ជីវិតកម្សាន្ដ

សាន ផានិត រម្លឹករឿងមុនរៀបការធ្លាប់ចូលវត្តស្វែងរកផ្លូវធម៌ ៤ ឆ្នាំ ដោយមិននឹកស្មានជីវិតមានថ្ងៃនេះ

បានផុស

៣០ វិនាទី មុន

នៅ

ថ្ងៃចន្ទ ៣ កុម្ភៈ ២០២៥

ដោយ

តារាចម្រៀងជើងចាស់ម្ចាស់បទ”ទូរស័ព្ទប្រាប់ផង” លោក សាន ផានិត បានចេញមករម្លឹកពីរឿងអតីតកាលរបស់ខ្លួនប្រាប់អ្នកគាំទ្រថា លោកធ្លាប់ត្រូវបានប្រពន្ធបញ្ជូនឲ្យចូលវត្តស្វែងរកផ្លូវធម៌ប្រមាណជា ៤ ឆ្នាំ ដោយមិននឹកស្មានជីវិតអាចមានថ្ងៃនេះវិញឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន ផានិត បានប្រៀបធៀបរវាងអតីតកាលរបស់ខ្លួន និងខ្សែជីវិតអតីតតារារ៉េប RuthKo ដែលទើបចែកឋានថ្មីៗ នេះថា «RuthKo ម្តាយបញ្ជូនទៅបារាំង ដើម្បីផ្លាស់ប្ដូរ ខ្ញុំមុនរៀបការប្រពន្ធបញ្ជូនទៅវត្តស្វែងរកផ្លូវធម៌ Ruthko ប្រហែល ៣ ឆ្នាំ ខ្ញុំប្រហែល ៤ ឆ្នាំ»។

តារាចម្រៀងលោក សាន ផានិត បន្តទៀតថា លោកចាំបានគឺវាបានរលាយហិនហោចខ្ទេចខ្ទី សូម្បីតែជីវិតក៏មិនដែលបានគិតថាមានថ្ងៃមួយនេះ ពេលនេះ ម៉ោងនេះ បានកំពុងតែអង្គុយស៊ែរ និងសរសេរ Caption បន្តអ៊ីចឹងដែរ …។

លោក សាន ផានិត និយាយថា «ស្តាប់ទៅខ្ញុំក៏មិនស្តាយក្រោយដែរ ដោយសារពួកយើងអាចដើរចេញពីរបត់មួយនោះបាន និងហ៊ាននិយាយត្រង់យកវាជាបទពិសោធចែករំលែកមកទល់សព្វថ្ងៃ អ្វីដែលខ្ញុំនៅស្តាយ និងអាណិតតែម្យ៉ាងគត់អាណិតស្តាយមនុស្សជុំវិញខ្លួនមួយចំនួននៅតែបន្តប្រមាថរើសអើងខ្សឹបខ្សៀវបន្តគិតអវិជ្ជមាន សូម្បីតែខ្ញុំពេលនេះម៉ោងនេះបន្ទាប់ពី ១០ ឆ្នាំ កន្លងផុត»។

សូមរម្លឹកដែរថា កាលពីថ្មីៗ នេះដែរ តារាចម្រៀងលោក សាន ផានិត បានប្រតិកម្មសម្ដែងការហួសចិត្ត និងខកចិត្តជាខ្លាំង ក្រោយមានការវែកញែករឿងអតីតកាលរបស់ខ្លួន បន្ទាប់ពីលោកបានបង្ហោះរូប ១ សន្លឹក រម្លឹករឿងអតីតកាលខ្លួនផងនោះ៕

អត្ថបទ ៖ ចាន់រ៉ា