ព័ត៌មានជាតិ
២០២៤ មានសមាជិក ប.ស.ស រងគ្រោះជាង ១ ម៉ឺន ៦ ពាន់នាក់ ស្លាប់ជិត ៣ រយនាក់ ដោយគ្រោះថ្នាក់ចរាចរណ៍
លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាអ្នកនាំពាក្យ នៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ១១ កុម្ភៈ នេះថា ឆ្នាំ ២០២៤ មានសមាជិកប.ស.ស គ្រោះថ្នាក់ពេលធ្វើដំណើរចំនួន ៨ ៧០៤ ករណី បណ្តាលឱ្យរងរបួសស្រាលចំនួន ១២ ៧៥៩ នាក់ របួសធ្ងន់ចំនួន ៣ ៧៥៦ នាក់ និងស្លាប់ចំនួន ២៩៣ នាក់។
លោកបណ្ឌិត ហេង សុផាន់ណារិទ្ធ បានបន្តថា តួលេខនេះបើប្រៀបធៀបទៅនឹងឆ្នាំ ២០២៣ កន្លងទៅ ឃើញថា មានការកើនឡើង ១៧% ខណៈឆ្នាំ ២០២៣ មានសមាជិក ប.ស.ស រងរបួសស្រាលចំនួន ១១ ២៨៩ នាក់ របួសធ្ងន់ចំនួន ២ ៨៩១ នាក់ និងស្លាប់ចំនួន ២៣៧ នាក់។
លោកបណ្ឌិត ហេង សុផាន់ណារិទ្ធ បានបន្តទៀតថា គ្រោះថ្នាក់ចរាចរណ៍ភាគច្រើនកើតឡើងដោយមធ្យោបាយធ្វើដំណើរផ្ទាល់ខ្លួនតាមដងផ្លូវ តាមរយៈការប្រើប្រាស់ម៉ូតូ ដោយមិនគោរពច្បាប់ចរាចរណ៍ដូចជា បើកបរលើសល្បឿនកំណត់ មិនគោរពសិទ្ធិអាទិភាព បើកបរបញ្ច្រាសទិសជាដើម។
ដើម្បីបញ្ចៀសគ្រោះថ្នាក់ចរាចរណ៍នេះ លោកបណ្ឌិត ហេង សុផាន់ណារិទ្ធ បានសំណូមពរដល់អ្នកបើកបរ ត្រូវបើកបរដោយប្រុងប្រយ័ត្ន និងយោគយល់គ្នា និងគោរពច្បាប់ចរាចរណ៍ កុំបើកបរលើសល្បឿនកំណត់ បើកបរខុសគន្លងផ្លូវ កុំវ៉ាជែង និងកុំបើកបរពេលងងុយគេង និងស្ថិតក្រោមឥទ្ធិពល នៃគ្រឿងស្រវឹង ត្រូវមានបណ្ណបើកបរត្រឹមត្រូវ ហើយអ្នកបើកបរត្រូវគិតថា វាសនា និងអាយុជីវិតរបស់កម្មករ-និយោជិតនៅលើរថយន្តពឹងផ្អែក និងផ្ញើវាសនាលើយើង រួមទាំងខ្លួនយើងផងដែរ។ ដូច្នេះ ត្រូវបើកបរដោយប្រុងប្រយ័ត្ន ដើម្បីធានាសុវត្ថិភាពដល់អ្នកជិះ។
តាមរបាយការណ៍គ្រោះថ្នាក់ចរាចរណ៍ផ្លូវគោកឆ្នាំ ២០២៤ បានបញ្ជាក់ថា គ្រោះថ្នាក់ចរាចរណ៍បានកើតឡើងចំនួន ២.៨៤៤ លើក, អ្នកស្លាប់ចំនួន ១.៥០៩ នាក់ (ជាមធ្យមស្លាប់ ៤ នាក់/ថ្ងៃ) , របួសធ្ងន់ចំនួន ២.២៧៣ នាក់ , របួសស្រាល ១.៤៤៧ នាក់ , និងមិនពាក់មួកសុវត្ថិភាពពេលមានគ្រោះថ្នាក់ចំនួន ២.៤៧៧ នាក់ ធៀបគ្រោះថ្នាក់ចរាចរណ៍ឆ្នាំ ២០២៣ ថយចុះ ៤៧៣ លើក (ស្មើនឹង ១៤%) , អ្នកស្លាប់ថយចុះចំនួន ៨១ នាក់ (ស្មើ ៥%), របួសធ្ងន់ថយចុះ ៤៩៣ នាក់ (ស្មើ ១៨%), របួសស្រាលថយចុះ ៣០២ នាក់ (ស្មើ ១៧%) , និងមិនពាក់មួកសុវត្ថិភាពពេលមានគ្រោះថ្នាក់ថយចុះ ៥៩៦ នាក់(ស្មើ ១៩%)៕
អត្ថបទ ៖ សំអឿន
ក្រសួងកសិកម្មអំពាវនាវដល់អាជីវករលក់ដុំ និងរាយ ថ្នាំ ជី កសិកម្មឲ្យបង្កើនការលក់ដូរប្រកបដោយវិជ្ជាជីវៈ
២០២៤ មានសមាជិក ប.ស.ស រងគ្រោះជាង ១ ម៉ឺន ៦ ពាន់នាក់ ស្លាប់ជិត ៣ រយនាក់ ដោយគ្រោះថ្នាក់ចរាចរណ៍
រ៉យទ័រ៖ អាមេរិកនឹងជំរុញអឺរ៉ុប ទិញអាវុធពីខ្លួនបន្ថែមទៀត ដើម្បីជួយដល់អ៊ុយក្រែន
អង្គការអន្តរជាតិហេប្រុន មជ្ឈមណ្ឌលវេជ្ជសាស្រ្តហេប្រុន បានរៀបចំ វេទិកាគ្រូពេទ្យបេះដូងកុមារកម្ពុជា-កូរ៉េ ២០២៥
សាលា AUPP Liger Leadership កម្មវិធីសិក្សា ផ្តោតលើសហគ្រិនភាព និងភាពជាអ្នកដឹកនាំ
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប
អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត
ករណីផ្សាយថាចោរប្លន់អ្នកសិល្បៈនៅខណ្ឌសែនសុខ៖ ស្នងការថាម្ចាស់ម៉ូតូយកម៉ូតូលក់ តែកុហកថាចោរប្លន់
-
សន្តិសុខសង្គម១ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
ជីវិតកម្សាន្ដ១៨ ម៉ោង agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព