពោង លោក ចេង ចាវ បានចំណាយពេលជាង ២ ខែ ធ្វើដំណើរចេញពីខេត្តសៀមរាប ឆ្លងកាត់ខេត្តកំពង់ធំ កំពង់ចាម និងទើបមកដល់ក្រុងក្រចេះ ដោយត្រូវឈប់សម្រាកជាហូរហែរនៅតាមវត្តអារាម។


តាមរយៈមុខរបរដើរលក់សម្ភារប្រើប្រាស់តាមខេត្តក្រុងផ្សេងៗអស់រយៈពេលប្រមាណ ៥ ទៅ ៦ ឆ្នាំ លោក ចេង ចាវ បានឲ្យដឹងថា សម្ភារអស់នេះគឺលោកប្រមូលទិញពីតាមផ្ទះអ្នកភូមិក្នុងខេត្តសៀមរាប ដូចជា ភូមិគោកត្នោត គោកដូង ដែលពលរដ្ឋចាស់ៗនៅរក្សាស្នាដៃបន្តតាំងពីបុរាណមក។
លោក ចេង ចាវ បានអះអាងថា សម្ភារកែច្នៃទាំងនេះមានការគាំទ្រច្រើន ជាពិសេសអ្នកស្រុកកោះសុទិន និងនៅតំបន់ទេសចរកោះប៉ែនជាដើម។ លោកបានចំណាយពេលនៅក្នុងខេត្តកំពង់ចាមរហូតដល់ ២ ខែ និងលក់ដាច់អស់ ៣ រម៉កម៉ូតូ ខណៈដែលលោកទើបតែធ្វើដំណើរមកដល់ខេត្តក្រចេះ ហើយគ្រោងចេញទៅខេត្តស្ទឹងត្រែងបន្តទៀត។
លោក ចេង ចាវ ទទួលស្គាល់ថា ការលក់ដូរមិនប្រាកដថាលក់ដាច់ទាំងអស់នោះទេ របស់ខ្លះក៏លក់ដាច់ ហើយរបស់ខ្លះក៏លក់មិនដាច់ ប៉ុន្តែឥឡូវនេះលោកមើលឃើញថា មានប្រជាពលរដ្ឋកាន់តែច្រើនស្គាល់អំពីស្នាដៃផលិតផលខ្មែរ និងជួយគាំទ្រច្រើន។



ជាមួយនឹងដំណើរជើងទី១ នេះ លោក ចេង ចាវ បានប្រាប់ថា លោកគ្រោងនឹងវិលត្រឡប់ទៅខេត្តសៀមរាបវិញ នៅក្នុងអំឡុងពេលជិតដល់ថ្ងៃបុណ្យចូលឆ្នាំប្រពៃណីជាតិខ្មែរ។ ជាមួយគ្នានោះ លោកក៏បានអំពាវនាវដល់បងប្អូនប្រជាពលរដ្ឋខ្មែរឲ្យជួយគាំទ្រផលិតផល ក្នុងស្រុកដែលជាស្នាដៃរបស់ខ្មែរ របស់អ្នកខេត្តសៀបរាប ដើម្បីឲ្យផលិតផលខ្មែរដើរទៅមុខ ទាំងអស់គ្នា និងដើម្បីកុំឲ្យប្រជាពលរដ្ឋធ្វើចំណាកស្រុកទៅឆ្ងាយ ឲ្យមានការងារធ្វើនៅផ្ទះ និងមានប្រាក់ចំណូល៕
អត្ថបទ៖ ប្រុញ វិធិន

-
ព័ត៌មានជាតិ៤ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានជាតិ៧ ថ្ងៃ ago
នគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
សន្តិសុខសង្គម១ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៧ ថ្ងៃ ago
ផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
សន្តិសុខសង្គម៤ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៧ ថ្ងៃ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៣ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ១១ ម៉ោង ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ