ព័ត៌មានជាតិ
ការដ្ឋានសាងសង់អគារដ៏ធំ ១ កន្លែង ក្នុងខណ្ឌបឹងកេងកង កំពុងបង្កក្ដីបារម្ភ ដល់ពលរដ្ឋធ្វើដំណើរឆ្លងកាត់
ប្រជាពលរដ្ឋរស់នៅក្បែរទីតាំងអគារការដ្ឋានដ៏ធំ ១ កន្លែង ក្នុងមូលដ្ឋានខណ្ឌបឹងកេងកង កំពុងកើតការព្រួយបារម្ភយ៉ាងខ្លាំងពីសុវត្ថិភាពពេលធ្វើដំណើរឆ្លងកាត់ម្ដងៗ ដោយសារតែទីតាំងខាងលើតែងតែស្ទូចសម្ភារៈសំណង់មួយចំនួននៅលើផ្លូវ។
ជាក់ស្ដែងទីតាំងការដ្ឋានកំពុងសាងសង់មួយកន្លែងនេះ ស្ថិតនៅតាមបណ្ដោយផ្លូវលេខ ៣៣៤ កែងផ្លូវលេខ ៦៣ សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ។
ពាក់ព័ន្ធបញ្ហានេះ បើតាម លោក សួន ផល្លា ជាអ្នករត់កង់បីឥណ្ឌានៅជិតការដ្ឋាននោះ បានប្រាប់កម្ពុជាថ្មី ឲ្យដឹងថា គាត់តែងតែសង្កេតឃើញថា ទីតាំងការដ្ឋានមួយនេះ តែងតែឈប់រថយន្តដឹកគ្រឿងសំណង់មកនៅផ្លូវ ដើម្បីស្ទូចសម្ភារៈសាងសង់ឡើងទៅលើ។ ពេលដែលលោកជិះឆ្លងកាត់ដឹកភ្ញៀវតែងតែមានការព្រួយបារម្ភ ដោយសារតែនៅពេលស្ទូចគ្រឿងសំណង់ឡើងទៅលើម្ដងៗ ខ្លាចមានការដាច់ធ្លាក់ចុះមកក្រោមវិញ ព្រោះថាសុទ្ធតែជាប្រភេទគ្រឿងសំណង់មានទម្ងន់ធ្ងន់ ខ្លាចយោងមិនរួច ដាច់ចុះមកក្រោមវិញបង្កគ្រោះថ្នាក់ជាយថាហេតុដល់អាយុជីវិតជាក់ជាពុំខាន។
ដោយឡែក អ្នកស្រី ធារី ជាប្រជាពលរដ្ឋរស់នៅតំបន់ខាងលើបានប្រាប់ កម្ពុជាថ្មី ឲ្យដឹងថា រាល់ថ្ងៃសង្កេតឃើញថាមានទីតាំងការដ្ឋានមួយដ៏ធំកំពុងសាងសង់ឃើញមានការហ៊ុមព័ទ្ធរំលោភលើចិញ្ចើមផ្លូវសាធារណៈ ហើយភាគច្រើនសម្ភារៈសំណង់ធ្ងន់ៗ គឺយោងនៅកណ្ដាលផ្លូវតែម្ដង។
អ្នកស្រី បន្តថា ចុះបើសិនជាដាច់ខ្សែយោងនោះគឺបង្កគ្រោះថ្នាក់ធំណាស់អាចដល់អាយុជីវិតប្រជាពលរដ្ឋអ្នកធ្វើដំណើរទាំងម៉ូតូទាំងរថយន្តផងដែរ។
ជាមួយគ្នានេះ អ្នកស្រី ក៏បានសំណូមពរដល់អាជ្ញាធរមូលដ្ឋាន ជាពិសេស លោក សុខ សម្បត្តិ អភិបាលខណ្ឌបឹងកេងកង គួរមានវិធានការអប់រំណែនាំដល់ម្ចាស់គ្រប់គ្រងការដ្ឋានកំពុងសាងសង់នេះ ដើម្បីឲ្យមានលក្ខណៈបច្ចេកទេសឲ្យបានត្រឹមត្រូវ ជៀសវាងបង្កគ្រោះថ្នាក់ដល់ប្រជាពលរដ្ឋអ្នកធ្វើដំណើរតាមដងផ្លូវសាធារណៈ។
សូមបញ្ជាក់ថា លោក ហេង ពិសិដ្ឋ អភិបាលរងខណ្ឌបឹងកេងកង ធ្លាប់លើកឡើងថា លោកនឹងចាត់មន្ត្រីជំនាញឲ្យចុះទៅពិនិត្យជាបន្ទាន់លើករណីនេះផងដែរ៕
អត្ថបទ ៖ ម៉េង
ហ្វីលីពីនពិចារណាហាមឃាត់ការនាំចេញនីកែល
អ៊ុយក្រែន ច្រានចោលរបាយការណ៍ដែលថាខ្លួនបិទ Truth Social របស់លោក ត្រាំ
មជ្ឈមណ្ឌលវេជ្ជសាស្ត្រសាន់វ៉េចាប់ដៃគូជាមួយមន្ទីរពេទ្យកុមារ ម៉ាក់ស៊ីឃែរនិងមន្ទីរពហុព្យាបាល ស៊ីង-ស្ពេសឹលីសដើម្បីបម្រើសហគមន៍នៅកម្ពុជា
អាគារអន្តេវាសិកដ្ឋានសាកលវិទ្យាល័យព្រះសីហមុនីរាជចាប់ផ្ដើមបើកការដ្ឋានសាងសង់
ឥណ្ឌូណេស៊ី៖ Toyota ចង់ឱ្យខ្លួនក្លាយជា មជ្ឈមណ្ឌលផលិតកម្មប្រចាំលោកខាងត្បូង
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
ក្រឡាប់យន្តហោះនៅកាណាដាថ្ងៃមុន អ្នកដំណើរបានសំណងម្នាក់ ៣០ ០០០ ដុល្លារ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍១ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់