ព័ត៌មានជាតិ
ឆ្នាំ ២០២៤ គម្រោងអភិវឌ្ឍតាមផ្លូវទឹកធំៗចំនួន ៨ បានបញ្ចប់ដាក់ឲ្យដំណើរការ
បើតាមក្រសួងសាធារណការនិងដឹកជញ្ជូន នៅឆ្នាំ ២០២៤ មានគម្រោងអភិវឌ្ឍហេដ្ឋារចនាសម្ព័ន្ធតាមផ្លូវទឹកធំៗចំនួន ៨ បានបញ្ចប់ការសាងសង់និងដាក់ឲ្យប្រើប្រាស់ ដែលបានជួយជំរុញបន្ថែមនូវសក្តានុពលនៃការដឹកជញ្ជូន និងពង្រីកលទ្ធភាពការប្រកួតប្រជែងរបស់កម្ពុជាជាមួយបណ្តាប្រទេសនៅក្នុងតំបន់។
គម្រោងអភិវឌ្ឍហេដ្ឋារចនាសម្ព័ន្ធដឹកជញ្ជូនតាមផ្លូវទឹកដែលបានបញ្ចប់ និងសម្ពោធដាក់ឱ្យប្រើប្រាស់រួមមានដូចជា ចំណតផែកុងតឺន័រនៃកំពង់ផែស្វយ័តក្រុងព្រះសីហនុប្រវែង ២៥៣ ម៉ែត្រ, កំពង់ផែពហុបំណងកំពត, ឃ្លាំងសន្និធិគយបណ្តោះអាសន្ននៃចំណតផែកុងតឺន័រ LM១៧ ចំណតផែរណបពហុបំណង TS11 UM2 និង LM26 របស់កំពង់ផែស្វយ័តភ្នំពេញ, ឃ្លាំងលើកដាក់ និងស្តុកទំនិញត្រជាក់របស់ក្រុមហ៊ុន ខ្មែរ ខូល ឆេន ស្ថិតក្នុងបរិវេណចំណតផែកុងតឺន័រ LM17 របស់កំពង់ផែស្វយ័តភ្នំពេញ, និងការបើកឱ្យដំណើរការបណ្តោះអាសន្នកំពង់ផែទេសចរណ៍អន្តរជាតិខេត្តកំពត ដែលកំពង់ផែនេះគ្រោងនឹងសម្ពោធជាផ្លូវការ ក្រោមអធិបតីភាពសម្ដេចធិបតីនាយករដ្ឋមន្ត្រី នៅថ្ងៃ ទី៣ ខែមេសា ឆ្នាំ២០២៥។
ថ្លែងនៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដឆ្នាំ២០២៥ របស់ក្រសួងសាធារណការ និងដឹកជញ្ជូន កាលពីថ្ងៃទី២៣ ខែមករា ឆ្នាំ២០២៥ សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានថ្លែងថា រាជរដ្ឋាភិបាលនីតិកាលទី៧ នៃរដ្ឋសភា នៅតែបន្តចាត់ទុកវិស័យសាធារណការ និងដឹកជញ្ជូន ជាវិស័យអាទិភាពគន្លឹះក្នុងការរួមចំណែកដល់ការអភិវឌ្ឍប្រទេសជាតិ និងលើកកម្ពស់កំណើនសេដ្ឋកិច្ច តាមរយៈការតភ្ជាប់ប្រទាក់ក្រឡា និងសមាហរណកម្មផ្ទៃក្នុង និងតំបន់, ប្រសិទ្ធភាពនៃការដឹកជញ្ជូន និងការរីកចម្រើននៃប្រព័ន្ធឡូជីស្ទីក។
ចាប់តាំងពីដើមអាណត្តិទី៧ រហូតមកដល់ដំណាច់ ឆ្នាំ២០២៤ ក្រសួងសាធារណការ និងដឹកជញ្ជូន សម្រេចបាននូវសមិទ្ធផលជាច្រើន ឆ្លើយតបបានទៅនឹងអាទិភាព នៃយុទ្ធសាស្ត្របញ្ចកោណ-ដំណាក់កាលទី១ ជាពិសេសការកំណត់នូវចក្ខុវិស័យសំខាន់ៗចំនួន ២ គឺ១៖ ការលើកកម្ពស់សេវាដឹកជញ្ជូន តាមរយៈការអភិវឌ្ឈ និងបន្តធ្វើទំនើបកម្មការប្រើប្រាស់បច្ចេកវិទ្យាឌីជីថល ក្នុងការគ្រប់គ្រង និងការផ្តល់សេវាលឿន រហ័ស តម្លាភាព ប្រសិទ្ធភាព ងាយស្រួល និងជឿទុកចិត្ត និង២៖ ការលើកកម្ពស់ការតភ្ជាប់ប្រព័ន្ធដឹកជញ្ជូនអន្តរមធ្យោបាយ ឡូជីស្ទីក និងការអភិវឌ្ឍហេដ្ឋារចនាសម្ព័ន្ធដឹកជញ្ជូនឲ្យមានគុណភាព សុវត្ថិភាព ចីរភាព ភាពធន់ និងបរិយាប័ន្ន។
លោក ស៊ិន ចន្ធី អគ្គនាយកក្រុមហ៊ុន ឡាញហល អេចប្រេស ខេមបូឌា និងជាអ្នកជំនាញក្នុងវិជ្ជាជីវៈវិស័យដឹកជញ្ជូន និងភស្តុភារកម្មក្នុងក្រុមប្រឹក្សាភិបាល នៃសមាគមភស្តុភារកម្មកម្ពុជាបានប្រាប់កម្ពុជាថ្មីថា ជាការពិតការដឹកជញ្ជូនតាមផ្លូវទឹក មានសារសំខាន់ និងមានទំហំធំគ្របដណ្តប់ស្ទើរតែ ៨០% នៃការធ្វើពាណិជ្ជកម្មក្នុងប្រទេសកម្ពុជា។
លោកថា បើធៀបឆ្នាំ ២០២៤ និងឆ្នាំ ២០២៣ ការដឹកជញ្ជូនផ្លូវទឹកមានកំណើនជាង ២០% ទាំងនៅកំពង់ផែក្រុងព្រះសីហនុ និងកំពង់ផែនៅភ្នំពេញ ដែលនេះអាចបញ្ជាក់បានថាការដឹកជញ្ជូនតាមផ្លូវទឹកមានសក្ដានុពល កំណើន ហើយជាតម្រូវការចាំបាច់។
រដ្ឋាភិបាលនៅតែបន្តដាក់អាទិភាពលើការអភិវឌ្ឍហេដ្ឋារចនាសម្ព័ន្ធតាមផ្លូវទឹក ដើម្បីកាត់បន្ថយថ្លៃដើម ចម្ងាយ ពេលវេលានៃការដឹកជញ្ជូនទំនិញ ដែលផ្តល់លទ្ធភាពពង្រីកការតភ្ជាប់ជាមួយពហុមធ្យោបាយដឹកជញ្ជូនផ្សេងទៀត។ ជាក់ស្តែងគម្រោងព្រែកជីកហ្វូណនតេជោដែលជាគម្រោងទាញសមុទ្រឲ្យជាប់ទន្លេ ចាយទុនប្រមាណ ១,៧ ពាន់លានដុល្លារ ដែលតាមរយៈគម្រោងនេះ នឹងជួយពង្រឹងនូវឯករាជ្យភាពខាងនយោបាយរបស់កម្ពុជាលើការដឹកជញ្ជូនតាមផ្លូវទឹក ដែលរួមចំណែកដល់ការជំុញដល់ការអភិវដ្ឍសេដ្ឋកិច្ចសង្គមកម្ពុជា៕
មហាជនសរសើរទឹកចិត្ត សុខ ពិសី ដែលចំណាយលុយ ជួយសុនខមួយក្បាលជាប់ចំណង និងត្រូវគេជួញដូរជីវិត
ក្រុមប្រឹក្សាអភិវឌ្ឍន៍កម្ពុជា ពិនិត្យលើសំណើគម្រោងវិនិយោគមានទុន ១៣៥ លានដុល្លារ
អែលសាល់វ៉ាឌ័រ ព្រមទទួលយកមនុស្សគ្រប់សញ្ជាតិដែលនិរទេសចេញពីអាមេរិក ទោះអ្នកនោះ ជាឧក្រិដ្ឋជនក៏ដោយ
ប៉ាណាម៉ា ប្រកាសឈរខាងអាមេរិក ដកខ្លួនចេញពីគំនិតផ្ដួចផ្ដើមខ្សែក្រវាត់ និងផ្លូវរបស់ចិន
លោក Yoon ប្រឈមការស៊ើបអង្កេតថ្មីៗ ខណៈសវនាការតុលាការធម្មនុញ្ញសល់៥ដងទៀត
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
ស្ត្រីម្នាក់ សង្ស័យជិះម៉ូតូលឿន ជ្រុលកៀរសួនចែកទ្រូងផ្លូវ ដួលបាក់.ក ស្លាប់
ក្រសួងពាក់ព័ន្ធ នឹងហៅបុគ្គលតាំងខ្លួនជាព្រះមហេសីព្រះបាទជ័យវរ្ម័នទី ៧ បង្ហាញខ្លួនឆាប់ៗ នេះ
ដំណើរជីវិតតួ សាន់ឆាយ ក្នុងវិស័យសិល្បៈដំបូង រហូតដល់ថ្ងៃលាចាកលោក
ហាណូយ កើតរញ្ជួយដី, ញ័រសង្កាត់មួយចំនួន
-
ព័ត៌មានអន្ដរជាតិ៣ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៥ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៤ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៤ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ៦ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៣ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៣ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ១ សប្តាហ៍ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»