ព័ត៌មានជាតិ

នគរបាលខណ្ឌទួលគោក ដាក់កម្លាំងអន្តរាគមន៍ចេញល្បាត ២៤ ម៉ោង លើ ២៤ ម៉ោង ក្នុងមូលដ្ឋាន

បានផុស

១ ខែ មុន

នៅ

ថ្ងៃអង្គារ ១៨ កុម្ភៈ ២០២៥

ដោយ

កម្លាំង នៃអធិការនគរបាលខណ្ឌទួលគោក បានធ្វើការរៀបចំកម្លាំងល្បាត ២៤ ម៉ោង លើ ២៤ ម៉ោង ដើម្បីធ្វើការទប់ស្កាត់បទល្មើសផ្សេងៗ ក្នុងមូលដ្ឋាន ជាពិសេសបង្ក្រាបឲ្យទាន់ពេលវេលាបញ្ហាក្មេងទំនើងដែលបង្កនៅក្នុងសង្គម។

ជាក់ស្ដែងនៅថ្ងៃទី ១៨ ខែកុម្ភៈ ឆ្នាំ ២០២៥ ដោយមានការដឹកនាំបញ្ជាពីលោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានរៀបចំកម្លាំងអន្តរាគមន៍ចេញល្បាត ដើម្បីការពារសន្តិសុខ សុវត្ថិភាព ក៏ដូចជាការបង្ការទប់ស្កាត់ និងបង្ក្រាបបទល្មើសផ្សេងៗ ជូនប្រជាពលរដ្ឋក្នុងមូលដ្ឋាន ជាពិសេសបង្ការទប់ស្កាត់ក្មេងទំនើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ស៊ឹម ពិសិដ្ឋ បានប្រាប់ឲ្យដឹងថា លោកបានចាត់កម្លាំងល្បាតគ្រប់ប៉ុស្តិ៍ ចេញល្បាតទាំងថ្ងៃទាំងយប់ ពោលគឺមានការផ្លាស់ប្តូរវេនគ្នា ២៤ ម៉ោង លើ ២៤ ម៉ោង ជាពិសេសនៅចំណុចស្មុគស្មាញ និងសម្បូរក្រុមក្មេងទំនើង និងការពារបទល្មើសផ្សេងៗ ជូនប្រជាពលរដ្ឋ និងណែនាំមន្ត្រីអំពីការងារសេវាតម្រូវការរបស់ប្រជាពលរដ្ឋ ការងារការពារ សន្តិសុខ សណ្តាប់ធ្នាប់ ការងារចុះសម្រួលគោលដៅកកស្ទះនៅតាមមូលដ្ឋានដល់មន្ត្រីក្រោមឱវាទ។

ជាមួយគ្នាផងដែរ លោកអធិការខណ្ឌទួលគោក ក៏បានសំណូមពរទៅកាន់ប្រជាពលរដ្ឋដែលរស់នៅមូលដ្ឋានខណ្ឌទួលគោកទាំងអស់ សូមជួយសហការ និងផ្តល់ព័ត៌មានដល់អាជ្ញាធរ ដើម្បីបង្ការការពារជូនពលរដ្ឋឲ្យទាន់ពេលវេលា៕

អត្ថបទ ៖ ម៉េង