ព័ត៌មានជាតិ
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
មន្ត្រីជំនាញសុខាភិបាលដោយមានការជួយគាំទ្របច្ចេកទេសពីអង្គការ UNAIDS ក្រុមអ្នកជំនាញអន្តរជាតិ និង អង្គការដៃគូអភិវឌ្ឍន៍ គ្រោងនឹងធ្វើបច្ចុប្បន្នភាពទិន្នន័យអំពីស្ថានភាពមេរោគអេដស៍នៅប្រទេសកម្ពុជា នៅថ្នាក់ជាតិ និងថ្នាក់ក្រោមជាតិ នៅឆ្នាំ ២០២៥ ហើយរំពឹងថា លទ្ធផលផ្លូវការអាចនឹងប្រកាសនៅអំឡុងខែមិថុនា ខាងមុខនេះ ក្រោយពីទទួលពិនិត្យបញ្ជាក់អង្គការ UNAIDS នៅថ្នាក់តំបន់។
លោកវេជ្ជបណ្ឌិត អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ នៃក្រសួងសុខាភិបាល បានបញ្ជាក់ថា ការធ្វើបច្ចុប្បន្ន នៃស្ថានភាពមេរោគអេដស៍នេះ ត្រូវបានធ្វើឡើង ១ ឆ្នាំម្តង ដើម្បីឱ្យដឹងពីបច្ចុប្បន្នភាពពីចំនួនអ្នករស់នៅជាមួយមេរោគអេដស៍ ចំនួនករណីឆ្លងថ្មី នៃមេរោគអេដស៍ ចំនួនករណីស្លាប់ទាក់ទងនឹងជំងឺអេដស៍ ក្រុមអាយុប្រជាជនដែលប្រឈមនឹងការឆ្លងមេរោគអេដស៍ខ្ពស់ជាងគេ និងបែងចែកទីតាំងភូមិសាស្ត្រ តំបន់ និងរាជធានី/ខេត្តណាដែលមានអត្រាប្រឈមនឹងការឆ្លងមេរោគអេដស៍ខ្ពស់ជាងគេ។
លោកវេជ្ជបណ្ឌិត បានបន្តថា លទ្ធផលនេះ នឹងត្រូវបានយកមកប្រើប្រាស់រៀបចំអន្តរាគមន៍ ឱ្យកាន់តែមានប្រសិទ្ធភាព សក្ដិសិទ្ធិភាព និងឆ្លើយតបឱ្យចំទិសដៅ។
លោកវេជ្ជបណ្ឌិត បានបន្តទៀតថា បច្ចុប្បន្ននេះ យើងកំពុងតែប្រើប្រាស់លទ្ធផល នៃការប៉ាន់ស្មាន ឆ្នាំ ២០២៤ ដោយមានចំនួនអ្នករស់នៅជាមួយមេរោគអេដស៍ប្រមាណ ៧៦ ០០០ នាក់ ក្នុងនោះមានអ្នកជំងឺអេដស៍សកម្មដែលកំពុងទទួលសេវាព្យាបាលដោយឱសថប្រឆាំងមេរោគអេដស៍ទាំង ៧៤ កន្លែង ចំនួន ៦៩ ៩៩៤ នាក់ ហើយប្រហែលនៅសល់អ្នករស់នៅជាមួយមេរោគអេដស៍ ៦ ០០០ នាក់ ទៅ ៧ ០០០ នាក់ នៅមិនទាន់បានដឹងខ្លួន និងមិនទាន់បានធ្វើតេស្ត និងទទួលសេវាព្យាបាលនៅឡើយទេ ខណៈក្នុង ១ ឆ្នាំៗ មានអ្នកឆ្លងថ្មីនៃមេរោគអេដស៍ប្រមាណ ១ ២០០ នាក់ និងស្លាប់ប្រមាណ ១ ១០០ នាក់។
លោកវេជ្ជបណ្ឌិត បានបញ្ជាក់ថា «យោងតាមអនុសាសន៍លោកសាស្ត្រចារ្យ ឈាង រ៉ា រដ្ឋមន្ត្រីក្រសួងសុខាភិបាល បានជំរុញលើកទឹកចិត្តឱ្យមជ្ឈមណ្ឌលជាតិ ធ្វើការផ្សព្វផ្សាយឱ្យទូលំទូលាយ ឱ្យអ្នកដែលសង្ស័យ ឬ មានការប្រឈមមុខនឹងការឆ្លងមេរោគអេដស៍ រួសរាន់មកធ្វើរកមេរោគអេដស៍ និងទទួលការព្យាបាលឱ្យបានឆាប់ និងសូមប្រកាន់ខ្ជាប់នូវវិធានបង្ការមេរោគអេដស៍ ដើម្បីកម្ពុជាឈានទៅសម្រេចគោលដៅ ៩៥ ៩៥ ៩៥ នាឆ្នាំ ២០២៥ នេះ៕
អត្ថបទ ៖ សំអឿន
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
នាយកដ្ឋានបង្ការពន្លត់អគ្គិភ័យ គ្រោងបំពាក់លេខ Hotline 118 នៅតាមបណ្ដារាជធានី ខេត្ត ទូទាំងប្រទេស ដើម្បីអន្តរាគមន៍ទាន់ពេលវេលា
សហគមន៍មួយក្នុងខេត្តព្រះវិហារដើរតួសំខាន់ក្នុងការដាំម្ទេសខ្មាំង
ក្បាច់គុន «ឥន្ទ្រីពស់» ជាចំណុចរបត់មួយ នាំ ឈិនឡុង ឲ្យក្លាយជាតារាពិភពលោក
ក្រសួងការងារ ប្រកាសតម្រូវការកម្លាំងពលកម្មក្នុងស្រុកជាង ៧ ម៉ឺនកន្លែង បម្រើវិស័យធំៗ ៣
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ជិះម៉ូតូទាក់ដៃចង្កូតគ្នា ស្លាប់-របួសធ្ងន់ ០២ នាក់ នៅលើផ្លូវ ៥៩៨
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៧ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៤ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១៧ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»