ព័ត៌មានជាតិ

បិទទីតាំងកត់ឆ្នោតមួយកន្លែងនៅសង្កាត់ផ្សារដើមគរ និង ណែនាំឲ្យបញ្ឈប់

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

ភ្នំពេញ ៖ ទីតាំងកត់ឆ្នោតមួយកន្លែងនៅសង្កាត់ផ្សារដើមគរ ត្រូវសមត្ថកិច្ចណែនាំឲ្យបញ្ឈប់ ក្រោយពីមានការរិះគន់ពីប្រជាពលរដ្ឋអំពីល្បែងស៊ីសងកត់ឆ្នោតវៀតណាម នៅម្ដុំខាងក្រោយប៉ុស្តិ៍នគរបាលផ្សារដើមគរ ស្ថិតក្នុងសង្កាត់ផ្សារដើមគរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះមក លោក ឯក ឃុនឌឿន អភិបាលខណ្ឌទួលគោកបានបញ្ជាឲ្យលោកចៅសង្កាត់ក្នុងមូលដ្ឋានចុះទៅបង្ក្រាប បិទទីតាំងនិងណែនាំឲ្យបញ្ឈប់អាជីវកម្មកត់កន្ទុយលេខ(ឆ្នោតវៀតណាម) បន្តទៀត។

ប្រតិបត្តិការនេះធ្វើឡើង កាលពីវេលាម៉ោង ១៥និង១៥នាទី នៅថ្ងៃទី១៨ ខែមីនា ឆ្នាំ២០២១ នៅចំណុចទីតាំងផ្ទះលេខ២៨B ភូមិ ០៨ តាមបណ្ដោយផ្លូវលេខ២២៣ ក្នុងសង្កាត់ផ្សារដើមគរ ខណ្ឌទួលគោក ររាជធានីភ្នំពេញ។

យោងតាមរបាយការណ៍របស់រដ្ឋបាលសង្កាត់ផ្សារដើមគរបានឲ្យដឹងថា ក្នុងការចុះបិទទីតាំងនោះមាន កម្លាំងផ្នែកនគរបាលព្រហ្មទណ្ឌ បានសហការជាមួយកម្លាំងនគរបាលប៉ុស្តិ៍រដ្ឋបាល និងអាជ្ញាធរសង្កាត់ផ្សារដើមគរ បានណែនាំដល់ម្ចាស់ទីតាំងដែលមានឈ្មោះ មុត សុខជី ភេទស្រី អាយុ២៩ឆ្នាំ ឲ្យបញ្ឈប់អាជីវកម្ម ឆ្នោតវៀតណាម ខុសច្បាប់បន្តទៀត ក្នុងករណីម្ចាស់ទីតាំងល្មើសនិងការណែនាំរបស់អាជ្ញាធរត្រូវប្រឈមចំពោះមុខច្បាប់៕

កែសម្រួលដោយ ៖ នាគព័ន្ធ