ព័ត៌មានជាតិ

តើមានលក្ខខណ្ឌយ៉ាងណាខ្លះ ដើម្បីអាចធ្វើការនៅការដ្ឋានរ៉ែមាសខេត្តមណ្ឌលគិរី?

បានផុស

១ ខែ មុន

នៅ

ថ្ងៃព្រហស្បតិ៍ ២០ កុម្ភៈ ២០២៥

ដោយ

បុគ្គលិកនិងកម្មករ ដែលកំពុងបម្រើការងារនៅក្រុមហ៊ុនជីករុករករ៉ែមាសនៅតំបន់អូរខ្វាវ ខេត្តមណ្ឌលគិរី បច្ចុប្បន្នមានប្រមាណ ៧០០ នាក់មានទាំងខ្មែរនិងបរទេស។

មានមូលដ្ឋាននៅប្រទេសអូស្ត្រាលី ក្រុមហ៊ុន រ៉ឺនេសង់ មីនើរ៉ល បានប្រតិបត្តិការរុករករ៉ែមាសនៅតំបន់អូរខ្វាវខេត្តមណ្ឌលគិរីតាំងពីឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូ ផល្លា ប្រធានផ្នែករដ្ឋបាល និងធនធានមនុស្សនៅក្រុមហ៊ុន រ៉ឺនេសង់ មីនើរ៉ល

លោក នូ ផល្លា ប្រធានផ្នែករដ្ឋបាល និងធនធានមនុស្សនៅក្រុមហ៊ុន រ៉ឺនេសង់ មីនើរ៉ល បានគូសបញ្ជាក់ថា លក្ខខណ្ឌក្នុងការការជ្រើសរើសបុគ្គលិកនិងកម្មករ បម្រើការងារនៅក្រុមហ៊ុនមានភាពខុសគ្នា ផ្អែកលើកម្រិតនៃការងារតាមផ្នែកនិងតួនាទីនីមួយៗ។

បុគ្គលិកជំនាញមុនត្រូវបានជ្រើសរើសមកធ្វើការ ត្រូវតែមានសមត្ថភាពចំណេះដឹង ឆ្លងកាត់ការសិក្សាដល់សាកលវិទ្យាល័យ និងការសម្ភាសជាច្រើនដំណាក់កាល។ ដោយឡែកបុគ្គលិកគ្មានជំនាញ ក៏ក្រុមហ៊ុនមានតម្រូវការដូចគ្នា ដែលអាចធ្វើការនៅរណ្តៅរ៉ែ ហើយក្រុមហ៊ុនក៏នឹងផ្តល់ការបណ្ដុះបណ្ដាលបន្ថែម ដើម្បីគាំទ្រជួយដល់អ្នកបច្ចេកទេស រួមទាំងអ្នកគ្រប់គ្រងនៅការដ្ឋាន។

បុគ្គលិកកម្មករដែលត្រូវបានជ្រើសរើសបម្រើការងារនៅការដ្ឋាន គឺក្រុមហ៊ុនផ្តល់ឱកាសស្មើៗគ្នាមិនថាប្រុសឬស្រី។

បើតាមលោក នូ ផល្លា តាមរយៈគម្រោងការដ្ឋាននៅអូរខ្វាវ បច្ចុប្បន្នបានបង្កើតការងារប្រមាណ ៧៥០ នាក់ ដែលមានចម្រុះជាតិសាសន៍ទាំងខ្មែរនិងបរទេស។ ដោយឡែកពលរដ្ឋខ្មែរដែលទទួលបានឱកាសការងារដោយផ្ទាល់ មានប្រមាណ ៦៥៩ នាក់៕