ព័ត៌មានជាតិ
សម្តេចតេជោ ហ៊ុន សែន៖ ផែនការចាក់វ៉ាក់សាំងរបស់កម្ពុជា ធ្វើឡើងដោយគ្មានការរើសអើងនិន្នាការនយោបាយ
កម្ពុជាមានផែនការចាក់វ៉ាក់សាំងជាក់លាក់ ដោយមានរបៀបរៀបរយមានការកំណត់ការអញ្ជើញច្បាស់លាស់ និងដោយគ្មានការរើសអើងសម្រាប់និន្នាការនយោបាយឡើយ។ នេះបើតាមប្រសាន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
សម្តេចតេជោ ហ៊ុន សែន បញ្ជាក់ថា មកដល់ពេលនេះ វ៉ាក់សាំង AstraZeneca នៅសល់ប្រមាណ១១១ ៤០០ដូស ដែលអាចចាក់ជូនប្រជាពលរដ្ឋបានចំនួន៥៥ ៧០០នាក់បន្ថែមទៀត។ វ៉ាក់សាំង Sinovac នឹងមកដល់កម្ពុជាជាថ្មីទៀតនៅថ្ងៃទី២៦ ខែមិនា ខាងមុខ ហើយជាវ៉ាក់សាំង ដែលកម្ពុជាយើងបានទិញចំនួន១ លាន៥ សែនដូស។ ក្រៅពីវ៉ាក់សាំងដែលនឹងមកដល់នាពេលខាងមុខនេះ យើងក៏នៅមានវ៉ាក់សាំងដែលនៅសល់ជាវ៉ាក់សាំង Sinopharm ចំនួន៤០ម៉ឺនដូសទៀត។
ជាមួយគ្នានោះ សម្ដេចតេជោ ហ៊ុន សែន បានស្នើឲ្យគណៈកម្មការចាក់វ៉ាក់សាំងដែលមានលោកស្រីវេជ្ជបណ្ឌិត ឱ វណ្ណឌីន ជាប្រធាន ដំណើរការចាក់វ៉ាក់សាំងដោយផ្ដល់អាទិភាព ចាក់ជូនប្រជាពលរដ្ឋដែលមានអាយុ៦០ ឆ្នាំឡើង នៅរាជធានីភ្នំពេញ ដែលជាតំបន់រាតត្បាតច្រើន។
មិនតែប៉ុណ្ណោះ សម្តេចបានស្នើឲ្យលោកស្រវេជ្ជបណ្ឌិត ឱ វណ្ណឌីន និងលោក ឃួង ស្រេង ធ្វើយុទ្ធនាការចាក់វ៉ាក់សាំង រយៈពេល១៥ ថ្ងៃ ជូនពលរដ្ឋដែលមានអាយុ៦០ឆ្នាំឡើង នៅរាជធានីភ្នំពេញ ហើយមណ្ឌលចាក់វ៉ាក់សាំង ត្រូវតែធ្វើនៅតាមខណ្ឌ ដែលងាយស្រួលដល់ប្រជាពលរដ្ឋ ដែលត្រូវធ្វើដំណើមកទទួលវ៉ាក់សាំង តែហាមឃាត់មិនឲ្យចាក់ដល់មនុស្ស ដែលអាយុក្រោម៦០ឆ្នាំនោះទេ។
សម្ដេចបានស្នើឲ្យលោក ឃួង ស្រេង អភិបាល នៃគណៈអភិបាលរាជធានីភ្នំពេញ ជ្រើសរើសកន្លែង ដែលយ៉ាងហោចណាស់ក្នុងមួយខណ្ឌ ត្រូវមានមួយកន្លែង ដើម្បីចៀសវាងការប្រមូលផ្ដុំ ដែលនាំឲ្យមានហានិភ័យ នៃការចម្លងមេរោគ។ សម្ដេចបានប្រាប់ឲ្យអ្នកពាក់ព័ន្ធ ត្រូវខិតខំធ្វើការងារនេះក្នុងរយៈពេល១៥ថ្ងៃ ដោយចាប់ពីពេលដែលរៀបចំរួច ហើយមនុស្ស ដែលត្រូវមកចាក់ គឺត្រូវមានការកោះអញ្ជើញពីសំណាក់អាជ្ញាធរ មិនត្រូវឲ្យមានការអង្គុយរង់ចាំអត់បាយអត់ទឹក ដូចពេលកន្លងទៅនោះទេ។
សម្ដេចតេជោ ហ៊ុន សែន បានបញ្ជាក់ដែរថា នៅកម្ពុជា វ៉ាក់សាំងទាំងពីរប្រភេទ ទាំងវាក់សាំងAstraZeneca និងវាក់សាំង Sinopharm មិនបានបង្កហានិភ័យណាមួយ ដូចការលើកឡើងនៅក្នុងបណ្ដាប្រទេសអឺរ៉ុបនោះទេ។ ជាមួយគ្នានោះសម្តេច ក៏បានសុំចិត្តពីប្រជាពលរដ្ឋឲ្យបន្តការចូលរួម ដើម្បីបញ្ចប់ព្រឹត្តិការណ៍សហគមន៍ ២០កុម្ភៈនេះឲ្យបានឆាប់។
នៅមិនដល់មួយខែទៀតទេ ពិធីបុណ្យចូលឆ្នាំប្រពៃណីជាតិខ្មែរនឹងចូលមកដល់ ហើយការរីករាលដាលនៃជំងឺកូវីដ១៩ នៅរាជធានីភ្នំពេញ ក៏ដូចជានៅតាមបណ្ដាខេត្តមួយចំនួននៅមិនទាន់ធូរស្បើយនៅឡើយ។ ដូច្នេះត្រូវចូលរួមអនុវត្តវិធានការ៣កុំ ៣ការពារបន្តទៀត បើទោះបីជាអ្នកធ្លាប់ចាក់វ៉ាក់សាំងចំនួនពីរលើករួចមកហើយក៏ដោយ ក៏មិនត្រូវធ្វេសប្រហែសដែរ ត្រូវបន្តអនុវត្តវិធានការបន្តទៀត។ ពីព្រោះវាក់សាំងមិនអាចអាចជួយទាំងស្រុងបានឡើយ គ្រាន់តែបាទជួយកាត់បន្ថយការឆ្លងតែងប៉ុណ្ណោះ ប៉ុន្តែបើមានការធ្វេសប្រហែសជំងឺនេះនៅតែឆ្លងដដែល៕
អត្ថបទ៖ កោះកែវ
រដ្ឋមន្ត្រីអប់រំ ៖ ការវិនិយោគលើកុមារតូច ជាការធានា និងទទួលខុសត្រូវចំពោះអនាគតកុមារកម្ពុជា
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
សាស្រ្តាចារ្យជប៉ុន៖ វិស័យសុខាភិបាលកម្ពុជាមានការរីកចម្រើនគួរឱ្យភ្ញាក់ផ្អើលធៀបនឹងមុនពេលរាតត្បាតជំងឺកូវីដ-១៩”
ថៃ ប្រកាសបិទសាលារៀនជិត២០០កន្លែងចាប់ពី១ថ្ងៃដល់១សប្ដាហ៍ ព្រោះខ្យល់ពុល
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
ប៉ាណាម៉ា ប្តឹងទៅ UN រឿងលោក ត្រាំ គំរាមគ្រប់គ្រងព្រែកជីក
ធនាគារប្រៃសណីយ៍កម្ពុជា នឹងដាក់ឱ្យដំណើរការប្រព័ន្ធឥណទានខ្នាតតូចឌីជីថល
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់