ព័ត៌មានជាតិ
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
ឧត្តរមានជ័យ ៖ នៅថ្ងៃទី២៨ ខែមករា ឆ្នាំ២០២៥ ប្រធានសហគមន៍ដែនជម្រកសត្វព្រៃសង្ឃរុក្ខាវន្ត នៃខេត្តឧត្តរមានជ័យ ព្រះតេជគណ ថូ ធូរស់ មានសង្ឃដិកា អំពាវនាវលើបណ្តាញទំនាក់ទំនងសង្គម ដោយបានស្នើដល់ប្រជាពលរដ្ឋគ្រប់មជ្ឈដ្ឋាន ដែលរស់នៅក្បែរតំបន់ព្រៃសហគមន៍ ដែនជម្រកសត្វព្រៃសង្ឃរុក្ខាវន្ត ត្រូវបញ្ឈប់នូវរាល់សកម្មភាព ក្នុងការប្រព្រឹត្តបទល្មើសទាំងឡាយណា ចំពោះការលបលួចដាក់អន្ទាក់សត្វព្រៃគ្រប់ប្រភេទ ក្នុងតំបន់សហគមន៍ នៃដែនជម្រកសត្វព្រៃសង្ឃរុក្ខាវន្ត ដើម្បីរក្សាបានការអភិរក្សសត្វដ៏កម្រទាំងនេះ ឱ្យបានគង់វង្ស។
ព្រះតេជគណថូ ធូរស់ មានសង្ឃដីការឱ្យដឹងថា ការដែលបងប្អូនធ្វើការលបលួចធ្វើសកម្មភាពដាក់អន្ទាក់ ដើម្បីចាប់យកសត្វព្រៃគ្រប់ប្រភេទ ដែលកំពុងរស់នៅក្នុងតំបន់សហគមន៍នេះ គឺជាទង្វើខុសច្បាប់ ហើយក៏ជាទង្វើមួយដែលធ្វើឱ្យសង្គមស្អប់ខ្ពើម។ ដូច្នេះ គម្បីត្រូវតែបញ្ឈប់ឱ្យបាន នូវរាល់សកម្មភាពប្រព្រឹត្តបទល្មើស ការដាក់អន្ទាក់ ការលបលួចការបរបាញ់សត្វព្រៃ ទើបយើងអាចរក្សាសត្វព្រៃគ្រប់ប្រភេទ រស់នៅក្នុងតំបន់នេះបានគង់វង្ស ប្រកបសុវត្ថិភាព។
ព្រះតេជគណមានសង្ឃដីការបន្តថា សត្វព្រៃគ្រប់ប្រភេទក៏ត្រូវការជីវិតរស់រានដូចបងប្អូនដែរ ដូច្នេះបងប្អូនមិនត្រូវធ្វើការលបលួចការបរបាញ់ ឬក៏ដាក់អន្ទាក់បន្តទៀតនោះទេ ។ ប្រសិនមានករណីបែបនេះកើតឡើង នោះបងប្អូននឹងត្រូវទទួលទោសទៅតាមផ្លូវច្បាប់ ដោយមិនមានការលើកលែងនោះឡើយ ចំពោះបុគ្គលណាដែលបានលបលួចប្រព្រឹត្តិនូវទង្វើនោះទៀត។
ព្រះតេជគណ បានបញ្ជាក់ថា ព្រៃឈើក្នុងសហគមន៍ដែនជម្រកសត្វព្រៃសង្ឃរុក្ខាវន្ត មានផ្ទៃដីព្រៃឈើទំហំជាង ៣ម៉ឺនហិកតា ហ៊ុមព័ទ្ធដោយធម្មជាតិព្រៃភ្នំ ជាប់ក្រុងមួយ និងស្រុកពីរ និងមានសត្វព្រៃគ្រប់ប្រភេទ បានមកជ្រកកោនរស់នៅក្នុងតំបន់នេះ ប្រសិនបើយើងរួមគ្នាអភិរក្ស ថែរក្សាឱ្យបានគង់វង្ស នោះវាអាចនឹងផ្តល់ប្រយោជន៍ច្រើន លើការទាក់ទាញវិស័យទេសចរទៅថ្ងៃអនាគត ខណៈបច្ចុប្បន្ន សំបូរសត្វដ៏កម្រជាច្រើនគ្រប់ប្រភេទ កំពុងមានវត្តមាននៅក្នុងសហគមន៍ដែនជម្រកសត្វព្រៃសង្ឃរុក្ខាវន្តនេះ៕
ដោយ ៖ ចាន់ ធី
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
សហគមន៍បឹងពារាំង ជាទីតាំងជម្រកត្រីពងកូន និងសត្វស្លាបរាប់រយប្រភេទ កើតមានបញ្ហាចង់រំសាយសហគមន៍ចោល
មន្ទីរពិសោធន៍នៅ អាហ្វ្រិក កំពុងមានហានិភ័យ ធ្លាយចេញមេរោគសាហាវៗ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
ថ្ងៃសែនចូលឆ្នាំចិន វៀតណាម អគ្គិភ័យកើតឡើង៤លើកក្នុងភូមិសាស្ត្ររាជធានីភ្នំពេញ
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១២ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ១ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង