ព័ត៌មានជាតិ

ទំនិញល្មើសកម្មសិទ្ធិបញ្ញាជាច្រើន ត្រូវកម្លាំងជំនាញដុតកម្ទេចចោល

បានផុស

៣ សប្តាហ៍ មុន

នៅ

ថ្ងៃសៅរ៍ ៨ កុម្ភៈ ២០២៥

ដោយ

ទំនិញមួយចំនួន ល្មើសនឹងកម្មសិទ្ធិបញ្ញា ដែលកម្លាំងជំនាញដកហូតរយៈពេលកន្លងមក និង ដោយយោងទៅតាមពាក្យបណ្ដឹងរបស់ក្រុមហ៊ុននាំចូលផ្ដាច់មុខ ត្រូវបានកម្លាំងជំនាញ នៃការិយាល័យ នគរបាលប្រឆាំងបទល្មើសសេដ្ឋកិច្ចខេត្តបាត់ដំបង ធ្វើការដុតកម្ទេចចោល ក្រោមការត្រួតពិនិត្យពីតំណាងអយ្យការអមសាលាដំបូងខេត្តបាត់ដំបងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃទី ៦ ខែកុម្ភៈ ឆ្នាំ ២០២៥ កម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តបាត់ដំបង សហការជាមួយមន្ត្រីសាខា ក ប ប ខេត្តបាត់ដំបង និងតំណាងក្រុមហ៊ុនយូអិនធី ហូលសែល ខូអិលធីឌី បានធ្វើការដុតកម្ទេចចោលនូវទឹកដោះគោដែលឈ្មួញនាំចូលរំលោភកម្មសិទ្ធិបញ្ញាចំនួន ២៤ កេស និង ១៩ ថង់ ដែលមន្ត្រីសាខា (ក.ប.ប) ចាប់បាននាពេលកន្លងមក។

លោក យី យក់សាន នាយការិយាល័យប្រឆាំងបទល្មើសសេដ្ឋកិច្ច នៃស្នងការនគរបាលខេត្តបាត់ដំបង បានបញ្ជាក់ថា ទឹកដោះគោដែលកម្ទេចខាងលើ ត្រូវបានកម្លាំង ក ប ប ធ្វើការដកហូតនាពេលកន្លងមក ដែលបាននាំចូលរំលោភកម្មសិទ្ធិបញ្ញារបស់ក្រុមហ៊ុន Du tchmill (ទឹកដោះគោនេះជាសិទ្ធិចែកចាយផ្ដាច់មុខដោយក្រុមហ៊ុន Du tchmill)។

ការដុតកម្ទេចនេះធ្វើឡើងក្រោមវត្តមាន លោកស្រី នេត្រ សុផារិន ព្រះរាជអាជ្ញារង នៃអយ្យការអមសាលាដំបូងខេត្តបាត់ដំបង និងបន្ទាប់ពីបានការអនុញ្ញាតពីលោកឧត្ដមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបងផងដែរ៕

អត្ថបទ ៖ សោ និយមរ័ត្ន