Connect with us

ព័ត៌មានជាតិ

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

បានផុស

នៅ

ជនរងគ្រោះរងរបួសចំនួន៥នាក់ ដែលបាននឹងកំពុងសង្គ្រោះបន្ទាន់នៅមន្ទីរពេទ្យមិត្តភាពកម្ពុជា-ចិន(ពេទ្យលោកសង្ឃ) ក្នុង​ករណី​អគ្គិភ័យ​ឆេះ​ក្លិប​កម្សាន្ដ មីតណាយព្រីមៀរ នៅ​ខណ្ឌដង្កោ​ទទួលបានថវិកាពីលោក ឃួង ស្រេង អភិបាលរាជធានីភ្នំពេញនិងលោកស្រី ជា ស៊ីណាឃួង ស្រេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថវិកា​ដែល​ជា​អំណោយរបស់លោក ឃួង ស្រេង អភិបាល​នៃគណៈអភិបាលរាជធានីភ្នំពេញ​និង​លោកស្រី ជា ស៊ីណាឃួង ស្រេង នាល្ងាចថ្ងៃទី០៥ កុម្ភៈ​នេះ ត្រូវ​បានលោក សុខ ពេញវុធ អភិបាលរងរាជធានីភ្នំពេញ តំណាងលោកឃួង ស្រេង អភិបាល​រាជធានីភ្នំពេញ​អមដំណើរដោយលោកលោកបុិច សុខឃឿន ចៅសង្កាត់ទឹកល្អក់ទី១ នាំ​យក​ទៅ​ប្រគល់​ជូន​ដល់ដៃ​ញាតិ​សណ្តាន​របស់​ជនរងគ្រោះនៅមន្ទីរពេទ្យមិត្តភាពកម្ពុជា-ចិន(ពេទ្យលោកសង្ឃ)តែម្តង។

បើ​តាម​លោក​សុខ ពេញវុធ បាន​ឱ្យ​ដឹង​ថា លោក​អភិបាល​នៃ​គណៈអភិបាលរាជធានីភ្នំពេញ និង លោកស្រី ជា ស៊ីណាឃួង ស្រេង បាន​ចាត់​ឱ្យលោកនាំយកអំណោយ​ជា​ថវិកា​មក​ប្រគល់ជូនជនរងគ្រោះចំនួន៥នាក់ដែលរងរបួស ដោយ​អគ្គិភ័យ​ឆេះរាងកាយ ក្នុង​ករណី​អគ្គិភ័យ​ឆេះ​ក្លិប​កម្សាន្ដ មីតណាយព្រីមៀរ នៅខណ្ឌដង្កោ កាលពីព្រឹកថ្ងៃទី៥ ខែកុម្ភៈ ឆ្នាំ២០២៥ ដោយ​ម្នាក់ៗទទួល​បាន​ថវិកា​ចំនួន២​លាន​រៀល។

ជាមួយនិងការយកចិត្តទុកដាក់នេះដែរ លោកឃួង ស្រេង នាព្រឹកថ្ងៃទី៥ ខែកុម្ភៈ ឆ្នាំ២០២៥ ពោល​គឺ​ខណៈ​ភ្លើង​កំពុង​ឆាបឆេះ​ក្លិប​យ៉ាង​សន្ធោសន្ធៅ​នោះ លោក​អភិបាល​ក៏​បាន​ចុះដឹកនាំ​បញ្ជា​ផ្ទាល់ដល់ទីតាំងកើតហេតុផងដែរ ដើម្បី​ធ្វើ​យ៉ាងណា​សង្គ្រោះជនរងគ្រោះ​ចេញ​ពី​ភ្លើង​ឱ្យបានទាន់ពេលនិងពន្លត់អគ្គីភ័យឱ្យបានលឿន។

គួរ​បញ្ជាក់​ថា ករណី​អគ្គិភ័យ​ឆេះ​ក្លិប​កម្សាន្ដ មីតណាយព្រីមៀរ នៅខណ្ឌដង្កោ មាន​ជនរងគ្រោះស្លាប់២នាក់ និង​រងរបួស​ធ្ងន់​ចំនួន ៥នាក់ កំពុង​សង្គ្រោះ​បន្ទាន់​នៅ​មន្ទីរពេទ្យ​មិត្តភាពកម្ពុជា-ចិន(ពេទ្យលោកសង្ឃ)។ អ្នករងរបួសធ្ងន់ធ្ងរទាំង៥នាក់នេះរួមមាន ទី១ ឈ្មោះ រី ប៊ុនធីម ភេទ ប្រុស អាយុ៣០ឆ្នាំរលាក១០០%។ ទី២ ឈ្មោះសាយ ភារា ភេទ ប្រុស អាយុ២៦ឆ្នាំរលាក៦៥%។ ទី៣ ឈ្មោះមួន មករា ភេទ ប្រុស អាយុ២១ឆ្នាំរលាក១០០%។

ទី៤ ឈ្មោះមិន រតនៈ ភេទ ប្រុស អាយុ៣៥ឆ្នាំរលាក១០០%។ទី៥ ឈ្មោះថេង ថៃ ភេទ ប្រុស អាយុ២០ឆ្នាំរលាក៣០%។

សូម​បញ្ជាក់​ផង​ដែរ​ថា ករណីអគ្គិភ័យនេះបានកើតឡើងនាវេលាម៉ោង១០និង៣០នាទីព្រឹក ថ្ងៃទី៥ ខែកុម្ភៈ ឆ្នាំ២០២៥ នៅតាមបណ្ដោយផ្លូវ៥០ម៉ែត្រ ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ។

តាម​ប្រភព​ព័ត៌មាន​បាន​ឱ្យ​ដឹង​ថា មុន​ពេល​កេីតហេតុមានជាងផ្សារដែក​បាន​ចូល​ទៅ​ផ្សារជួសជុលនៅខាងក្នុង លុះ​មក​ដល់​វេលា​កេីត​ហេតុ​ស្រាប់​តែ​ឆាបឆេះ​យ៉ាងសន្ធោសន្ធៅបង្កការភ្ញាក់ផ្អេីល​ដល់ប្រជាលរដ្ឋ​រាយការណ៍​ទៅ​សមត្ថកិច្ចចុះមកអន្តរាគមន៍ភ្លាមៗ។

ក្លិប​កម្សាន្តខាងលេីមានយីហៅ មីតណាយព្រីមៀរក្លឹប មានទំហំ ៣៥ម៉ែត្រ គុណ៤០ម៉ែត្រ ឆេះខូចខាតសម្ភារៈក្នុងក្លឹបអស់ទាំងស្រុង និងម៉ូតូ ៥គ្រឿង និងរាលដាលដល់បន្ទប់ផ្ទះសំណាក់ទំហំ ៣,៥ម៉ែត្រ គុណ ០៥ម៉ែត្រ ចំនួន១បន្ទប់។ ក្នុងប្រតិបត្តិការអន្តរាគមន៍ សង្គ្រោះ កម្លាំងសមត្ថកិច្ចជំនាញបានប្រើពេលប្រមាណ៣ម៉ោង និងបានប្រើប្រាស់ទឹកអស់ចំនួន៥០ឡាន ស្មើនឹង១៦០ម៉ែត្រគូប៕

ដោយ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៣ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៥ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៧ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៩ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២១ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម