ខេត្តកែប មានភ្ញៀវទេសចរជិត ៣ម៉ឺននាក់ មក​កម្សាន្ដក្នុងឱកាសបុណ្យចូលឆ្នាំចិន

កាលពីរសៀលថ្ងៃទី៣០ ខែមករា ឆ្នាំ២០២៥ លោក ប៉ុក ទាំង ប្រធានមន្ទីរស្តីទីនៃមន្ទីទេសចរណ៍ ខេត្តកែប បានឱ្យដឹងថាខេត្តកែបមានភ្ញៀវទេសចរជាតិ និងអន្តជាតិប្រមាណជិត ៣ម៉ឺននាក់ បានធ្វើដំណើរមកលេងកម្សាន្តនៅទូទាំងខេត្តកែប ក្នុងឱកាសបុណ្យចូលឆ្នាំថ្មីប្រពៃណីចិន វៀតណាម។

ក្នុងដំណើរកម្សាន្តរបស់ក្រុមអ្នកទេសចរមកកាន់ខេត្តកែប មិនមានបាតុភាពណាមួយដែលបង្កឡើងធ្វើអោយប៉ះពាល់ ដល់បណ្តាអ្នកភ្ញៀវទេសចរនោះទេ។

យោងតាមរបាយការណ៍របស់លោក ប៉ុក ទាំង បានអោយដឹងថា សម្រាប់អំឡុងពេលពិធីបុណ្យចូលឆ្នាំចិន វៀតណាមនេះ មានភ្ញៀវទេសចរសរុបចំនួន ២៩,១១៣នាក់ ក្នុងនោះភ្ញៀវជាតិមានចំនួន ២៨,៩៣៨នាក់ និងភ្ញៀវបរទេសមានចំនួន ១៧៦នាក់។ 

ទោះជាយ៉ាងណាលោកបញ្ជាក់ថា ពាក់ព័ន្ធសភាពការណ៍ទេសចរណ៍ ពុំមានទទួលពាក្យបណ្ដឹង គ្រោះថ្នាក់ផ្សេងៗ ក៏គ្មានដែរ បាតុភាពផ្សេងៗដែលបង្កឡើងអោយប៉ះពាល់ដល់ភ្ញៀវទេសចរក៏គ្មាននោះដែរ ក្នុងនោះលោកបានបែងចែកក្រុមការងារចុះតាមដានតាមគោលដៅទេសចរណ៍ផងដែរ៕

អត្ថបទ៖ សឹង រ៉ាត់