ព័ត៌មានជាតិ
អភិបាលខណ្ឌឫស្សីកែវ ចុះដោះស្រាយបញ្ហាប្រព័ន្ធលូដែលរងផលប៉ះពាល់ ពលរដ្ឋជិត ៨០ គ្រួសារ
កាលពីព្រឹកថ្ងៃទី ៤ ខែកុម្ភៈ ឆ្នាំ ២០២៥ នេះ លោក ជិន ប៊ុនធឿន អភិបាលខណ្ឌឫស្សីកែវ បានចុះជួបសំណេះសំណាលសួរសុខទុក្ខ និងដោះស្រាយបញ្ហាប្រព័ន្ធលូបង្ហូរទឹកស្អុយ ដែលបច្ចុប្បន្នប្រជាពលរដ្ឋជិត ៨០ គ្រួសារ កំពុងរងផលប៉ះពាល់។
លោក ជិន ប៊ុនធឿន បានប្រាប់ កម្ពុជាថ្មី ឱ្យដឹងថា ទីតាំងបញ្ហាប្រឈមនេះ ស្ថិតនៅភូមិផ្សារតូច សង្កាត់ទួលសង្កែទី ១ ខណ្ឌឫស្សីកែវ រាជធានីភ្នំពេញ។
លោកអភិបាលបានបន្តថា បច្ចុប្បន្ន ប្រជាពលរដ្ឋជិត ៨០ គ្រួសារ ជួបបញ្ហាប្រព័ន្ធលូបង្ហូរជាច្រើនឆ្នាំមកហើយ ដោយទីតាំងខាងលើជាតំបន់ទាប មានរោងចក្រជាប់គ្នា។ ពីមុនជាដីទំនេរ ឥលូវគេទិញមកអភិវឌ្ឍន៍ធ្វើរោងចក្រ ហើយប្រព័ន្ធលូដែលនៅពីខាងក្រោមវាទាប ដូច្នេះខាងរោងចក្ររៀបប្រព័ន្ធលូថ្មីនៅក្នុងផ្ទៃរោងចក្រ អញ្ចឹងទឹកដែលហូរចេញពីការប្រើប្រាស់របស់ប្រជាពលរដ្ឋប្រមាណជិត ៨០ គ្រួសារ បូកបន្ថែមនឹងទឹកហូរតាមទំនប់ផ្លូវ ៧០ ពីរង្វង់មូលគួចកាណុង ចុះទៅតាមតំបន់ខាងលើ ធ្វើឱ្យបរិមាណច្រើន ទឹកហូរមិនទាន់។
លោកអភិបាលបានបន្ថែមទៀតថា ដំណោះស្រាយគឺត្រូវតភ្ជាប់បណ្ដាញលូ ប៉ុន្តែត្រូវអូសកាត់ទៅលើដីដែលជាកម្មសិទ្ធិរបស់ឯកជន ទើបគម្រោងរំដោះវាជួបបញ្ហា។
នៅព្រឹកមិញផងដែរ លោកអភិបាល ក៏បានជួបពិភាក្សាជាមួយរដ្ឋបាលរោងចក្រ ដើម្បីស្នើសុំសម្របសម្រួលការងារតភ្ជាប់ប្រព័ន្ធលូ រំដោះតំបន់លិចលង់នេះតាមរយៈគម្រោងធ្វើអាងស្តុកទឹកមួយ ដើម្បីបញ្ចៀសការលិចលង់ដោយទឹកលូដែលបង្កផលលំបាកដល់ប្រជាពលរដ្ឋ ទាំងខែប្រាំង និងខែវស្សា ដោយភ្ជាប់ប្រព័ន្ធបង្ហូររំដោះនេះ ហូរទម្លាក់ទៅប៉ែកខាងជើងមានលូស្រាប់។
ជាមួយនេះ លោកអភិបាល ក៏បានបញ្ជាក់ថា នៅចំពោះមុខ លោកក៏បានស្នើសុំឲ្យខាងភាគីរោងចក្រ តែភាគីរោងចក្រនេះ គាត់មិនមែនជាម្ចាស់ទីតាំងដីនេះទេ។ គាត់ជាអ្នកជួលទីតាំងដីធ្វើរោងចក្រ និងដើម្បីទំនាក់ទំនងទៅជាមួយនឹងម្ចាស់ដីសុំការអនុគ្រោះពីម្ចាស់ដីហ្នឹងឱ្យយើងអាចជីកជាប្រព័ន្ធលូឆ្លងកាត់ទៅលើផ្ទៃដីដែលជាកម្មសិទ្ធិរបស់ឯកជន៕
អត្ថបទ ៖ សំណាង
អភិបាលខណ្ឌឫស្សីកែវ ចុះដោះស្រាយបញ្ហាប្រព័ន្ធលូដែលរងផលប៉ះពាល់ ពលរដ្ឋជិត ៨០ គ្រួសារ
ព្រឹលធ្លាក់ខ្លាំងបំបែកកំណត់ត្រាវាយប្រហារកោះHokkaido ប្រទេសជប៉ុន
ប្រធានគណៈកម្មការទី៨រដ្ឋសភា អរគុណសាកលវិទ្យាល័យវិទ្យាសាស្រ្តសុខាភិបាល ដែលជួយព្យាបាលលពលរដ្ឋតាមបណ្ដាខេត្ត
អាជ្ញាធរ ស្នើឱ្យឈប់ផ្តល់ចំណី ឬលេងជាមួយសត្វស្វានៅតំបន់អង្គរ ចៀសវាងបង្កគ្រោះថ្នាក់
វៀតណាមគ្រោងពិភាក្សាជាមួយដៃគូបរទេស លើការសង់រោងចក្រថាមពលនុយក្លេអ៊ែរ
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
ក្រសួងពាក់ព័ន្ធ នឹងហៅបុគ្គលតាំងខ្លួនជាព្រះមហេសីព្រះបាទជ័យវរ្ម័នទី ៧ បង្ហាញខ្លួនឆាប់ៗ នេះ
ហាណូយ កើតរញ្ជួយដី, ញ័រសង្កាត់មួយចំនួន
ប៉ាណាម៉ា ប្រកាសឈរខាងអាមេរិក ដកខ្លួនចេញពីគំនិតផ្ដួចផ្ដើមខ្សែក្រវាត់ និងផ្លូវរបស់ចិន
អែលសាល់វ៉ាឌ័រ ព្រមទទួលយកមនុស្សគ្រប់សញ្ជាតិដែលនិរទេសចេញពីអាមេរិក ទោះអ្នកនោះ ជាឧក្រិដ្ឋជនក៏ដោយ
-
ព័ត៌មានអន្ដរជាតិ៣ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៥ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៤ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៤ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ៦ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៣ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៣ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ១ សប្តាហ៍ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»