ព័ត៌មានជាតិ

លោក ហេង ឡុង ថ្លែងសារចូលរួមរំលែកទុក្ខដ៏ក្រៀមក្រំចំពោះមរណភាពភរិយាលោក ហួរ ឡាវី

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបន្ទាប់ពីទទួលដំណឹងមរណភាពភរិយាតារាចម្រៀងជើងចាស់លោកគ្រូ ហួរ ឡាវី និងត្រូវជាម្តាយតារាស្រីកញ្ញា វី ឌីណែត បានថ្លែងសារចូលរួមរំលែកទុក្ខដ៏ក្រៀមក្រំនិងសោកសៅនេះ។

លោក ហេង ឡុង បានរៀបរាប់ថា លោកសូមចូលរួមរំលែកទុក្ខភរិយារបស់តារាចម្រៀងជើងចាស់ហួរ ឡាវី សូមវិញ្ញាណក្ខន្ធរបស់អ្នកមីងទៅកាន់សុគតិភព និងជូនពរឲ្យកូនស្រីទាំងពីររបស់លោកពូឆាប់ជាសះស្បើយពីជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានសមាគមមិត្តសិល្បៈស្ម័គ្រចិត្តជួយសង្គមបានបន្តថា សូមបងប្អូនកុំភ្លេចខ្លួននិងកុំមើលស្រាលជំងឺកូវីដ-១៩ សូមចូលរួមអនុវត្តវិធានសុខាភិបាលទាំងអស់គ្នាដើម្បីកាត់បន្ថយការរីករាលដាលដ៏សា ហាវមួយនេះ។

ប្រាប់កម្ពុជាថ្មីនៅរសៀលថ្ងៃទី១៩ ខែមីនា ឆ្នាំ២០២១នេះ លោក ហេង ឡុង បានបញ្ជាក់ថា យើងគ្រោងទៅ អុចធូបគោរពវិញ្ញាណក្ខន្ធឬចូលបុណ្យដែរ ប៉ុន្តែដោយសារលោកគ្រូ ហួរ ឡាវី ជាប់ធ្វើចត្តាឡីស័ក និងដើម្បីចូលរួមគោរពវិធានការណែនាំរបស់ក្រសួងសុខាភិបាល គឺមិនអាចបំពានឡើយដូច្នេះមានតែការថ្លែងសារចូលរួមរំលែកទុក្ខពីចម្ងាយប៉ុណ្ណោះ៕

អត្ថបទ ៖ ចាន់រ៉ា