អត្តសញ្ញាណកម្ម នៃស្នងការដ្ឋាននគរបាលខេត្តបន្ទាយមានជ័យ ចុះធ្វើ​អត្ត​សញ្ញាណ​ប័ណ្ណ​ជូន​សិស្ស-ប្រជាពលរដ្ឋ និង​លោកគ្រូ អ្នកគ្រូ ក្នុងក្រុងប៉ោយប៉ែត

បន្ទាយមានជ័យ ៖ នគរបាល​អត្តសញ្ញាណប័ណ្ណ​សញ្ជាតិខ្មែរជា​ច្រើននាក់​បាន ចុះធ្វើអត្តសញ្ញាណប័ណ្ណជូន ​ប្រជាពលរដ្ឋ សិស្ស និងលោកគ្រូ អ្នកគ្រូ តាមសាលារៀនក្នុងខេត្តបន្ទាយមានជ័យ ដែល​ទើប​គ្រប់អាយុ និង អស់សុពលភាព នាព្រឹក ថ្ងៃទី៤ ខែកុម្ភៈ ឆ្នាំ២០២៥។

លោកវរសេនីយ៍ឯក អន ឌា នាយការិយាល័យនគរបាលអត្តសញ្ញាណប័ណ្ណសញ្ជាតិខ្មែរ បានឱ្យ​ដឹង​ថា ការចុះធ្វើអត្តសញ្ញាណប័ណ្ណជូន ប្រជាពលរដ្ឋ សិស្ស និងលោកគ្រូ អ្នកគ្រូ តាមសាលារៀននេះ គឺ​អនុវត្តតាមបទបញ្ញា របស់ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដោយបាន​ឱ្យ​ក្រុមការងារចល័ត សហការជាមួយកម្លាំងនគរបាលជំនាញអធិការដ្ឋាននគរបាលក្រុងប៉ោយប៉ែត ចុះប្រមូលទិន្នន័យ សិស្សានុសិស្ស នៅសាលាអន្តរជាតិ ម៉េង ហួ ណ័រវវ៉េស្ទ ស្ថិតនៅភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត បានសរុបចំនួន៦១នាក់ ប្រុសចំនួន២៦នាក់ ផ្តល់ថ្មីបានចំនួន៥៣នាក់ប្រុស២១នាក់ និងផ្ដល់ទុតិយតាចំនួន៨នាក់ប្រុស៥នាក់។

លោកវរសេនីយ៍ឯក អន ឌា បាន​បញ្ជាក់​ឱ្យ​ដឹង​បន្ត​ទៀត​ថា ពាក់ព័ន្ធ​ករណី​អត្តសញ្ញាណប័ណ្ណសញ្ជាតិខ្មែរ ជូនដល់សិស្ស ទើបគ្រប់អាយុ ប្រជាពលរដ្ឋ និង លោកគ្រូ អ្នកគ្រូបានហួសសុពលភាព ខូច ឬបាត់ ព្រមទាំងយុវជន យុវនានារី ណាដែល គ្រប់អាយុ១៥ ឆ្នាំឡើង សូម​មក​បំពេញបែបបទ ធ្វើអត្តសញ្ញាណប័ណ្ណសញ្ជាតិខ្មែរថ្មី នៅការិយាល័យធ្វើអត្តសញ្ញណប័ណ្ណ សញ្ជាតិខ្មែរ ឲ្យបានឆាប់រហ័ស តាមដែលអាចធ្វើទៅបាន ។

លោកឧត្តមសេនីយ៍ត្រី អ៊ុន សំអន ស្នងការរងទទួលការងារអត្តសញ្ញាណកម្ម នៃស្នងការដ្ឋាននគរបាល ខេត្តបន្ទាយមានជ័យ បាន​បន្ថែម​ថា អនុវត្តតាមការណែនាំរបស់លោក ឧត្តមសេនីយ៍ទោ សិទ្ធិ ឡោះ ការិយាល័យជំនាញ បានផ្សព្វផ្សាយ ដល់អធិការ ស្រុក ក្រុង និងប៉ុស្តិ៍រដ្ឋបាល ធ្វើការជូនដំណឹង ដល់ប្រជាពលរដ្ឋ ដែលមានអត្តសញ្ញាណប័ណ្ណ ហួសសុពលភាពនៅរយៈពេល៩០​ថ្ងៃ​ទៀត សូម​មក​បំពេញ​បែប​បទ ធ្វើអត្តសញ្ញាណប័ណ្ណថ្មី​ឱ្យបានទាន់ពេលវេលា។

លោក​បាន​បញ្ជាក់​ឱ្យ​ដឹង​បន្ត​ទៀត​ថា​ សមត្ថកិច្ចនគរបាលជំនាញ អត្តសញ្ញាណប័ណ្ណ សញ្ជាតិខ្មែរ នៃស្នងការដ្ឋាននគរបាល ខេត្តបន្ទាយមានជ័យ កំពុងមមាញឹកខ្លាំង សម្រុក​ធ្វើអត្តសញ្ញាណប័ណ្ណថ្មី ជូនដល់ប្រជាពលរដ្ឋក្នុងខេត្តបន្ទាយមានជ័យ ចំពោះការធ្វើអត្តសញ្ញាណប័ណ្ណថ្មី តម្រូវ​ឱ្យប្រជាពលរដ្ឋកាន់ឯកសារភ្ជាប់មកជាមួយមាន១.អត្តសញ្ញាណប័ណ្ណ ហួសសុពលភាព សូមយកអត្តសញ្ណប័ណ្ណចាស់មកជាមួយ ហើយនឹងត្រូវប្រើទិន្នន័យ ចាស់នោះ មិនតម្រួវឱ្យយកឯកសារពាក់ព័ន្ធថ្មីទេ ទី២-ចំពោះអ្នកធ្វើ អត្តសញ្ញាណប័ណ្ណថ្មី តម្រូវ​ឱ្យមានសំបុត្រកំណើត និងសៀវភៅគ្រួសារ។

ចំណែកអ្នកដែលអត្តសញ្ញណប័ណ្ណបាត់ ឬខូច ត្រូវទៅដាក់ពាក្យស្មើរសុំបញ្ជាក់ពីការបាត់ ឬខូច នៅប៉ុស្តិ៍នគរបាលរដ្ឋបាលឃុំ សង្កាត់ ដែលសាម៉ីខ្លួនរស់នៅ។ បងប្អួនប្រជាពលរដ្ឋ និងប្អូនៗ ក្មួយៗ យុវជន ដែលទើបគ្រប់អាយុ ឬ​អ្នក​ហួសសុពលភាព​ប្រើប្រាស់​អត្តសញ្ញាណប័ណ្ណសញ្ញាតិខ្មែចាស់ ត្រូវមកធ្វើថ្មី ឱ្យ​បាន​គ្រប់គ្នាព្រោះវាជា ប្រយោជន៍ដើម្បីបង្កលក្ខណៈងាយស្រួលប្រើប្រាស់ ក្នុងការប្រកបរប ការងារ ចិញ្ចឹមជីវិតប្រចាំថ្ងៃ ដូចជា ការធ្វើកិច្ចសន្យា ទិញ លក់ ជួល ធ្វើប្លង់ដី ពិសេសគឺប្រើប្រាស់លក្ខណៈផ្លូវការណ៍ផ្សេងៗ និងសម្រាប់បោះឆ្នោតជាដើម៕

ដោយ ៖ វ៉ាន់ ណាង