​ចូលឆ្នាំ​ចិន ព្រែកកាំពីលេចធ្លោទាក់ទាញ​ទេសចរ​មក​លេង​ច្រើន​ជាងគេ​នៅ​ខេត្តក្រចេះ

ភ្ញៀវទេសចរណ៍ជាតិ​និងអន្តរជាតិ មកលេងកម្សាន្តខេត្តក្រចេះ នាកំឡុងពិធីបុណ្យចូលឆ្នាំចិន ទទួលបានចំនួន ១៣ ៩០៣ នាក់ក្នុងនោះមានភ្ញៀវជាតិ ចំនួន ១៣ ៤៦៩ នាក់ ភ្ញៀវបរទេសចំនួន ៤៣៤ នាក់ បើប្រៀបធៀបទៅនឹងឆ្នាំ ២០២៤ មានការកើនឡើងចំនួន ៣ ៥៦២ នាក់ ស្មើនឹង ៣៤.៤៤ ភាគរយ។

ក្នុងថ្ងៃចូលឆ្នាំប្រពៃណីចិន គេឃើញមានរមណីយដ្ឋានព្រែកកាំពី មានភាពលេចធ្លោជាងគេ ក្នុងចំណោមរមណីយដ្ឋាននានាក្នុងខេត្ត ដែលមានភ្ញៀវទេសចរណ៍ទាំងជាតិ និងអន្តរជាតិ បានទៅលេងកម្សាន្តច្រើន។ នេះតាមការឲ្យដឹងពីលោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះ។

ខេត្តក្រចេះ មានរមណីយដ្ឋានទេសចរសរុបចំនួន ២៤ កន្លែង រមណីយដ្ឋានវប្បធម៌ប្រវត្តិសាស្ត្រចំនួន ៦ កន្លែង រមណីយដ្ឋានវប្បធម៌ជាតិ ១ កន្លែង រមណីយដ្ឋានធម្មជាតិ ១២ កន្លែង និងរមណីយដ្ឋានកែច្នៃ ៥ កន្លែង ហេីយរមណីដ្ឋាន ដែរអ្នកទេសចរណ៍ពេញនិយម​ទៅកម្សាន្ត​ច្រេីន គឺរមណីយដ្ឋានទឹកជួរទន្លេមេគង្គកាំពី ស្ថិតនៅភូមិក្បាលជួរ ឃុំសំបុក ស្រុកចិត្របុរី មានចម្ងាយ ១៦ គម ពីទីរួមខេត្តក្រចេះ៕

អត្ថបទ៖ ប្រុញ វិធិន