ខេត្តមណ្ឌលគិរី នឹងរៀបចំពិព័រណ៌ផលិតផលខ្មែររយៈពេល៤ថ្ងៃនៅសប្តាហ៍ក្រោយ

មន្ទីរពាណិជ្ជកម្មខេត្តរតនគិរី នឹងរៀបចំពិព័រណ៍តាំងបង្ហាញផលិតផលខ្មែរក្នុងស្រុករយៈពេល៤ថ្ងៃចាប់ពីថ្ងៃទី១៣ ដល់ថ្ងៃទី១៦ ខែកុម្ភៈ ឆ្នាំ២០២៥ នៅបរិមាណខាងមុខមន្ទីរពាណិជ្ជកម្មខេត្តរតនគិរី។ តាមការជូនដំណឹងរបស់មន្ទីរពាណិជ្ជកម្មខេត្តរតនគិរី គឺសម្រាប់ភ្ញៀវជាតិ-អន្តរជាតិ ជាពិសេសពាណិជ្ជករ ផលិតករ វិនិយោគិន និងសាធារណជន ដែលមានចំណាប់អារម្មណ៍ចង់ចូលរួមតាំងបង្ហាញផលិតផលរបស់ខ្លួន ត្រូវមកបំពេញបែបបទស្នើសុំការដាក់តាំងបង្ហាញផលិតរបស់ខ្លួននៅមន្ទីរពាណិជ្ជកម្មខេត្តរតនគិរី ឱ្យបានមុនថ្ងៃទី១០ ខែកុម្ភៈ ឆ្នាំ២០២៥។

មន្ទីរពាណិជ្ជកម្មខេត្តរតនគិរី បានឱ្យដឹងថា ការរៀបចំពិព័រណ៍តាំងបង្ហាញផលិតផលខ្មែរនេះឡើង ក្នុងគោលបំណងចូលរួមចំណែកជួយរកទីផ្សារជូនកសិករ ផលិតករ ព្រមទាំងជួយជំរុញផលិតកម្មកសិកម្ម និងជំរុញផ្នែកទីផ្សារដល់វិស័យសហគ្រាសធុនតូច និង មធ្យមក្នុងខេត្ត។ ពិធីតាំងបង្ហាញផលិតផលខ្មែរ សម្រាប់ឆ្នាំ២០២៥ នឹងមានស្តង់តាំងបង្ហាញផលិតផលជាច្រើនប្រភេទ រួមមាន ផលិតផលសក្តានុពលក្នុងខេត្ត ផលិតផលភូមិមួយផលិតផលមួយ មានដូចជា បន្លែ ផ្លែឈើ មាន់ស្រែ និងផលិតផលកសិកម្មកែច្នៃជាច្រើនមុខទៀត។

ការប្រារព្ធនៅកម្មវិធីនៅខេត្តរតនគិរីនេះ បានឆ្លុះបញ្ជាំងពីការយកចិត្តទុកដាក់របស់មន្ទីរពាណិជ្ជកម្ម បាននិងកំពុងជួយរកទីផ្សារ ជូនប្រជាកសិករ ដែលផលិតផលកសិកម្ម ការផលិតសម្ភារៈដោយដៃ និងផលិតផលកែច្នៃនៅក្នុងស្រុក ដែលមិនត្រូវបានគេស្គាល់ និងបានដឹង គ្មានទីកន្លែងលក់ដូរ អាចចូលរួមបាន វាជាឱកាសមួយសម្រាប់អ្នកចាប់ផ្តើមអាជីវកម្មថ្មោងថ្មី។ នេះបើយោងតាមលិខិតជូនដំណឹងរបស់មន្ទីរពាណិជ្ជកម្មខេត្តរតនគិរី៕