ព័ត៌មានជាតិ

នៅសង្កាត់ផ្សារថ្មី ២ ចុះយកសំណាក ២លើក រកឃើញ ស្ត្រី ៣ នាក់និងក្មេងម្នាក់ផ្ទុកកូវីដ១៩

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

អាជ្ញាធរខណ្ឌដូនពេញបានឲ្យដឹងថា បន្ទាប់ពីមន្ត្រីជំនាញក្រសួងសុខាភិបាលបានចុះយកសំណាកចំនួន២លើកទើបដឹងថា ស្ត្រី៣នាក់រួមទាំងក្មេងប្រុសម្នាក់បានផ្ទុកជំងឺកូវីដ១៩ នោះ ទើបនៅព្រឹកថ្ងៃទី១៩ ខែមីនា ឆ្នាំ២០២១នេះ ក្រុមគ្រូពេទ្យក្រសួងសុខាភិបាលចុះមកសហការជាមួយអាជ្ញាធរមូលដ្ឋានសង្កាត់ផ្សារថ្មី២បាននាំស្ត្រី៣នាក់ រួមទាំងក្មេងប្រុសម្នាក់ទៀត ដែលផ្ទុកជំងឺកូវីដ១៩សរុបចំនួន៤នាក់ ដែលបានពាក់ព័ន្ធនឹងព្រឹត្តិការណ៍សហគមន៍២០កុម្ភៈ ក្រោយធ្វើតេស្តយកសំណាក់២ដង ទើបដឹងលទ្ធផលវិជ្ជមាន ដើម្បីនាំទៅព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខណ្ឌដូនពេញបានបន្តទៀតថា នៅព្រឹកថ្ងៃទី១៩ ខែមីនា នេះដែរ ក្រោមការបញ្ជាផ្ទាល់ពីលោក សុខ ពេញវុធ អភិបាល នៃគណៈអភិបាលខណ្ឌដូនពេញ លោក ម៉ុក ច័ន្ទ ករុណា អភិបាលរង បានដឹកនាំគណៈបញ្ជាការឯកភាពរដ្ឋបាលខណ្ឌដូនពេញ សម្របសម្រួលជូនក្រុមគ្រូពេទ្យODCTM បានចុះយកអ្នកជំងឺកូវីដ១៩ ម្នាក់ទៀតដែលពាក់ព័ន្ធនឹងព្រឹត្តិការណ៍២០កុម្ភៈ ស្ថិតនៅផ្លូវលេខ១៨៤ សង្កាត់បឹងរាំង ខណ្ឌដូនពេញ រាជធានីភ្នំពេញ។

សូមបញ្ជាក់ទៀតថា នៅព្រឹកថ្ងៃទី១៩ ខែមីនា ឆ្នាំ២០២១នេះ នៅក្នុងមូលដ្ឋានខណ្ឌដូនពេញមានចំនួន២សង្កាត់គឺសង្កាត់ផ្សារថ្មី២ និងសង្កាត់បឹងរាំង ត្រូវបានរកឃើញអ្នកដែលផ្ទុកជំងឺកូវីដ១៩ សរុបចំនួន៥នាក់ទៀតដែលបានជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភះ៕

អត្ថបទ ៖ រស្មី