ព័ត៌មានជាតិ
កម្មការិនីមានផ្ទៃពោះ នៃរោងចក្រហ្វ័រម៉ាត សប្បាយចិត្តដែលនៅតែ ទទួលបានអត្ថប្រយោជន៍ជាច្រើនពី ប.ស.ស
ក្រុមកម្មការិនីមានផ្ទៃពោះ បម្រើការក្នុងរោងចក្រ ហ្វ័រម៉ាត (ខេមបូឌា) ខូ អិលធីឌី ដែលត្រូវបានអគ្គិភ័យឆាបឆេះ បានបង្ហាញការសប្បាយចិត្ត ដែលពួកគាត់នៅតែទទួលបានអត្ថប្រយោជន៍ជាច្រើនពី បេឡាជាតិសន្តិសុខសង្គម (ប.ស.ស) ក្នុងការពិនិត្យផ្ទៃពោះ និងសេវាថែទាំសុខភាព និងដោយមានការសម្របសម្រួលយកចិត្តទុកដាក់ពីក្រសួងការងារ និងបណ្ដុះបណ្ដាលវិជ្ជាជីវៈ។
លោកស្រី ភឿន លីណា ជាកម្មការិនីមានផ្ទៃពោះ នៃរោងចក្រ ហ្វ័រម៉ាត បានលើកឡើងថា លោកស្រីសប្បាយចិត្តពេលមាន ប.ស.ស. គឺយើងអាចចំណេញ និងទទួលបានអត្ថប្រយោជន៍ច្រើន ដោយសាររាជរដ្ឋាភិបាលជួយក្នុងការចំណាយផ្សេងៗ តាំងពីពេលពិនិត្យផ្ទៃពោះរហូតដល់ពេលសម្រាលកូន និងក្រោយសម្រាលកូន ក្នុងការយកកូនទៅចាក់វ៉ាក់សាំងរហូតដល់កូនអាយុក្រោម ២ ឆ្នាំ។
លោកស្រីបញ្ជាក់ថា រាល់ការទៅទទួលសេវាកម្មនៅតាមមន្ទីរពេទ្យជាដៃគូ ប.ស.ស. គឺលឿន រហ័ស មានការយកចិត្តទុកដាក់ខ្ពស់ និងមិនមានការលំបាកអ្វីឡើយ ពោលគឺមិនចំណាយអ្វីទាំងអស់។
កម្មការិនីមានផ្ទៃពោះមួយរូបទៀត លោកស្រី ម៉ៅ សុខរក្សា ក៏បានលើកឡើងដែរថា តាមរយៈបេឡាជាតិសន្តិសុខសង្គម (ប.ស.ស) មុនពេលសម្រាលកូន លោកស្រីទទួលបានលុយ ៨ ម៉ឺនរៀល សម្រាប់ការពិនិត្យផ្ទៃពោះម្តងៗ រួមនឹងការឧបត្ថម្ភផ្សេងៗ ទៀត ដែលនេះពិតជាបានលើកកម្ពស់ជីវភាពពលរដ្ឋ កាត់បន្ថយភាពក្រីក្របានយ៉ាងច្រើន។ លោកស្រីសូមថ្លែងអំណរគុណដល់ថ្នាក់ដឹកនាំ និងក្រុមការងារ នៃក្រសួងការងារ និងបណ្តុះបណ្តាលវិជ្ជាជីវៈ ដែលយកចិត្តទុកដាក់ខ្ពស់ពីទុក្ខលំបាករបស់កម្មករ-និយោជិត ក្រោយហេតុការណ៍អគ្គិភ័យឆាបឆេះរោងចក្រនេះផងដែរ។
ជាមួយគ្នានេះដែរ លោកស្រី សយ សុភា ប្រធានសាខាបេឡាជាតិសន្តិសុខសង្គម (ប.ស.ស) ខណ្ឌដង្កោ បានលើកឡើងថា ជាការឆ្លើយតបទៅនឹងស្ថានភាពជាក់ស្តែង និងដើម្បីជួយសម្រួលបញ្ហាប្រឈមនានារបសកម្មករ-និយោជិត ពិសេសកម្មការិនីដែលមានផ្ទៃពោះ ក្រុមការងារ ប.ស.ស. សាខាខណ្ឌដង្កោ បានចុះទៅដល់ទីតាំងភ្លាមៗ ក្រោយហេតុការណ៍អគ្គិភ័យឆាបឆេះរោងចក្រ ហ្វ័រម៉ាត។
លោកស្រីបញ្ជាក់ថា ជាការឆ្លើយតបចំពោះស្ត្រីមានផ្ទៃពោះសរុប ១៤ នាក់ នៃរោងចក្រ ហ្វ័រម៉ាត នេះ គឺ ប.ស.ស. នៅតែបន្តផ្ដល់ជូនអត្ថប្រយោជន៍ដែលកម្មការិនីមានផ្ទៃពោះទទួលបានដដែល។ ដូចនេះសូមកម្មការិនីកុំមានការព្រួយបារម្ភ ព្រោះនៅពេលកម្មការិនីមានផ្ទៃពោះបានបំពេញតាមលក្ខខណ្ឌកំណត់របស់ ប.ស.ស. គឺពួកគាត់នឹងទទួលបានប្រាក់ឧបត្ថម្ភជា ៣ ដំណាក់កាល ស្មើនឹងចំនួន ១៥ លើក គឺចាប់តាំងពីពិនិត្យផ្ទៃពោះ ពេលសម្រាលកូន និងក្រោយសម្រាលកូនរហូតដល់កូនមានអាយុក្រោម ២ ឆ្នាំ។
សូមបញ្ជាក់ថា សម្រាប់សមាជិក ប.ស.ស. ដែលជាកម្មការិនីមានផ្ទៃពោះ នឹងទទួលបានអត្ថប្រយោជន៍ដូចជា ៖
-ទទួលបានសេវាពិនិត្យ និងថែទាំ មុន និងក្រោយសម្រាល
-ទទួលបានសេវាសម្រាលកូនដោយឥតគិតថ្លៃនៅគ្រប់មន្ទីរពេទ្យដៃគូ ប.ស.ស.
-ទទួលបានប្រាក់បំណាច់ប្រចាំថ្ងៃ ៧០% ចំនួន ៩០ ថ្ងៃ
-ទទួលបានប្រាក់ឧបត្ថម្ភរបស់រាជរដ្ឋាភិបាល ក្នុងអំឡុងពេលពិនិត្យផ្ទៃពោះ មុនសម្រាល និងក្រោយសម្រាល និងការចាក់វ៉ាក់សាំងកូនរហូតកុមារអាយុក្រោម ២ ឆ្នាំ។
សូមជម្រាបផងដែរថា សមាជិក ប.ស.ស. ក្នុងវិស័យឯកជន ដើម្បីទទួលបានប្រាក់បំណាច់មាតុភាពខាងលើ លុះត្រាតែបានបង់ភាគទានមក ប.ស.ស. បានយ៉ាងតិច ៩ ខែ ក្នុងអំឡុងពេល ១២ ខែ ចុងក្រោយ គិតមកដល់ខែសម្រាលកូន៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?