ព័ត៌មានជាតិ
Metfone ឈរលើគេ Smart លេខពីរ Cellcard លេខ ៣ សាងសង់ដំណើរការបង្គោលអង់តែនទូរសព្ទច្រើនជាងគេទូទាំងប្រទេស
របាយការណ៍បូកសរុបលទ្ធផលការងាររយៈពេល ៥ ឆ្នាំ (២០២០-២០២៤) នៃដំណើរឆ្ពោះទៅបរិវត្តកម្មឌីជីថល និងលើកទិសដៅការងារបន្តក្រសួងប្រៃសណីយ៍ និងទូរគមនាគមន៍ បានបង្ហាញទិន្នន័យនៃការសាងសង់និងការដាក់ឲ្យដំណើរការបង្គោលអង់តែនរួម និងស្ថានីយអង់តែនទូរសព្ទចល័តរបស់ក្រុមហ៊ុនបណ្តាញទូរសព្ទនៅក្នុងប្រទេសកម្ពុជា។
របាយការណ៍បានបញ្ជាក់ថា គិតត្រឹមឆ្នាំ ២០២៤ ក្រុមហ៊ុន Viettel (Metfone) បានសាងសង់ និងដំណើរការបង្គោលអង់តែនទូរសព្ទច្រើនជាងគេសរុបមានចំនួន ៥ ៣៣០ បង្គោលនៅទូទាំងប្រទេស ទីពីរគឺក្រុមហ៊ុន Smart មានចំនួន ៣ ៨៨១ បង្គោល ក្រុមហ៊ុន CamGSM (Cellcard) ឈរលេខ ៣ មានចំនួន ៣ ១៩២ បង្គោល និងទី ៤ គឺក្រុមហ៊ុន Seatel មានសរុបចំនួន ១ ០៩៥ បង្គោល។
ក្រសួងប្រៃសណីយ៍ និងទូរគមនាគមន៍ បានដាក់ផែនការជំរុញការអភិវឌ្ឍហេដ្ឋារចនាសម្ព័ន្ធតភ្ជាប់ រួមមានការសាងសង់បង្គោលអង់តែនទូរសព្ទបន្ថែម។ ការវិនិយោគបន្ថែមលើការសាងសង់បង្គោល និងស្ថានីយអង់តែនទូរសព្ទចល័ត គឺជាកាតាលីករដ៏សំខាន់ក្នុងការបង្កើនគុណភាព ពង្រីកវិសាលភាពនៃការផ្តល់សេវាទូរសព្ទចល័ត និងសេវាអ៊ីនធឺណិតចល័តឱ្យបានកាន់តែល្អប្រសើរ ដើម្បីឲ្យសមស្របតាមតម្រូវការរបស់អ្នកប្រើប្រាស់ និងនិន្នាការនៃកំណើនសេដ្ឋកិច្ចជាតិ។
លោក ជា វ៉ានដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍បានលើកពីបញ្ហាប្រឈម ខណៈការជំរុញឱ្យមានការវិនិយោគសាងសង់ស្ថានីយអង់តែនថ្មីៗបន្ថែមទៀតនៅតាមបុរី តាមបណ្តាខណ្ឌទាំង ១៤ ក្នុងរាជធានីភ្នំពេញ និងនៅតាមបណ្តាខេត្ត ខ្វះកិច្ចសហការក្នុងការផ្ដល់ទីតាំងសម្រាប់សាងសង់ស្ថានីយអង់តែន និងការតវ៉ារារាំងមិនឱ្យសាងសង់ ដោយសារមានការយល់ខុសអំពីផលប៉ះពាល់សុខភាពដែលបណ្តាលមកពីស្ថានីយអង់តែនជាដើម។
ថ្លែងនៅក្នុងឱកាសចូលរួមបិទសន្និបាតបូកសរុបលទ្ធផលការងាររយៈពេល ៥ ឆ្នាំរបស់ក្រសួងប្រៃសណីយ៍និងទូរគមនាគមន៍កាលពីសប្តាហ៍មុន សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក៏បានលើកឡើងពាក់ព័ន្ធពាក្យចចាមអារ៉ាមពីផលប៉ះពាល់ដល់សុខភាព តាមរយៈស្ថានីយអង់តែនទូរស័ព្ទចល័ត។
ប្រមុខរដ្ឋបាលបានច្រានចោលការលើកឡើងនេះ ដោយសម្តេចថាគឺផ្អែកតាមជំនឿមិនស្របតាមការស្រាវជ្រាវបែបវិទ្យាសាស្រ្ត និងអំពាវនាវដល់ប្រជាពលរដ្ឋទាំងអស់ កុំមានការបារម្ភអំពីផលប៉ះពាល់ពីស្ថានីយអង់តែនទូរស័ព្ទចល័ត។
បើតាមសម្តេចនាយករដ្ឋមន្រ្តី ផ្អែកតាមការសិក្សារបស់អង្គការសុខភាពពិភពលោក គឺពុំមានភស្តុតាងវិទ្យាសាស្ត្រណាបង្ហាញថា ស្ថានីយអង់តែនទូរសព្ទចល័ត អាចបង្កផលប៉ះពាល់ដល់សុខភាពរបស់ប្រជាពលរដ្ឋនោះទេ ហើយប្រសិនបើមានការប៉ះពាល់ដល់សុខភាពពិតមែន ប្រទេសទាំងអស់ជាពិសេសប្រទេសអភិវឌ្ឍន៍ក៏មិនប្រើប្រាស់សេវាទូរសព្ទទៀតទេ។
រដ្ឋមន្រ្តីក្រសួងប្រៃសណីយ៍និងទូរគមនាគមន៍បានគូសបញ្ជាក់ថា ខណៈបច្ចុប្បន្នសេវាទូរសព្ទបានគ្រប់ដណ្ដប់ប្រមាណ ៨០% នៅឆ្នាំ ២០២៧ ក្រសួងដាក់ផែនការនឹងពង្រីកសេវាទូរសព្ទឲ្យគ្រប់ដណ្ដប់ទូទាំងប្រទេស៕
បន្តចុចអាន៖ ក្រសួងប្រៃសណីយ៍ ដាក់គោលនយោបាយឲ្យសង់បង្គោលអង់តែនតែមួយប្រើប្រាស់រួមគ្នា
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ