ព័ត៌មានអន្ដរជាតិ

គ្រោះថ្នាក់ចរាចរណ៍ដ៏សាហាវ បណ្តាលឲ្យស្លាប់ ៨នាក់និងរបួស១១នាក់នៅឥណ្ឌូណេស៊ី

បានផុស

២០ នាទីutes មុន

នៅ

ថ្ងៃពុធ ៥ កុម្ភៈ ២០២៥

ដោយ

រថយន្តកុងតឺន័រមួយគ្រឿងបានបុករថយន្តជាច្រើនគ្រឿងក្នុងទីក្រុង Bogor ខេត្តជ្វាខាងលិចប្រទេសឥណ្ឌូណេស៊ី កាលពីពាក់កណ្តាលអធ្រាត្រថ្ងៃអង្គារ សម្លាប់មនុស្សយ៉ាងហោចណាស់៨នាក់ និងរបួស១១នាក់។ យោងទីភ្នាក់ងារព័ត៌មាន Xinhua ផ្សាយនៅថ្ងៃទី៥ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Desiana Kartika Bahari ប្រធានការិយាល័យស្វែងរក និងជួយសង្គ្រោះទីក្រុងហ្សាកាតា បានឲ្យដឹងថា៖«ហេតុការណ៍នេះបានកើតឡើងនៅជិតច្រកទ្វារបង់ប្រាក់ Ciawi ក្នុងទីក្រុង Bogor Regency»។

លោកស្រីបានបន្តថា គ្រោះថ្នាក់នេះកើតឡើងរវាងរថយន្តកុងតឺន័រ បុករថយន្តជាច្រើនគ្រឿងត្រង់ចំណុចគល់ស្ពាន បណ្តាលឲ្យរងការខូចខាតយ៉ាងធ្ងន់ធ្ងរ។ ក្នុងហេតុការណ៍នេះមានជនរងគ្រោះ១៩នាក់ ក្នុងនោះស្លាប់ ៨នាក់ និង ១១ នាក់ផ្សេងទៀតរងរបួសធ្ងន់ធ្ងរនិងស្រាល។ ជនរងគ្រោះទាំងអស់ត្រូវបានបញ្ជូនទៅកាន់មន្ទីរពេទ្យទូទៅ Ciawi ។

ជាមួយគ្នានេះ ប្រធាននគរបាលក្រុង Bogor Regency បានឲ្យដឹងថា គ្រោះថ្នាក់នេះបានបណ្តាលឲ្យខូចខាតយានយន្តចំនួន៦គ្រឿង បង្កឡើងការដាច់ហ្វ្រាំងរបស់រថយន្តកុងតឺន័រ។

គិតត្រឹមព្រឹកថ្ងៃពុធនេះ ច្រកទ្វារបង់ប្រាក់ចំនួនពីរនៅតែបិទដដែល ដោយសារការខូចខាតរចនាសម្ព័ន្ធដែលបណ្ដាលមកពីគ្រោះថ្នាក់ចរាចរណ៍នេះ៕