ព័ត៌មានជាតិ

បញ្ជូនស្ត្រីជនជាតិថៃ២នាក់ ទៅនាយកដ្ឋានជំនាញអនុវត្តតាមច្បាប់ ក្រោយធ្វើចត្តាឡីស័ករួច

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

បាត់ដំបង ៖ មន្ត្រីនគរបាលនៃស្នងការខេត្តនៅរសៀលថ្ងៃទី១៩ ខែមីនា ឆ្នាំ២០២១នេះ បានឲ្យដឹងថា ស្ត្រីជាជនជាតិថៃ២នាក់ចំនួន០២នាក់ ដែលបានលបលួចឆ្លងដែនចូលមកប្រទេសកម្ពុជាត្រូវបានមន្ត្រីមន្ទីរសុខាភិបាលប្រគល់មកសមត្ថកិច្ច ដើម្បីបន្តនីតិវិធីក្រោយធ្វើចត្តាឡីស័ករួចរាល់ជាមួយនឹងលទ្ធផលកូវី១៩អវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនៃអធិការស្រុកសំពៅលូនបានឲ្យដឹងថា ស្ត្រីជាជនជាតិថៃ២នាក់ខាងលើ បានលួចចូលមកទឹកដីកម្ពុជាដោយខុសច្បាប់ កាលពីថ្ងៃទី៤ខែមីនាឆ្នាំ២០២១ក៏ ត្រូវបានសមត្ថកិច្ចនគរបាលនៃអធិការដ្ឋាននគរបាលស្រុកសំពៅលូនឃាត់ខ្លួនសាកសួរនិងនាំទៅធ្វើចត្តាឡីស័កស្របតាមវិធានសុខាភិបាលនៅមណ្ឌលចត្តាឡីស័កស្រុកសំពៅលូន។

ប្រភពដដែលបន្តថា ក្រោយធ្វើចត្តាឡីស័កតាមកាលកំណត់និងមិនមានពាក់ព័ន្ធករណីCovid១៩ទេនោះមន្ត្រីសុខាភិបាលបានប្រគល់រូបគាត់មកឲ្យសមត្ថកិច្ចនគរបាលផែនជំនាញអតន្តោប្រវេសន៍បន្តអនុវត្តតាមច្បាប់។ ស្ត្រីទាំង២នាក់ខាងលើនេះរួមមាន ១,ឈ្មោះណាប់.ផានិត ភេទស្រី អាយុ២៥ឆ្នាំ រស់នៅប្រទេសថៃ(ជនជាតិថៃ)២,ឈ្មោះសុ.ផាផន ភេទស្រី អាយុ២៣ឆ្នាំ រស់នៅប្រទេសថៃ(ជនជាតិថៃ)។

មន្ត្រីនៃស្នងការខេត្តបានបញ្ជាក់ដែរថា រសៀលថ្ងៃទី១៩ ខែមីនានេះ មន្ត្រីការិយាល័យជំនាញនៃស្នងការខេត្តកំពុងត្រូវបានរៀបចំឯកសារដើម្បីបញ្ជូនអ្នកទាំង២ទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃដើម្បីចាត់ការតាមផ្លូវច្បាប់នៃព្រះរាជាណាចក្រកម្ពុជា៕

ដោយ ៖ សៅ សារិទ្ធ