ព័ត៌មានជាតិ
លោកបណ្ឌិត ហ៊ឺ វីរៈ សង្ឃឹមថា វគ្គបណ្ដុះបណ្ដាលជំនាញពិធីករ-ពិធីការិនី នឹងពង្រឹងទេពកោសល្យមន្ត្រីលើការសរសេរព័ត៌មានប្រកបដោយវិជ្ជាជីវៈខ្ពស់
លោកបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលខេត្តកំពង់ឆ្នាំង សង្ឃឹមថា វគ្គបណ្ដុះបណ្ដាលជំនាញពិធីករ-ពិធីការិនីនេះ នឹងពង្រឹងបន្ថែមទៀតដល់ទេពកោសល្យរបស់មន្ត្រីលើការសរសេរព័ត៌មាន ផលិតបទយកការណ៍ បទអត្ថាធិប្បាយ និងការនិយាយជាសាធារណៈលើវេទិកា ប្រកបដោយទំនុកចិត្ត និងក្រមសីលធម៌វិជ្ជាជីវៈខ្ពស់។
ការសង្ឃឹមនេះ ក្នុងឱកាស លោកបណ្ឌិត ហ៊ឺ វីរៈ បានអញ្ជើញជាអធិបតីភាពក្នុងពិធីបិទវគ្គបណ្ដុះបណ្ដាលលើជំនាញពិធីករ-ពិធីការិនី ជូនដល់យុវជន យុវនារី និងមន្ត្រីរាជការចំណុះអង្គភាពរដ្ឋបាលស្រុកកំពង់ត្រឡាច ខេត្តកំពង់ឆ្នាំង កាលពីថ្ងៃទី ១៥ ខែកុម្ភៈ ឆ្នាំ ២០២៥ ម្សិលមិញ។
នាឱកាសនោះដែរ លោកបណ្ឌិត ហ៊ឺ វីរៈ មានប្រសាសន៍ថា សក្ដានុពល នៃមន្ត្រីវ័យក្មេងក្នុងពេលបច្ចុប្បន្ននេះ ត្រូវតែជាមន្ត្រីដែលរឹងមាំលើចំណេះដឹង តាមរយៈការទទួលបានវគ្គបណ្ដុះបណ្ដាលថ្មីៗ ឲ្យស្របទៅតាមតម្រូវការការងារនាពេលបច្ចុប្បន្ន។
លោកបណ្ឌិត ហ៊ឺ វីរៈ សង្ឃឹមថា «វគ្គបណ្ដុះបណ្ដាលជំនាញពិធីករ-ពិធីការិនីនេះ ក្រៅពីពង្រឹងលើសមត្ថភាពជាពិធីករ-ពិធីការិនី ប៉ុន្តែវគ្គនេះ នឹងពង្រឹងបន្ថែមទៀតដល់ទេពកោសល្យរបស់មន្ត្រីលើការសរសេរព័ត៌មាន ការសរសេរដំណឹងក្ដៅ ការសរសេរ និងផលិតបទយកការណ៍ បទអត្ថាធិប្បាយ និងការនិយាយជាសាធារណៈលើវេទិកា ការធ្វើបទបង្ហាញ ឬ អង្គប្រជុំផ្សេងៗ ប្រកបដោយទំនុកចិត្ត និងក្រមសីលធម៌វិជ្ជាជីវៈខ្ពស់ ដើម្បីឆ្លើយតបនឹងភាពជឿនលឿន នៃបច្ចេកវិទ្យាសម័យទំនើប នៃយុគសម័យបច្ចេកវិទ្យា ដែលកំពុងដំណើរការជុំវិញពិភពលោក»។
លោកបណ្ឌិត បន្តថា វគ្គបណ្ដុះបណ្ដាលជំនាញពិធីករ-ពិធីការិនីនេះ នឹងជាចំណេះដឹងដ៏មានសារៈសំខាន់សម្រាប់ការអភិវឌ្ឍសមត្ថភាពរបស់សិក្ខាកាមទាំងអស់ដែលបានចូលរួមឲ្យមានភាពរលូន ប្រសិទ្ធភាព និងភាពទាក់ទាញ ព្រមទាំងគោរពតាមបទដ្ឋានពិធីការ និងអាចប្រើប្រាស់ជំនាញដែលទទួលបានក្នុងវគ្គបណ្ដុះបណ្ដាលនេះ ដើម្បីទុកជាដើមទុនយកទៅប្រើប្រាស់ក្នុងការអភិវឌ្ឍសមត្ថភាពរបស់ខ្លួនជាមួយនឹងជំនាញមួយនេះសម្រាប់កម្មវិធីផ្លូវការនានាឲ្យមានប្រសិទ្ធភាពខ្ពស់។
គួរជម្រាបថា គោលបំណងរួម នៃការបង្កើតឲ្យមានវគ្គបណ្ដុះបណ្ដាលនេះ ដើម្បីអភិវឌ្ឍន៍លើចំណេះដឹង និងជំនាញបន្ថែមដល់សិក្ខាកាមមានមូលដ្ឋានជាពិធីករ-ពិធីការិនី និងជាមូលដ្ឋានគ្រឹះដល់សិក្ខាកាមថ្មីៗ ដែលមានបំណងចង់ចេះ និងចង់ចាប់យកជំនាញធ្វើជាពិធីករ-ពិធីការិនី សម្រាប់កម្មវិធីផ្លូវការនានា។ ជាពិសេស ដើម្បីឆ្លើយតបទៅនឹងភាពកង្វះខាតអ្នកកាន់កម្មវិធីផ្សេងៗ ដូចជា កម្មវិធីថ្នាក់ក្រោមជាតិ ថ្នាក់ស្រុក ថ្នាក់ឃុំ ថ្នាក់ភូមិ វេទិកាសាធារណៈ កម្មវិធីនៅតាមសាលារៀន និងកម្មវិធីការប្រគំតន្ត្រីនានា ដែលពិបាករកអ្នកកាន់កម្មវិធី។
សូមបញ្ជាក់ថា វគ្គបណ្ដុះបណ្ដាលនេះ ក៏មានការអញ្ជើញបើកក្រោមអធិបតីភាព លោក សុះ ស៊ុបអ៊ី អនុរដ្ឋលេខាធិការក្រសួងវប្បធម៌ និងវិចិត្រសិល្បៈផងដែរ។ វគ្គបណ្ដុះបណ្ដាលនេះ រៀបចំឡើងក្រោមការផ្ដួចផ្ដើមដោយ លោកបណ្ឌិត ហ៊ឺ វីរៈ ដោយកិច្ចសហការជាមួយនឹងមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង និងរដ្ឋបាលស្រុកកំពង់ត្រឡាច ព្រមទាំងមានការអញ្ជើញចូលរួមពីវាគ្មិនជំនាញៗ ដែលមានបទពិសោធជាច្រើនឆ្នាំមកពីក្រសួងវប្បធម៌ និងវិចិត្រសិល្បៈផងដែរ។ នៅក្នុងវគ្គបណ្ដុះបណ្ដាលនេះ មានសិក្ខាកាមចូលរួមចំនួន ១៥០ នាក់ មានរយៈពេលចំនួន ១ ថ្ងៃ៕
អត្ថបទ ៖ ពិសី
លោកបណ្ឌិត ហ៊ឺ វីរៈ សង្ឃឹមថា វគ្គបណ្ដុះបណ្ដាលជំនាញពិធីករ-ពិធីការិនី នឹងពង្រឹងទេពកោសល្យមន្ត្រីលើការសរសេរព័ត៌មានប្រកបដោយវិជ្ជាជីវៈខ្ពស់
គម្រោងសាងសង់ស្ពានចាក់អង្រែ-ព្រែកប្រាសម្រេចបានជាង ២០ ភាគរយ
ឆ្លងចរន្តអគ្គិសនីឆេះផ្ទះល្វែង ០១ ខ្នង ខូចខាតសម្ភារៈស្ទើរតែទាំងស្រុង
មន្ត្រីជាន់ខ្ពស់ ស្នើសហជីពរាយការណ៍អំពីភាពមិនប្រក្រតីណាមួយ ក្នុងការប្រើប្រាស់បណ្ណ ប.ស.ស
រដ្ឋបាលរាជធានីថ្កោលទោសគម្រោងប្រើដ្រូនវាយប្រហារចូលភូមិគ្រឹះសម្តេចតេជោ
រថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
ថាក់ស៊ីនដែលកំពុងឡើងប្រជាប្រិយភាពត្រូវហាមចូលកម្ពុជានិងទៅកាន់វៀតណាម
យុវតីវ័យជាង ២០ ឆ្នាំ ប្រាប់បទពិសោធន៍ បើករថយន្តបែនតម្លៃជាង ១ លានដុល្លារ ដឹករ៉ែមាសជម្នះការមើលស្រាលពីមជ្ឈដ្ឋានទូទៅ
សម្ដេចធិបតី ជួយឱ្យអ្នកដោះមីន២១០នាក់ ដែលត្រូវបាត់ការងារព្រោះអាមេរិកផ្អាកជំនួយ បានបន្តការងារធម្មតាឡើងវិញ
ក្រោយផ្តាច់ភ្លើងនិងអ៊ីនធឺណិតនៅព្រំដែនមីយ៉ាន់ម៉ា ថៃត្រៀមធ្វើដូចគ្នានៅព្រំដែនកម្ពុជា
-
សន្តិសុខសង្គម៦ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ព័ត៌មានជាតិ៦ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
បច្ចេកវិទ្យា៣ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ១៩ ម៉ោង agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ជីវិតកម្សាន្ដ៣ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៦ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ៦ ថ្ងៃ agoអ្នកស្រុកតំបន់អង្គរ បន្ដធ្វើពិធីចាប់ត្រីរួមគ្នាតាមទំនៀមទម្លាប់ពីដូនតា សម្រាប់ប្រារព្ធពិធីឡើងមាឃ
-
ចរាចរណ៍៦ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត