ព័ត៌មានជាតិ
ត្រឹមដើមឆ្នាំនេះ រដ្ឋាភិបាល ផ្ដល់ថវិកាជាង ៣០ ម៉ឺនលានរៀល ជូនកម្មការិនីមានផ្ទៃពោះ និងកូនអាយុក្រោម ២ ឆ្នាំ
គិតត្រឹមសប្ដាហ៍ទី ៤ ខែមករា ឆ្នាំ ២០២៥ នេះ រដ្ឋាភិបាល តាមរយៈ ប.ស.ស បានផ្តល់សាច់ប្រាក់ដល់ស្រីមានផ្ទៃពោះ និងកូនអាយុក្រោម ២ ឆ្នាំ ប្រមាណជាង ៣០ ម៉ឺនលានរៀល ដែលនឹងជួយលើកកម្ពស់សុខភាព និងជីវភាពគ្រួសាររបស់កម្មករ-និយោជិត និងកូនៗ កាន់តែប្រសើរឡើងបន្ថែមទៀត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ០៤ កុម្ភៈ នេះថា ចាប់ពីអនុវត្តក្នុងឆ្នាំ ២០១៨ រហូតដល់សប្ដាហ៍ទី ៤ ខែមករា ឆ្នាំ ២០២៥ នេះ រដ្ឋាភិបាល បានអនុវត្តកម្មវិធីផ្តល់ប្រាក់ឧបត្ថម្ភរបស់ រាជរដ្ឋាភិបាល សម្រាប់ សមាជិក ប.ស.ស ជាស្ត្រីមានផ្ទៃពោះមុនសម្រាល ពេលសម្រាល ក្រោយសម្រាល និងកូនអាយុក្រោម ២ ឆ្នាំ ជូនដល់ម្តាយ ចំនួន ៦០៥,០៥៤ នាក់ និង កូន ចំនួន ៥៩៨ ០១៤ នាក់ ដោយចំណាយថវិកាអស់ ៣០៥ ៨៦៤ លានរៀល។
លោក កត្តា អ៊ន បានបន្តថា រាជរដ្ឋាភិបាល បានផ្តល់កម្មវិធីឧបត្ថម្ភសាច់ប្រាក់ជូនកម្មករ-និយោជិតស្ត្រីមានផ្ទៃពោះ និងកុមារក្រោមអាយុ ២ ឆ្នាំ ក្នុងនោះ មុនពេលសម្រាលកូនកម្មករ-និយោជិតស្ត្រីមានផ្ទៃពោះទទួលបានប្រាក់ឧបត្ថម្ភចំនួន ៤ លើក ដោយ ១ លើក ទទួលបានថវិកា ៨ ម៉ឺនរៀល។ ពេលសម្រាលកូន ទទួលបានប្រាក់ឧបត្ថម្ភដោយកូន ១ ទទួលបានថវិកា ៨០ ម៉ឺនរៀល កូនភ្លោះ ២ ទទួលបាន ១ លាន ២ សែនរៀល និងកូនភ្លោះ ៣ ទទួលបាន ១ លាន ៦ សែនរៀល និងទទួលបានការឧបត្ថម្ភពិសេសបន្ថែមពី សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ចំនួន ៥ លានរៀល ទៀតផងដែរ។
លោក កត្តា អ៊ន បានបន្តទៀតថា ក្រោយពេលសម្រាលកូនកម្មករ-និយោជិតស្ត្រីមានផ្ទៃពោះទទួលបានប្រាក់ឧបត្ថម្ភចំនួន ១០ លើក ដោយ ១ លើក ទទួលបាន ៨ ម៉ឺនរៀល ក្នុងនោះ ៣ លើក នៅពេលទៅទទួលសេវាពិនិត្យសុខភាព ក្រោយពេលសម្រាលកូន និង ៧ លើកទៀត នៅពេលយកកូនទៅទទួលថ្នាំបង្ការរហូតដល់អាយុ ២ ឆ្នាំ។
លោក កត្តា អ៊ន បានបន្ថែមថា គិតត្រឹមសប្ដាហ៍ទី ៤ ខែមករា ឆ្នាំ ២០២៥ នេះ ប.ស.ស មានសមាជិកកើនឡើងដល់ជិត ៣ លាននាក់។ ជាក់ស្តែងបើគិតពីដើមឆ្នាំ ២០២៥ ប.ស.ស បានចុះបញ្ជីកាសមាជិកថ្មីបានចំនួន ៧០ ៧៦៧ នាក់ និងសមាជិកមកប្រើប្រាស់សេវាមូលដ្ឋានសុខាភិបាលជាដៃគូជាមួយ ប.ស.ស ចំនួន ៦២២ ០៦២ ដង៕
អត្ថបទ ៖ សំអឿន
រកឃើញអ្នកស្លាប់នៅអគាររលំនៅថៃកើនដល់២១នាក់ ខណៈ៧៣នាក់បាត់ខ្លួន
ស្នងការខេត្តមណ្ឌលគិរី ត្រៀមកម្លាំងជាង ៨០០នាក់ ដើម្បីថែរក្សាសុវត្ថិភាពក្នុងឱកាសចូលឆ្នាំខ្មែរ
លោក ឃឹម សុជាតិ និយាយពីវិន័យ និងការគ្រប់គ្រងក្លឹបគុនខ្មែរដូនតា
UN សរសើរកម្ពុជាពីគំរូនៃការជំរុញប្រព័ន្ធគាំពារសង្គម និងការងារសមរម្យ
ដំណើរទស្សនកិច្ចលោក ស៊ី ជីនពីង អ្នកវិភាគ រំពឹងថា នឹងជួយទាញវិនិយោគិនចិនមកកម្ពុជាកាន់តែច្រើន
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា