ព័ត៌មានជាតិ

ត្រីទីឡាបព្យាខ្មែរ ជប៉ុនច្នៃជាម្ហូបញាំឆៅជំនួសត្រីសាល់ម៉ុន

បានផុស

១ ខែ មុន

នៅ

ថ្ងៃសុក្រ ៧ កុម្ភៈ ២០២៥

ដោយ

Dy Bunnara

ត្រីទីឡាបព្យាដែលជាត្រីទឹកសាប ត្រូវបានកែច្នៃជាអាហារញាំឆៅដោយប្រើប្រាស់បច្ចេកទេសពីអ្នកជំនាញជប៉ុន។

លោក សាំ បូរ៉ា ជំនួយការនាយកប្រតិបត្តក្រុមហ៊ុន Cambodia Fresh Farm បានឲ្យដឹងថា ត្រីទីឡាបព្យាដែលជប៉ុនហៅថា ណាន់ហ្គុឃឹដៃ ត្រូវបានកសិដ្ឋានរបស់លោកចិញ្ចឹមតាមបច្ចេកទេសជប៉ុន ដើម្បីកែច្នៃធ្វើជាអាហារសាសីមី (ត្រីហូបឆៅ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាំ បូរ៉ា បញ្ជាក់ថា «ពូជត្រីនេះយកប្រភពពីក្នុងស្រុក។ កសិដ្ឋានបានប្រើប្រាស់វិធីចិញ្ចឹមបំប៉នតាំងពីនៅកូនតូចៗ ហើយដំណើរការកែច្នៃនិងវេចខ្ចប់ជាអាហារពីមួយដំណាក់កាលទៅមួយដំណាក់កាល ត្រូវឆ្លងកាត់ការត្រួតពិនិត្យនិងការតេស្តពិសោធន៍ដើម្បីរក្សាបានគុណភាព និងធានាសុវត្ថិភាពដល់អ្នកទទួលទាន»។

ខណៈដែលត្រីកែច្នៃក្នុងស្រុកនេះ អាចទទួលទានជំនួសត្រីសាល់ម៉ុននាំចូល ទីផ្សារបច្ចុប្បន្នមានតែលក់តាមផ្សារទំនើបធំៗ ហើយអតិថិជនគោលដៅភាគច្រើនជាជនបរទេស ខណៈមួយខែៗអាចលក់បានប្រហែល ៣០០ គីឡូក្រាម។ នេះបើតាមលោក សាំ បូរ៉ា

លោក សាំ បូរ៉ា ក៏សំណូមពរដល់ពលរដ្ឋជួយគាំទ្រផលិតផលត្រីកែច្នៃក្នុងស្រុកនេះ ដែលលោកមើលឃើញថាក៏ជាចំណែកមួយជួយដល់សេដ្ឋកិច្ច កាត់បន្ថយការនាំចូល ជួយពលរដ្ឋមានការងារធ្វើនិងមានប្រាក់ចំណូល៕