រកឃើញអ្នកជំងឺកូវីដ១៩ម្នាក់ទៀតនៅភូមិដំណាក់ធំ២ សង្កាត់ស្ទឹងមានជ័យទី៣ និងមានមនុស្ស៦នាក់ជាប់ពាក់ព័ន្ធ

នាវេលាថ្ងៃត្រង់ ថ្ងៃទី១៩ខែមីនានេះ ក្រុមគ្រូពេទ្យនៃមន្ទីរពេទ្យបង្អែកខណ្ឌច្បារអំពៅបានចុះទៅយកអ្នកមានវិជ្ជមានកូវីដ១៩ម្នាក់ ស្ថិតក្នុងបន្ទប់ជួលលេខ១៩Aផ្ទះលេខ១៧៦ក្រុម៥ ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

យោងតាមប្រភពពីលោក អ៊ុម ហឿង ចៅសង្កាត់ស្ទឹងមានជ័យទី៣បានប្រាប់ថា ខណះថ្ងៃត្រង់នេះក្រុមគ្រូពេទ្យបង្អែកខណ្ឌច្បារអំពៅបានមកដឹកអ្នកមានវិជ្ជមានកូវីដ១៩ ឈ្មោះ សេង ដេវីដ ភេទប្រុស អាយុ២៨ឆ្នាំស្នាក់នៅបន្ទប់ជួលខាងលើ ហើយអ្នកជំងឺបានបំរើការងារនៅហាង (Mode store) ខណ្ឌទួលគោកសង្ស័យមកពីឆ្លងអ្នកបំរើការជាមួយគ្នាព្រោះថ្មីៗនេះគេបានរកឃើញរួចទៅហើយ។

លោកចៅសង្កាត់បញ្ជាក់ថា ក្នុងនោះគ្រូពេទ្យបានរកឃើញអ្នកពាក់ពន្ធ័ចំនួន៦នាក់ទៀតដែលរស់នៅជាមួយរួមមាន ឈ្មោះយុិន បញ្ញា ភេទប្រុសឈ្មោះហាន សុីថា ភេទប្រុសអាយុ៣៤ឆ្នាំឈ្មោះ យុិន រីណា ភេទស្រីអាយុ៨ឆ្នាំឈ្មោះប្រឹម សុខរី អាយុ២៦ឆ្នាំ និងឈ្មោះប្រឹម ផារី ភេទស្រីអាយុ៣៤ឆ្នាំ។

ចំពោះអ្នកពាក់ពន្ធ័ទាំង៦នាក់ត្រូវបានយកសំណាកទៅធ្វើការពិសោធន៍ដោយឡែកអ្នកជំងឺត្រូវបានដឹកយកទៅព្យាបាលនៅមន្ទីរពេទ្យរដ្ឋ។ក្នុងនោះទីតាំងផ្ទះខាងលើត្រូវបានធ្វើចត្តាឡីសក័នាថ្ងៃនេះដែរ៕

អត្ថបទ៖ នរា