ដេត ម៉ាលីណា ចេញមុខបញ្ជាក់ច្បាស់ៗ ហើយទម្លាយសារសំឡេងអតីតស្វាមីឲ្យលុយមេដោះដើម្បីប្រឌិតរឿង

អ្នកនាង ដេត ម៉ាលីណា ចេញមុខបដិសេធបញ្ហាដែលថា នាងបានដើរលេងផឹកស៊ី មិនមើលថែទាំកូន និងបានច្រានចោលរឿងលួចមានទំនាក់ទំនងជាមួយបុរសជនទី៣​ថាជា ការចោទប្រកាន់ប្រឌិតពីម៉ែដោះទាំងស្រុង។

នៅរសៀលនេះ ស្ត្រីមេម៉ាយកូន៣ អ្នកនាង ដេត ម៉ាលីណា បានមកបកស្រាយបញ្ហាចម្រូងចម្រាសជាមួយ លោក ឌួង ឆាយ ដែលចោទប្រកាន់នាងថាមានជនទី៣ ដោយនាងនិយាយថា វាជារឿងប្រឌិតរបស់អតីតស្វាមី ដែលជាអ្នកជួលម៉ែដោះកូនស្រីមកបំភ្លៃ ​លាបពណ៌ឱ្យនាងសុទ្ធសាធ។ មិនតែប៉ុណ្ណោះ អ្នកនាងក៏មានសារសំឡេងរបស់ម៉ែដោះដែលសារភាពថាបានទទួលលុយពីលោក ឌួង ឆាយ ទៀតផង។

នៅលើផេកផ្លូវការអ្នកនាង ដេត ម៉ាលីណា បានរៀបរាប់ថា លោក ឌួង​ ឆាយបានឱ្យលុយម៉ែដោះសម្ដែងប្រឌិតចោទប្រកាន់ទៅលើរូបនាងថា​ បានដើរលេងផឹកស៊ី មិនមើលថែរក្សាកូន និងថែមទាំងកុហកលាបពណ៌ថា មានទំនាក់ទំនងជាមួយជនទី៣ និយាយទូរស័ព្ទជាមួយមនុស្សប្រុសរាល់យប់ ដែលរឿងទាំងនោះមិនមែនជាការពិតទេ ព្រោះខ្លួនមិនដែលមានជនទី៣ទាល់តែសោះ។

ស្រ្តីមេម៉ាយរូបនេះបន្ថែមថា  បើសិនជាអ្នកនាងពិតជាមានបុរសទី៣ច្បាស់មែន សូមឱ្យ ម៉ែដោះមកបកស្រាយថា ជនទីបីនោះមានឈ្មោះអ្វី ហើយនាំយកភ័ស្តុតាងរូបភាពមកបញ្ចាក់ផង ព្រោះអីគាត់បានតាមដានអ្នកនាងគ្រប់សកម្មភាព។​  អ្នកនាងបន្តទៀតថា គ្រប់ការចោទប្រកាន់ គួរតែមានភ័ស្តុតាង មិនមែននិយាយតែមាត់អញ្ចឹងទេ ។

ក្រោយអះអាងការពារខ្លួន អ្នកនាង ម៉ាលីណា បានបកទៅលោក ឌួង ឆាយ វិញថា ការពិតអតីតស្វាមីនោះទេដែលជាអ្នកមានស្រី ខណៈអ្នកនាងកំពុងពពោះ ធ្លាក់ឈាម ចូលសម្រាកពេទ្យដោយគ្មានវត្តមានប្ដីនៅជាមួយ។

អ្នកនាង ដេត ម៉ាលីណា រៀបរាប់ទៀតថា​ រឿងរ៉ាវរវាងខ្លួននិងលោក ឌួង ឆាយ មានច្រើនទៀត គ្រាន់តែនិយាយទៅក៏មិនបានអីមកវិញ។ ដូច្នេះអ្នកនាងចង់បញ្ជាក់ថា លោក ឌួង ឆាយ ជាមនុស្សប្រភេទពូកែកុហកនិងសម្ដែង។ ហេតុនេះបងប្អូនអាចគិតតាមការគួរ ពីព្រោះនាងជាជនរងគ្រោះ ប៉ុន្តែអតីតស្វាមីបានលាបពណ៌ឱ្យនាងសព្វគ្រប់បែបយ៉ាង៕

វីដេអូខាងក្រោម៖

អត្ថបទ៖ សន្យា

ចុចអាន៖ សំបុត្រចុងក្រោយរបស់ប្អូនស្រី វី ឌី ណែ ត ផ្ញើជូនម្ដាយមុនពេល ស្លាប់ អានហើយចង់ស្រក់ទឹកភ្នែក