ព័ត៌មានជាតិ

បិទផ្ទះសំណាក់១ នៅសង្កាត់ផ្សារថ្មី២ ជាបណ្ដោះអាសន្ន ខណៈមានបុរសម្នាក់ឆ្លងកូវីដ១៩

បានផុស

៤ years មុន

នៅ

ថ្ងៃសៅរ៍ ២០ មីនា ២០២១

ដោយ

ផ្ទះសំណាក់១មួយកន្លែងឈ្មោះ គឹមសួគ៌ ត្រូវបានអាជ្ញាធរខណ្ឌដូនពេញចុះបិទជាបណ្ដោះអាសន្ន ក្រោយរកឃើញបុរសម្នាក់ឆ្លងជំងឺកូវីដ១៩ ក្នុងព្រឹត្តិការណ៍សហគមន៍ ២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខណ្ឌដូនពេញ ក្រោមការដឹកនាំបញ្ជាផ្ទាល់របស់លោក សុខ ពេញវុធ អភិបាលនៃគណៈអភិបាលខណ្ឌដូនពេញបានបញ្ជាឲ្យលោក យស់ យុទ្ធី អភិបាលរងចុះសហការជាមួយក្រុមគ្រូពេទ្យក្រសួងសុខាភិបាល ដើម្បីយកអ្នកជំងឺកូវីដ១៩ម្នាក់ទៀត ដែលបានឆ្លងសហគមន៍២០ កុម្ភៈ ដែលកំពុងស្នាក់នៅនៅផ្ទះសំណាក់យីហោគឹមសួគ៌ នៅក្នុងសង្កាត់ផ្សារថ្មី២ខណ្ឌដូនពេញ។

ជាក់ស្តែងនៅព្រឹកថ្ងៃសៅរ៍ ទី២០ ខែមីនា ឆ្នាំ២០២១ វេលាម៉ោង០៩:០០នាទីនេះ ក្រុមគ្រូពេទ្យរបស់កហរសួងសុខាភិបាល បានបន្តចុះសហការជាមួយអាជ្ញាធរមូលដ្ឋានខណ្ឌដូនពេញនិងជាពិសេសអាជ្ញាធរសង្កាត់ផ្សារថ្មី២ មកយកអ្នកជំងឺកូវីដ១៩ ចំនួន០១នាក់ទៀត ភេទប្រុស ស្ថិតនៅក្នុងសង្កាត់ផ្សារថ្មីទី២ ខណ្ឌដូនពេញ ដែលបានពាក់ព័ន្ធនឹងព្រឹត្តិការណ៍ ២០កុម្ភៈ។

អាជ្ញាធរខណ្ឌដូនពេញបញ្ជាក់ទៀតថា អ្នកជំងឺម្នាក់ដែលខាងក្រុមគ្រូពេទ្យចុះមកយកនេះ គឺបានស្នាក់នៅផ្ទះសំណាក់ គឹម សួគ៌ ក្នុង សង្កាត់ផ្សារថ្មីទី២ ពេលនេះកម្លាំងគណៈបញ្ជាការឯកភាពខណ្ឌដូនពេញ បានបិទទ្វារផ្ទះសំណាក់បណ្ដោះអាសន្ន ដើម្បីឲ្យក្រុមគ្រូពេទ្យ បន្តយកសំណាក់អ្នកប៉ះពាល់ផ្សេងៗ ទៀតនៅក្នុងផ្ទះសំណាក់នោះ៕

អត្ថបទ៖ រស្មី

សូមចុចអាន៖ កូនស្រីសពលោក គីម ឃីស៊ុន ចាប់ផ្តើមមានអាការៈ ក្អួតផង ចុកពោះផង គ្រូពេទ្យចុះមកយកទៅព្យាបាល