ព័ត៌មានជាតិ
ការអនុវត្តលក្ខខណ្ឌការងារ និងអត្ថប្រយោជន៍ផ្សេងៗ តាមសហគ្រាសគ្រឹះស្ថាន មានភាពល្អប្រសើរ
ថ្នាក់ដឹកនាំក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា ការអនុវត្តលក្ខខណ្ឌការងារ និងអត្ថប្រយោជន៍ផ្សេងៗ ក៏ដូចជាស្ថានភាព នៃទំនាក់ទំនងវិជ្ជាជីវៈនៅតាមបណ្តារោងចក្រសហគ្រាសគ្រឹះស្ថាននានា មានភាពល្អប្រសើរ។
ការអះអាងរបស់ថ្នាក់ដឹកនាំក្រសួងការងារនេះបានធ្វើឡើងបន្ទាប់ពី លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានចាត់ឱ្យថ្នាក់ដឹកនាំក្រសួងការងារចុះជួបសំណេះសំណាលត្រួតពិនិត្យ និងតាមដានស្ថានភាព និងព័ត៌មានទូទៅជាមួយតំណាងក្រុមហ៊ុន និងកម្មករ-និយោជិតនៅរោងចក្រកាត់ដេរសម្លៀកបំពាក់ ផលិតស្បែកជើង កាបូប និងផលិតផលធ្វើដំណើរនានា នៅក្នុងរាជធានីភ្នំពេញ ជាបន្តបន្ទាប់។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា ការចុះតាមរោងចក្រនៅក្នុងរាជធានីភ្នំពេញរបស់ថ្នាក់ដឹកនាំក្រសួងបានចូលរួមចំណែកលើកកម្ពស់សុខដុមរមនានឹងគ្នារវាងនិយោជក និងកម្មករ-និយោជិតដែលនឹងជួយបង្កើនច្រវាក់ផលិតកម្មកាន់តែប្រសើរ។ ព្រោះថាពេលថ្នាក់ដឹកនាំចុះតាមរោងចក្រសហគ្រាស និងគ្រឹះស្ថានក្នុងការពិនិត្យស្ថានភាពផលិតកម្មរោងចក្រ លក្ខខណ្ឌការងារការបើកប្រាក់ឈ្នួល ការប្រើប្រាស់ ប.ស.ស និងស្តាប់នូវសំណូមពររបស់កម្មករ-និយោជិត ដើម្បីដោះស្រាយឱ្យបានទាន់ពេលវេលា។
លោក កត្តា អ៊ន បានបន្តថា ក្រៅពីនេះ ក្រុមការងារអធិការកិច្ចបានចាប់ផ្តើមចុះតាមបណ្តារោងចក្រចំនួន ១០១ រោងចក្រ នៅរាជធានីភ្នំពេញ និងបណ្តាខេត្តនានា ចាប់ពីថ្ងៃទី ១២ ខែកុម្ភៈ រហូតដល់ថ្ងៃទី ៣១ ខែមិនា ឆ្នាំ ២០២៥ ខាងមុខ ដើម្បីសំណេះសំណាល និងប្រមូលព័ត៌មានអំពីការប្រើប្រាស់សេវា ប.ស.ស ក៏ដូចជាការទទួលសេវាពីមន្ទីរពេទ្យជាដៃគូរបស់ ប.ស.ស សំដៅកែលម្អការផ្តល់សេវា ប.ស.ស និងការទទួលសេវា ប.ស.ស ឱ្យកាន់តែល្អប្រសើរបន្ថែមទៀតផងដែរ។
លោក កត្តា អ៊ន បានបន្តទៀតថា ឆ្នាំ ២០២៤ កម្ពុជា មានរោងចក្រសហគ្រាសចំនួន ៤៤ ៧៩៨ មានកម្មករ-និយោជិតចំនួន ១ ៨១៦ ០៤៦ នាក់ ស្រី ១ ០៦៤ ៦៨១ នាក់ ក្នុងនោះ រោងចក្រកាត់ដេរមានចំនួន ១ ៥៦៦ មានកម្មករ-និយោជិតចំនួន ៩២៤ ០៤៥ នាក់ ស្រី ៦៩១ ៤២៣ នាក់។ តួលេខនេះ បើធៀបទៅនឹងឆ្នាំ ២០២៣ ឃើញថា មានការកើនឡើង ខណៈឆ្នាំ ២០២៣ មានរោងចក្រសហគ្រាសចំនួន ៤០ ៩៧៥ រោងចក្រ មានកម្មករចំនួន ១ ៧១៥ ០២៩ នាក់ ស្រី ១ ០៣៩ ៦៩៩ នាក់ ក្នុងនោះ រោងចក្រកាត់ដេរ មាន ១ ៤៩៩ មានកម្មករ-និយោជិតចំនួន ៨៨៦ ៣៥៥ នាក់ ស្រី ៦៧៣ ៧៣៦ នាក់៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ